5 Mose 3:17 - ŊMALƐ KRƆŊKRƆŊ LƐ

¹⁷ Yɛ anaigbɛ lɛ amɛshikpɔŋ lɛ yamɔɔ Yordan Faa lɛ; ejɛɔ Galilea Kpaakpo lɛ he yɛ kooyigbɛ kɛhoɔ kɛyamɔɔ Ŋoo Ŋshɔ lɛ yɛ wuoyigbɛ, kɛtseɔ mli kɛyaa Pisga Gɔŋ lɛ shishi yɛ bokãgbɛ.

Ṅmãle̱ Kroṅkroṅ Le̱

¹⁷ ke̱ ṅã kplenē le̱ ní Iordan dši ehũsũ le̱, ke̱-dše̱ Kineret-ṅšo̱ le̱ nā ke̱-yaši ṅã kplenē le̱ no̱ ṅšo̱ ní dši Ṅō-ṅšo̱ le̱ nā ye̱ Pisga šiši ye̱ bokãgbe̱ le̱.

5 Mose 3:17 ပူးပေါင်းရင်းမြစ်များ

1 Mose 13:10

Kɛkɛ ni Lot wo ehiɛ nɔ ni ekwɛ shikpɔŋ lɛ kɛkpe, ni ena akɛ Yordan jɔɔ lɛ fɛɛ yɛ frɔ̃frɔ̃ aahu kɛtee Zoar tɔ̃ɔ. Etamɔ Yehowa trom lɛ aloo Ijipt shikpɔŋ lɛ. Nɛkɛ be mli lɛ, Yehowa kpãtãko Sodom kɛ Gomora hiɛ.

1 Mose 14:3

Maŋtsɛmɛi nɛɛ fɛɛ fee ta kome yɛ Sidim jɔɔ lɛ ni etsɔ̃ Ŋoo Ŋshɔ agbɛnɛ lɛ mli.

2 Maŋtsɛmɛi 14:25

Lɛ ehã Israel husui lɛ shɛ amɛdɛŋ ekoŋŋ, kɛjɛ Lebo-Hamat ni yɔɔ kooyigbɛ lɛ kɛyashi ŋa kplenee lɛ nɔ Ŋoo Ŋshɔ lɛ naa, tamɔ bɔ ni Yehowa, Israel Nyɔŋmɔ lɛ, tsɔ̃ etsulɔ Yona, Amitai bi gbalɔ ni jɛ Gat-Hefer lɛ, nɔ ewie lɛ.

Ezekiel 47:8

Ekɛɛ mi akɛ, “Nɛkɛ nu nɛɛ hoɔ kɛyaa bokãgbɛ, ni emaa eyi shi kɛtsɔ̃ɔ Yordan Jɔɔ lɛ mli, ni ekɛ enaa yawoɔ Ŋoo Ŋshɔ lɛ mli. Kɛji nu lɛ bote Ŋoo Ŋshɔ lɛ mli lɛ, ehãa Ŋoo Ŋshɔ lɛ mli nu tsɔ̃ɔ nuŋma.”

4 Mose 23:14

Balak kɛ Balaam tee Zofim ŋa lɛ nɔ yɛ Pisga Gɔŋ lɛ yiteŋ, ni eyamãmɔ afɔleshãa latɛi kpawo yɛ jɛi, ni ekɛ tsinanuu komekome kɛ ojwɛni hu komekome shã afɔle yɛ afɔleshãa latɛ fɛɛ afɔleshãa latɛ nɔ.

Luka 5:1

Gbi ko be ni Yesu damɔ Genesaret Kpaakpo lɛ naa ni mɛi pii jwere enɔ amɛboɔ Nyɔŋmɔ wiemɔ lɛ toi lɛ,

5 Mose 4:49

Ŋa kplenee lɛ fɛɛ ni yɔɔ Yordan lɛ bokãgbɛ lɛ kɛtee wuoyigbɛ kɛyanina Ŋoo Ŋshɔ lɛ, kɛtee bokãgbɛ kɛyashi Pisga Gɔŋ lɛ shishi fɛɛ fata shikpɔŋ nɛɛ he.

Yoshua 12:3

Maŋtsɛ Sihon nɛɛ nɔŋŋ shikpɔŋ ji Yordan Jɔɔ lɛ mli shikpɔŋ ni kã shi kɛjɛ Bet Yeshimot wuoyi (yɛ Galilea Kpaakpo lɛ bokãgbɛ) kɛyashwie Pisga Gɔŋ lɛ shishi lɛ.

Yoshua 13:27

kɛ Yordan Jɔɔ lɛ mli maji lɛ, ni ji Bet Haram kɛ Bet Nimra kɛ Sukot kɛ Zafon kɛ Heshbon maŋtsɛ Sihon shikpɔji ni eshwɛ lɛ. Shikpɔŋ lɛ kã shi kɛjɛ Yordan lɛ naa akɛ husu kɛtee Galilea Kpaakpo lɛ shishigbɛ he ni kpaakpo lɛ naa yatãa yɛ lɛ yɛ Yordan lɛ bokãgbɛ.

Yoshua 15:2

Amɛshikpɔŋ nɛɛ wuoyigbɛ husu lɛ jɛ Ŋoo Ŋshɔ lɛ naagbeehe lɛ, yɛ ble ni kã wuoyigbɛ lɛ naa,

Yoshua 15:5

Bokãgbɛ husu lɛ ji Ŋoo Ŋshɔ lɛ kɛlɛ kɛyashi he ni Yordan lɛ kɛ enaa woɔ Ŋoo Ŋshɔ lɛ mli yɛ lɛ. Kooyigbɛ husu lɛ jɛ ble ni yɔɔ he ni Yordan lɛ kɛ enaa woɔ Ŋoo Ŋshɔ lɛ mli yɛ lɛ.

Yoshua 18:19

Husu lɛ tse mli, ni eyaje Bet-Hogla masɛi yɛ ekooyigbɛ, ni enaa yatã yɛ Ŋoo Ŋshɔ lɛ kooyigbɛ ble lɛ mli he ni Yordan lɛ naa yatãa yɛ, yɛ wuoyigbɛ lɛ. Bɔ ni Benyaminbii lɛ awuoyigbɛ husu lɛ kã shi hã lɛ nɛ.

Yoshua 19:35

Naftalibii lɛ ashikpɔŋ lɛ nɔ maji ni atswa gbogbo awo amɛhe kɛwaje amɛ lɛ ekomɛi ji Zidin kɛ Rakat kɛ Kineret,

Yoshua 3:16

kɛkɛ ni nu ni jɛ yiteŋgbɛ baa lɛ wa, ni ekwɔ kɛtee ŋwɛi shɔŋŋ, yɛ Adam ni ji maŋ ko ni bɛŋkɛ Zaretan lɛ he. Kɛkɛ ni nu ni kpelekeɔ shi kɛyaboteɔ Araba ŋshɔ, ni ji Ŋoo Ŋshɔ, lɛ mli lɛ tã, ni esɛɛ fo kwraa. Kɛkɛ ni Israelbii lɛ fo faa lɛ yɛ Yeriko ŋlɛnɔ tuuŋtu.