5 Mose 3:13 - ŊMALƐ KRƆŊKRƆŊ LƐ

¹³ Ni mikɛ Gilead shikpɔŋ lɛ fã ni shwɛ lɛ kɛ Bashan fɛɛ, he ni Og ye elumɔ yɛ lɛ, ni ji Argob shikpɔŋ tso muu lɛ fɛɛ, hã Manasebii akutso lɛ fã kome.” (Atsɛɔ Bashan akɛ Refaim shikpɔŋ.

Ṅmãle̱ Kroṅkroṅ Le̱

¹³ Ni Gilead heni ſe̱ le̱ ke̱ Og maṅtše̱yeli Bašan le̱ fẽ miṅõ-hã Manase akutšo fã le̱, Argob niiaṅ fẽ ke̱ Bašan fẽ, ni atšé̱o̱ dše̱i oblãṅi ašikpoṅ le̱.

5 Mose 3:13 ပူးပေါင်းရင်းမြစ်များ

1 Mose 14:5

Afi ni ji nyɔŋma kɛ ejwɛ lɛ nɔ lɛ, Kedorlaomer kɛ maŋtsɛmɛi ni fata ehe lɛ ba ni amɛbaye Refabii anɔ kunim yɛ Ashterot-Karnaim. Amɛye Zuzbii anɔ yɛ Ham, ni amɛye Embii anɔ yɛ Kiriataim ŋa lɛ nɔ.

2 Maŋtsɛmɛi 10:33

kɛjɛ Yordan Faa lɛ he bokãgbɛ aahu kɛtee wuoyigbɛ maŋ ko ni atsɛɔ lɛ Aroer ni yɔɔ Arnon Faa lɛ he lɛ he. No ji Gilead kɛ Bashan shikpɔji lɛ, he ni Gadbii kɛ Rubenbii kɛ Bokã Manasebii lɛ yɔɔ lɛ.

5 Mose 29:7

Ni be ni nyɛbashɛ biɛ lɛ, Heshbon Maŋtsɛ Sihon kɛ Bashan Maŋtsɛ Og fã ta kɛba amɛkɛ wɔ bawu; shi wɔye amɛnɔ kunim,

5 Mose 29:8

ni wɔŋɔ amɛshikpɔŋ lɛ, ni wɔjara shikpɔŋ lɛ wɔhã Rubenbii lɛ kɛ Gadbii lɛ kɛ Manasebii akutso lɛ fã kome akɛ amɛgbɛfaŋnɔ.

5 Mose 3:12

“Be ni wɔŋɔ nɛkɛ shikpɔŋ nɛɛ sɛɛ lɛ, mikɛ shikpɔŋ ni kã Aroer maŋ lɛ ni yɔɔ Arnon Faa lɛ naa lɛ kooyigbɛ lɛ, kɛ Gilead gɔji ayiteŋ shikpɔŋ lɛ fã hu, kɛ maji fɛɛ ni yɔɔ amɛnɔ lɛ, hã Rubenbii akutso lɛ kɛ Gadbii lɛ akutso lɛ.

5 Mose 3:14

Manasenyo ko ni gbɛi ji Yair lɛ ŋɔ Argob, shikpɔŋ ni ji Bashan, fɛɛ kɛyashi Geshurbii kɛ Maakatbii ahusui lɛ anaa, ni ekɛ lɛ diɛŋtsɛ egbɛi wo Bashan akrowai lɛ, ni gbɛi Yair akrowai lɛ ka kɛbashi ŋmɛnɛ.)

5 Mose 3:4

Wɔshɔ̃ Bashan shikpɔŋ lɛ nɔ maji fɛɛ ni yɔɔ Og shishi, maŋ ko maŋ ko bɛ ni wɔshɔ̃ɔɔ. Wɔshɔ̃ maji nyɔŋmai ekpaa lɛ ni feɔ Argob kpokpai tso muu fɛɛ ni yɔɔ Bashan Maŋtsɛ Og shishi lɛ.