5 Mose 3:18 - ŊMALƐ KRƆŊKRƆŊ LƐ

¹⁸ “Mikɛɛ nyɛ nakai be lɛ mli akɛ, ‘Yehowa, nyɛNyɔŋmɔ lɛ, kɛ nɛkɛ Yordan bokãgbɛ shikpɔŋ nɛɛ ehã nyɛ akɛ nyɛnɔ. Nyɛteŋ tabilɔi lɛ fɛɛ amia koni nyɛnyiɛ nyɛnyɛmimɛi Israelbii lɛ ahiɛ.

Ṅmãle̱ Kroṅkroṅ Le̱

¹⁸ Ni miwonye kitã ye̱ nakai be le̱ mli ake̱: Iehowa, nye-Nyoṅmo̱ le̱, eṅõ ne̱ke̱ šikpoṅ ne̱ ehãnye ake̱ nyenõ; nyeteṅ tawulo̱i le̱ fẽ amĩa ke̱-nyie nyenyemimei, Israelbii le̱, ahĩe;

5 Mose 3:18 ပူးပေါင်းရင်းမြစ်များ

1 Mose 15:7

Kɛkɛ ni Nyɔŋmɔ kɛɛ Abram akɛ, “Mi ji Yehowa mɔ ni jie bo kɛjɛ Ur yɛ Babilonbii ashikpɔŋ lɛ nɔ koni maŋɔ nɛkɛ shikpɔŋ nɛɛ mahã bo akɛ onɔ lɛ.”

Lalai 136:21

Ni eŋɔ amɛshikpɔŋ lɛ ehã ewebii akɛ gboshinii lɛ ejaakɛ naanɔ esuɔmɔ ni tsakeee lɛ hiɔ shi kɛyaa!

4 Mose 33:53

Nyɛŋɔa shikpɔŋ lɛ koni nyɛhia nɔ, ejaakɛ mijɔɔ nɔ mihã nyɛ koni etsɔ̃ nyɛnɔ.

5 Mose 12:1

“Akpɔi kɛ mlai ni nyɛjwɛŋ nɔ nyɛye nɔ gbii abɔ ni nyɛyɔɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ akɛ nyɛnɔ lɛ nɛ.

5 Mose 15:4

“Ohiafo kome nɛkɛ ehiŋ nyɛteŋ, ejaakɛ Yehowa baajɔɔ nyɛ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ, koni nyɛŋɔ akɛ nyɛgbɛfaŋnɔ lɛ nɔ,

5 Mose 19:14

“Kaajie onaanyo kɛ bo teŋ husu nɔ okadi ni blemabii lɛ eto jeeŋmɔ lɛ kɛtee sɛɛ, yɛ shikpɔŋ ni Yehowa kɛhãa nyɛ koni etsɔ̃ nyɛnɔ lɛ nɔ.

5 Mose 19:2

nyɛhalaa shikpɔŋ lɛ nɔ maji etɛ̃ nyɛtoa. Nyɛjaa shikpɔŋ tso muu ni Yehowa, nyɛNyɔŋmɔ lɛ, kɛhãa nyɛ akɛ nyɛnɔ lɛ fɛɛ mli etɛ̃. Nyɛhalaa shikpɔŋ lɛ nɔ maji etɛ̃ nyɛtoa bɔ ni afee ni mɔ fɛɛ mɔ ni egbe gbɔmɔ lɛ, enyɛ ejo foi oya kɛya jɛi eyaba abo.

5 Mose 19:7

No hewɔ ni mifãa nyɛ akɛ nyɛhala maji etɛ̃ nyɛto lɛ.

5 Mose 21:1

“Kɛji ana mɔ ko ni agbe lɛ afɔ̃ ŋa nɔ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ, ni aleee mɔ ni gbe lɛ lɛ,

5 Mose 25:19

Enɛ hewɔ lɛ, kɛji Yehowa, nyɛNyɔŋmɔ lɛ, ehã nyɛhe ejɔ nyɛ yɛ nyɛhenyɛlɔi fɛɛ ni bɔle nyɛ lɛ adɛŋ lɛ, nyɛbulea Amalekbii lɛ ashishi kwraa koni akakai amɛ dɔŋŋ yɛ jeŋ. Nyɛhiɛ akakpaa nɔ.”

5 Mose 5:31

Shi bo lɛ, daamɔ biɛ yɛ mimasɛi, ni matsɔ̃ɔ bo kitãi lɛ kɛ akpɔi lɛ kɛ mlai lɛ fɛɛ, koni oyatsɔ̃ɔ maŋ lɛ akɛ amɛye nɔ yɛ shikpɔŋ ni mikɛhãa amɛ akɛ amɛnɔ lɛ nɔ.’

5 Mose 6:1

“Agbɛnɛ kitãi lɛ kɛ akpɔi lɛ kɛ mlai lɛ ni Yehowa, nyɛNyɔŋmɔ lɛ, fã akɛ mitsɔ̃ɔ nyɛ lɛ nɛ, koni nyɛyaye nɔ yɛ shikpɔŋ ni nyɛyaa ni nyɛyaŋɔ lɛ nɔ.

5 Mose 9:6

No hewɔ lɛ, nyɛnaa nyɛlea akɛ jeee nyɛjalɛ hewɔ ni Yehowa, nyɛNyɔŋmɔ lɛ, kɛ nɛkɛ shikpɔŋ kpakpa nɛɛ hãa nyɛ koni nyɛŋɔ lɛ, ejaakɛ nyɛ tuuŋtu lɛ maŋ ni kuɛŋ ti ji nyɛ.

Yoshua 1:11

“Nyɛkpaa maŋ lɛŋ koni nyɛwoa maŋbii lɛ shi. Nyɛkɛa amɛ akɛ, ‘Nyɛtaoa gbɛ nɔ niyenii nyɛtoa, ejaakɛ biɛ gbii etɛ̃ lɛ, nyɛbaafo Yordan Faa nɛɛ koni nyɛya nyɛyaŋɔ shikpɔŋ ni Yehowa, nyɛNyɔŋmɔ lɛ, kɛhãa nyɛ akɛ nyɛnɔ lɛ.’ ”