5 Mose 3:10 - ŊMALƐ KRƆŊKRƆŊ LƐ

¹⁰ Wɔshɔ̃ Bashan Maŋtsɛ Og nɔyelihei lɛ fɛɛ: maji fɛɛ ni jwere gɔji ayiteŋ shikpɔŋ kplanaa lɛ nɔ lɛ, kɛ nii ni yɔɔ Gilead shikpɔŋ lɛ fɛɛ nɔ, kɛ Bashan shikpɔŋ lɛ kɛtee bokãgbɛ aahu kɛyanina maji ni ji Salka kɛ Edrei lɛ.”

Ṅmãle̱ Kroṅkroṅ Le̱

¹⁰ ke̱ mãdši le̱ fẽ ní dſere ṅã kplenē le̱ no̱ le̱ ke̱ Gilead fẽ ke̱ Bašan fẽ ke̱-yaši Salka ke̱ Edrei ní dši Og maṅtše̱yeli le̱ mli mãdši ní yo̱ Bašan le̱.

5 Mose 3:10 ပူးပေါင်းရင်းမြစ်များ

1 Maŋtsɛmɛi 4:13

Ben-Geber kwɛɔ Ramot-Gilead, lɛ nɔŋŋ ekwɛɔ akrowai komɛi ni ji Manase bi Yair nɔ lɛ anɔ, nɔ ní yɔɔ Gilead lɛ. Ekwɛɔ Argob kpokpai ni yɔɔ Bashan lɛ. Maji nyɔŋmai ekpaa kɛ amɛhe gbogboi kɛ shinai ni akɔɔble adabaŋi yɔɔ he ni.

1 Kronika 5:11

Gadbii lɛ hi Rubenbii lɛ akooyigbɛ shikpɔŋ ni ji Bashan lɛ nɔ kɛtee bokãgbɛ aahu kɛyashi Salka maŋ lɛ he.

4 Mose 21:33

Kɛkɛ ni Israelbii lɛ dɔ amɛyi, ni amɛyi Bashan gbɛ. Bashan maŋtsɛ Og fã ta, lɛ kɛ emaŋ lɛ fɛɛ, koni amɛkɛ Israelbii lɛ abawu yɛ Edrei.

5 Mose 4:43

Eŋɔ Bezor maŋ ni yɔɔ ŋa lɛ nɔ shikpɔŋ trɛnɛɛ lɛ nɔ lɛ, ni ekɛhã Rubenbii lɛ; ni eŋɔ Ramot yɛ Gilead ekɛhã Gadbii lɛ, ni eŋɔ Golan yɛ Bashan ekɛhã Manasebii lɛ.

5 Mose 4:49

Ŋa kplenee lɛ fɛɛ ni yɔɔ Yordan lɛ bokãgbɛ lɛ kɛtee wuoyigbɛ kɛyanina Ŋoo Ŋshɔ lɛ, kɛtee bokãgbɛ kɛyashi Pisga Gɔŋ lɛ shishi fɛɛ fata shikpɔŋ nɛɛ he.

Yoshua 13:16

Amɛshikpɔŋ lɛ ji Aroer, ni ji Arnon Jɔɔ lɛ, kɛ maŋ wulu lɛ ni kã jɔɔ lɛ teŋ lɛ, kɛ gɔŋ yiteŋ shikpɔŋ kplanaa lɛ fɛɛ ni yɔɔ Medeba lɛ,

Yoshua 13:30

Amɛshikpɔŋ lɛ kã shi kɛjɛ Mahanaim; ni shikpɔŋ nɛɛ kɔɔ Bashan shikpɔŋ tso muu lɛ fɛɛ, ni ji Bashan maŋtsɛ Og shikpɔŋ lɛ, kɛ Yair maji nyɔŋmai ekpaa lɛ fɛɛ ni yɔɔ Bashan shikpɔŋ lɛ nɔ lɛ,

Yoshua 13:31

kɛ Gilead shikpɔŋ lɛ fã kɛ agbɛnɛ Ashtarot kɛ Edrei, ni ji Bashan maŋtsɛ Og maŋtsɛyelihe lɛ mli maji wuji lɛ. Akɛ shikpɔŋ nɛɛ hã Manase bi Makir shwiei lɛ yɛ amɛwekui lɛ anaa akɛ Manasebii akutso lɛ fã lɛ gbɛfaŋ nɔ.