5 Mose 26:16 - ŊMALƐ KRƆŊKRƆŊ LƐ

¹⁶ “Ŋmɛnɛ gbi nɛɛ lɛ Yehowa, oNyɔŋmɔ lɛ, miiwo bo kitã akɛ oye ekpɔi kɛ emlai lɛ anɔ. No hewɔ lɛ, kwɛmɔ jogbaŋŋ koni okɛ otsui kɛ onyɛmɔ fɛɛ aye nɔ.

Ṅmãle̱ Kroṅkroṅ Le̱

¹⁶ Ṅme̱ne̱ gbĩ ne̱ Iehowa, o-Nyoṅmo̱ le̱, mīwoö kitã ake̱ oye ekpo̱i ke̱ emlai le̱ ano̱, nohewo̱ le̱ oke̱ otšui fẽ ke̱ osusuma fẽ aye no̱ ní ofe hũ!

5 Mose 26:16 ပူးပေါင်းရင်းမြစ်များ

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Yohane 14:15

“Kɛji nyɛmiisumɔ mi lɛ nyɛaaye mikitãi lɛ anɔ.

5 Mose 10:12

“No hewɔ lɛ, agbɛnɛ Israel, mɛni Yehowa, nyɛNyɔŋmɔ lɛ, taoɔ yɛ nyɛdɛŋ dɔŋŋ fe akɛ nyɛshe Yehowa, nyɛNyɔŋmɔ lɛ, gbeyei, ni nyɛba nyɛjeŋ bɔ ni etsɔ̃ɔ nyɛ lɛ, ni nyɛsumɔ lɛ ni nyɛ kɛ nyɛtsui fɛɛ kɛ nyɛnyɛmɔ fɛɛ hu asɔmɔ lɛ.

5 Mose 11:1

“No hewɔ lɛ, esa akɛ nyɛsumɔ Yehowa, nyɛNyɔŋmɔ lɛ, ni nyɛye egbei kɛ ekpɔi lɛ kɛ emlai lɛ kɛ ekitãi lɛ fɛɛ nɔ daa nɛɛ.

5 Mose 11:8

“No hewɔ lɛ, kitãi fɛɛ ni miwoɔ nyɛ ŋmɛnɛ gbi nɛɛ lɛ nyɛyea nɔ, bɔ ni afee ni nyɛhe awa koni nyɛnyɛ nyɛya nyɛyaŋɔ shikpɔŋ ni nyɛfoɔ mli kɛya nyɛyaŋɔ lɛ;

5 Mose 12:1

“Akpɔi kɛ mlai ni nyɛjwɛŋ nɔ nyɛye nɔ gbii abɔ ni nyɛyɔɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ akɛ nyɛnɔ lɛ nɛ.

5 Mose 12:32

“Nyɛyea nibii fɛɛ ni miwo nyɛ he kitã lɛ anɔ; nyɛkɛ nɔ ko akafataa he, ni nyɛkajiea nɔ ko hu yɛ mli.

5 Mose 26:17

Ogba mli kpoo ŋmɛnɛ okɛɛ Yehowa akɛ lɛ ji oNyɔŋmɔ, ni obaaba ojeŋ bɔ ni etaoɔ lɛ, ni obaaye ekpɔi lɛ kɛ ekitãi lɛ kɛ emlai lɛ anɔ, ni obaabo lɛ toi.

5 Mose 4:29

Nyɛbaaye Yehowa, nyɛNyɔŋmɔ lɛ, he kumai yɛ jɛi; ni kɛji nyɛtao esɛɛgbɛ kɛ nyɛtsui fɛɛ kɛ nyɛnyɛmɔ fɛɛ lɛ nyɛbaana lɛ.

5 Mose 6:1

“Agbɛnɛ kitãi lɛ kɛ akpɔi lɛ kɛ mlai lɛ ni Yehowa, nyɛNyɔŋmɔ lɛ, fã akɛ mitsɔ̃ɔ nyɛ lɛ nɛ, koni nyɛyaye nɔ yɛ shikpɔŋ ni nyɛyaa ni nyɛyaŋɔ lɛ nɔ.

5 Mose 6:17

shi moŋ nyɛyea ehe saji lɛ kɛ ekitãi lɛ kɛ ekpɔi lɛ ni ewoɔ nyɛ lɛ anɔ;

5 Mose 6:5

Suɔmɔ Yehowa, wɔNyɔŋmɔ lɛ, kɛ otsui fɛɛ kɛ omumɔ fɛɛ kɛ onyɛmɔ fɛɛ.

5 Mose 8:2

Nyɛkaia gbɛ ni Yehowa, nyɛNyɔŋmɔ lɛ, kɛ nyɛ tsɔ̃ nɔ lɛ fɛɛ, yɛ shiaŋa lɛ nɔ afii nyɔŋmai ejwɛ nɛɛ mli lɛ, koni ekɛhã nyɛhumi shi, ni asaŋ koni etsɔ̃ nɔ ekɛka nyɛ ekwɛ ni ekɛle nɔ ni yɔɔ nyɛtsuiiaŋ akɛ nyɛaaye ekitãi lɛ anɔ lo, aloo nyɛyeŋ nɔ.