5 Mose 3:14 - ŊMALƐ KRƆŊKRƆŊ LƐ

¹⁴ Manasenyo ko ni gbɛi ji Yair lɛ ŋɔ Argob, shikpɔŋ ni ji Bashan, fɛɛ kɛyashi Geshurbii kɛ Maakatbii ahusui lɛ anaa, ni ekɛ lɛ diɛŋtsɛ egbɛi wo Bashan akrowai lɛ, ni gbɛi Yair akrowai lɛ ka kɛbashi ŋmɛnɛ.)

Ṅmãle̱ Kroṅkroṅ Le̱

¹⁴ Manase bi Iair le̱ ṅõ Argob niiaṅ fẽ ke̱-yaši Gešurbii ke̱ Maakatbii ahũsũi le̱ anā, ni eṅõ egbe̱i ewo Bašan mãdši le̱ ake̱ Havot-Iair ke̱-baši ṅme̱ne̱.

5 Mose 3:14 ပူးပေါင်းရင်းမြစ်များ

2 Samuel 10:6

Amonbii lɛ na akɛ amɛyata David he. No hewɔ lɛ, amɛtsu kɛtee ni ayabɔ Siriabii tabilɔi ni nyiɛɔ nane akpei nyɔŋmai enyɔ apaa kɛjɛ Bet-Rehob kɛ Zoba. Amɛyabɔ Maaka maŋtsɛ lɛ kɛ etabilɔi akpe kɛ Tob tabilɔi hu akpei nyɔŋma kɛ enyɔ apaa.

2 Samuel 13:37

Be ni Absalom jo foi lɛ, etee Geshur maŋtsɛ Talmai, ni ji Amihud bi lɛ, ŋɔɔ, ni ekɛ lɛ yahi shi afii etɛ̃. David ye ebinuu Absalom he awerɛho daa gbi.

2 Samuel 14:23

Enɛ sɛɛ lɛ Yoab te shi, ni eyiŋ etee Geshur, ni eyaŋɔ Absalom kɛba Yerusalɛm.

2 Samuel 20:26

ni David osɔfo kroko hu ji Ira, Yairnyo lɛ.

2 Samuel 23:34

Elifelet, Ahasbai ni jɛ Maaka lɛ bi lɛ, kɛ Elaim, Ahitofel ni jɛ Gilon lɛ bi lɛ;

2 Samuel 3:3

Binuu ni ji enyɔ lɛ ji Kileab, mɔ ni ekɛ Abigail Karmelnyo Nabal okulafo lɛ fɔ lɛ. Binuu ni ji etɛ̃ lɛ ji Absalom mɔ ni ekɛ Geshar Maŋtsɛ Talmai biyoo Maaka fɔ lɛ.

Lalai 49:11

Amɛyiŋ fɛɛ lɛ, amɛgbonyobui lɛ ji amɛshĩai kɛmiiya naanɔ. Jɛi ji amɛshihilɛhei kɛmiiya yinɔi fɛɛ anɔ; tsɛbelɛ, amɛtsɛ shikpɔji krokomɛi akɛ amɛnɔ pɛŋ.

Yeremia 40:8

amɛtee Gedalia ŋɔɔ yɛ Mizpa. Asafoiatsɛmɛi nɛɛ ji Ishmael, Natania bi lɛ, kɛ Yohanan, Karea bi lɛ, kɛ Seraia, Tanhumet bi lɛ, kɛ Netofatnyo Efai bihii lɛ kɛ Yezania, Maakanyo lɛ. Amɛ kɛ amɛshishi tabilɔi lɛ fɛɛ tee.

4 Mose 32:41

Manase binuu Yair hu tee ni eyatua Amorbii akrowai komɛi, ni eshɔ̃, ni ewo jɛi akɛ, “Yair Akrowai.”

5 Mose 3:13

Ni mikɛ Gilead shikpɔŋ lɛ fã ni shwɛ lɛ kɛ Bashan fɛɛ, he ni Og ye elumɔ yɛ lɛ, ni ji Argob shikpɔŋ tso muu lɛ fɛɛ, hã Manasebii akutso lɛ fã kome.” (Atsɛɔ Bashan akɛ Refaim shikpɔŋ.

5 Mose 3:4

Wɔshɔ̃ Bashan shikpɔŋ lɛ nɔ maji fɛɛ ni yɔɔ Og shishi, maŋ ko maŋ ko bɛ ni wɔshɔ̃ɔɔ. Wɔshɔ̃ maji nyɔŋmai ekpaa lɛ ni feɔ Argob kpokpai tso muu fɛɛ ni yɔɔ Bashan Maŋtsɛ Og shishi lɛ.

Yoshua 12:5

ni enɔyeli shikpɔji lɛ ekomɛi ji Hermon Gɔŋ lɛ kɛ Salka kɛ Bashan muu fɛɛ kɛyashi Geshurbii lɛ kɛ Maakatbii lɛ ahusui lɛ anaa. Lɛ nɔŋŋ eshikpɔŋ ji Gilead shikpɔŋ lɛ fã ni kã shi kɛyashi Heshbon maŋtsɛ Sihon husu lɛ naa lɛ.

Yoshua 13:13

Shi Israelbii lɛ eshwieee Geshurbii lɛ kɛ Maakatbii lɛ; no hewɔ lɛ, Geshurbii lɛ kɛ Maakatbii lɛ futu Israelbii lɛ kɛhi shi kɛbashi ŋmɛnɛ.