5 Mose 3:11 - ŊMALƐ KRƆŊKRƆŊ LƐ

¹¹ (Bashan Maŋtsɛ Og nɛɛ, lɛ ji Refaimbii ashwiei lɛ ateŋ naagbeemɔ ni eshwɛ. Esaatso lɛ dade saatso ni, ni ekɛlɛ ji ninetalɔi nɛɛhu kɛ elɛɛmɔ hu ninetalɔi ejwɛ. Dade saatso nɛɛ yɛ Amonbii amaŋ ni ji Raba kɛbashi ŋmɛnɛ.)

Ṅmãle̱ Kroṅkroṅ Le̱

¹¹ (Edšake̱ Bašan maṅtše̱ Og le̱ pe̱ dši oblãṅi le̱ ní ſe̱ le̱ ateṅ moni eſe̱; na, esātšo ní dši dadesātšo le̱, ani dšee Amonbii le̱ a-Rabat le̱ eyo̱? ni eke̱le̱ hĩe ninetalo̱i ne̱hũ ke̱ elē̱mo̱ hũ ninetalo̱i edſe̱ ye̱ gbomo ninetalo̱ nā.)

5 Mose 3:11 ပူးပေါင်းရင်းမြစ်များ

1 Mose 14:5

Afi ni ji nyɔŋma kɛ ejwɛ lɛ nɔ lɛ, Kedorlaomer kɛ maŋtsɛmɛi ni fata ehe lɛ ba ni amɛbaye Refabii anɔ kunim yɛ Ashterot-Karnaim. Amɛye Zuzbii anɔ yɛ Ham, ni amɛye Embii anɔ yɛ Kiriataim ŋa lɛ nɔ.

1 Mose 6:15

Bɔ ni ofee lɛ ohã nɛ. Adeka lɛ kɛlɛ ninetalɔi ohai etɛ̃, ni elɛɛmɔ ji ninetalɔi nyɔŋmai enumɔ, ni ekwɔlɛ ji ninetalɔi nyɔŋmai etɛ̃.

2 Samuel 11:1

Afi ni nyiɛ sɛɛ lɛ, be ni maŋtsɛmɛi fãa ta lɛ, David wo Yoab kɛ esafoiatsɛmɛi kɛ Israel tabilɔi gbɛ, ni amɛyakpãtã Amonbii lɛ ahiɛ. Amɛyasa Raba maŋ lɛ yi; shi David diɛŋtsɛ lɛ ehi shi yɛ Yerusalɛm.

2 Samuel 12:26

Ni Yoab fã ta kɛyatua Amonbii amaŋ wulu ni atsɛɔ lɛ Raba lɛ, ni ekɛ amɛwu; ni eshwɛ fioo ni ebaaŋɔ maŋ lɛ.

Yeremia 49:2

Naa, mi Yehowa, miikɛɛ akɛ be miiba, be ni mahã mɛi ni yɔɔ Amonbii amaŋ wulu Raba lɛ mli anu ta oshebɔɔ he. Ebaatsɔ̃ koikoi, ni abaashã ekrowai lɛ wɛɛ kɛmɔ shi, ni Israel baaye mɛi ni baye enɔ lɛ anɔ. Mi, Yehowa, mikɛɛ.

Ezekiel 21:20

Okadi lɛ ekome atsɔ̃ɔ maŋtsɛ lɛ gbɛ ni ekɛ eklante lɛ atsɔ̃ nɔ kɛba Raba, ni ji Amonbii lɛ amaŋ lɛ mli; okadi kroko lɛ atsɔ̃ɔ gbɛ kɛya Yuda shikpɔŋ lɛ nɔ kɛbote Yerusalɛm ni atswa gbogbo awo ehe lɛ mli tɔ̃ɔ.

Ezekiel 25:5

Maha Rama atsɔ̃ yoomai aniyelihe, ni maha Amonbii amaji wuji lɛ baatsɔ toi atsu. No nyɛkɛaale akɛ mi, mi ji Yehowa.

Amos 1:14

No hewɔ lɛ, mibama Raba maŋ lɛ he gbogbo lɛ naa la, ni ebaashã emli mɔji lɛ. Gbi lɛ abaabɔ tawuu oshe, ni ta lɛ naa baawa tamɔ ahum ni efã.

Amos 2:9

“Shi kɛ̃lɛ mikpãtã Amorbii ni kwɔlɔ tamɔ tsenedru tsei, ni amɛhe wa hu tamɔ odum lɛ ahiɛ yɛ amɛ, Israelbii, ahiɛ. Mikpãtã amɛnɔ yibii lɛ ahiɛ, ni mifite amɛshishi fãi lɛ fɛɛ hu.

5 Mose 2:11

Tamɔ Anakbii lɛ, atsɛɔ amɛ akɛ Refaim hu, shi Moabbii lɛ tsɛɔ amɛ Emimbii.

5 Mose 2:20

(Atsɛ shikpɔŋ nɛɛ akɛ Refaim hu ejaakɛ Refaimbii ji mɛi ni hi jɛi sa, shi Amonbii lɛ tsɛɔ amɛ akɛ Zamzumbii.

Yoshua 12:4

Maŋtsɛ kome ko hu ji Bashan Maŋtsɛ Og. Hii oblaŋi gojogojoo ni shwɛ lɛ ateŋ eko ji lɛ. Eye emaŋtsɛ lɛ yɛ Ashtarot kɛ Edrei,

Yoshua 13:12

Akɛ Maŋtsɛ Og maŋtsɛyeli shikpɔji lɛ ni yɔɔ Bashan lɛ fɛɛ shi nɔ hã amɛ, ejaakɛ Og ji Ashtarot kɛ Edrei nɔ maŋtsɛ. Lɛ ji hii oblaŋi gojogojoo ni Mose ye amɛnɔ kunim ni eshwie amɛ lɛ ateŋ mɔ ni shwɛ.

Kpojiemɔ 21:17

Ni esusu egbogbo lɛ efee ninetalɔi oha kɛ nyɔŋmai ejwɛ kɛ ejwɛ yɛ gbɔmɔ nisusumɔtso naa, ni ji bɔfo lɛ tso lɛ.

1 Samuel 17:4

Kɛkɛ ni nuu tatsɛlɔ ko jɛ Filistibii lɛ ateŋ eje kpo koni ebatsɛ ta. Atsɛɔ gbɔmɔ nɛɛ Goliat ni ejɛ Gat. Ekwɔlɛ feɔ ninetalɔi ekpaa.