5 Mose 26:8 - ŊMALƐ KRƆŊKRƆŊ LƐ

⁸ Kɛkɛ ni Yehowa bakpɔ̃ wɔ yɛ Ijipt yɛ ehewalɛ kɛ enineshiwalɛ naa. Ehã naakpɛɛ kɛ gbeyei nibii ba, ni ekɛto okadi.

Ṅmãle̱ Kroṅkroṅ Le̱

⁸ Ni Iehowa ke̱ ninešiwale̱ ke̱ nine ní akpã mli ke̱ gbeyei babaō ke̱ okadii ke̱ nākpe̱nii dšiewo̱ ke̱-dše̱ Mizraim,

5 Mose 26:8 ပူးပေါင်းရင်းမြစ်များ

2 Mose 12:37

Kɛkɛ ni Israelbii lɛ yi mli kɛjɛ Rameses kɛtee Sukot, hii ni nyiɛ amɛnane aaafee akpei ohai ekpaa, soro yei kɛ gbekɛbii.

2 Mose 12:41

Gbi ni amɛna afii ohai ejwɛ kɛ nyɔŋmai etɛ̃ nɛɛ nɔ pɛpɛɛpɛ ni Yehowa webii lɛ blublu shi Ijipt shikpɔŋ lɛ nɔ.

2 Mose 12:51

Ni nakai gbi lɛ nɔ nɔŋŋ lɛ Yehowa jie Israelbii lɛ kɛje Ijipt shikpɔŋ lɛ nɔ yɛ amɛkutsei lɛ anaa.

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

Yesaia 63:12

Nɛgbɛ mɔ ni ha enunyam hewalɛ lɛ tsɔ Mose nɔ etsu nibii wuji lɛ yɔɔ? Nɛgbɛ mɔ ni gba ŋshɔ lɛ mli yɛ amɛhiɛ, ni ekɛna naanɔ gbɛi eha ehe lɛ,

Yeremia 32:21

Otsɔ̃ okadii kɛ naakpɛɛ nibii kɛ ohewalɛ lɛ kɛ onyɛmɔ ni hã ashe gbeyei lɛ nɔ ni ojie owebii kɛje Ijipt shikpɔŋ lɛ nɔ,

5 Mose 34:11

Gbalɔ ko hu efeko okadii kɛ naakpɛɛnii tamɔ nii fɛɛ ni Yehowa tsu Mose ni eyafee yɛ Ijipt shikpɔŋ lɛ nɔ etsɔ̃ɔ Ijipt maŋtsɛ kɛ etsuji lɛ kɛ eshikpɔŋ lɛ nɔ bii lɛ fɛɛ lɛ.

5 Mose 34:12

Gbalɔ ko hu bako ni eyɛ hewalɛ kpele, ni efee naakpɛɛnii kɛ gbeyeinii tamɔ Mose fee yɛ Israelbii ahiɛ lɛ.

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

5 Mose 5:15

Nyɛkaia akɛ nyɛ hu nyɔji ji nyɛ yɛ Ijipt shikpɔŋ lɛ nɔ, ni Yehowa, nyɛNyɔŋmɔ lɛ, kɛ nineshiwalɛ yakpɔ̃ nyɛ kɛje jɛi yɛ ehewalɛ naa. No hewɔ ni Yehowa, nyɛNyɔŋmɔ lɛ, wo nyɛ kitã akɛ nyɛye hejɔɔmɔ gbi lɛ akɛ gbi krɔŋkrɔŋ lɛ.