5 Mose 26:14 - ŊMALƐ KRƆŊKRƆŊ LƐ

¹⁴ Miyeko nii nɛɛ ni mijie lɛ eko yɛ mikɔmɔyeli beiaŋ lɛ, mifiteko nii lɛ eko be ni mibule mihe lɛ, mikɛ eko hu eshãko afɔle mihãko gbonyo ko. Miye Yehowa, miNyɔŋmɔ lɛ, gbee nɔ, ni mifee nɔ fɛɛ nɔ ni owo mi shi akɛ mifee lɛ.

Ṅmãle̱ Kroṅkroṅ Le̱

¹⁴ Miyeko eko ye̱ miko̱mo̱yeli mli, ni mifiteko eko ye̱ hebulemo̱ mli, ni mike̱ eko hãko gbonyo ko; mibo Iehowa, mi-Nyoṅmo̱ le̱, gbē toi, ni mife nofẽno ní owomi he kitã le̱.

5 Mose 26:14 ပူးပေါင်းရင်းမြစ်များ

Lalai 106:28

Amɛkɛ amɛhe yabɔ jemawɔŋ Baal jalɔi lɛ ahe yɛ Peor; ni amɛye nii ni akɛshã afɔle ahã gbohii.

Lalai 18:22

Ejaakɛ miye emlai lɛ fɛɛ anɔ, ni mikuko ekpɔi lɛ ekoeko mli.

Yeremia 16:7

Mɔ ko mɔ ko eyaŋ ekɛ ŋkɔmɔyelɔ ko ayaye nii koni ekɛshɛje emii yɛ mɔ ko ni egbo hewɔ. Nakai nɔŋŋ mɔ ko mɔ ko haŋ mɔ ko ni etsɛ loo enyɛ egbo nɔ ko ni enu ekɛsheje mɔ lɛ mii.

Ezekiel 24:17

Fo yɛ osɛŋ, kaahã oyaafo je kpo ni anu yɛ onaabu. Kaafee yara ko. Okɛ obɔnduku lɛ afi oyitso, ni owo otokotai lɛ; okɛ mama ko akabala onaabu, ni kaaye yara nɔ niyenii hu.”

Hosea 9:4

Amɛnyɛŋ amɛfɔse wain amɛshwie shi yɛ maŋsɛɛ shikpɔŋ lɛ nɔ amɛhã Yehowa, aloo amɛshã afɔlei ni sa amɛhã lɛ. Enɛ hewɔ lɛ, nii ni amɛaaye lɛ aaabule mɛi fɛɛ ni aaaye eko tamɔ yara nɔ nii buleɔ mɔ lɛ. Ejaakɛ nii ni amɛaaye lɛ amɛ diɛŋtsɛ amɛhɔmɔ kɛkɛ amɛkɛaagbe, shi ekoeko shɛŋ Yehowa hiɛ.

3 Mose 21:1

Yehowa fã Mose ni ekɛɛ osɔfoi ni ji Aaron bihii lɛ akɛ, “Osɔfo ko akaya wekunyo ko kɛkɛ ni egbo yara nɔ ni ekɛwo ehe muji,

3 Mose 21:11

Afɔ lɛ mu ni ajɔɔ enɔ ahã mi; no hewɔ lɛ, ekawo mishihilɛhe krɔŋkrɔŋ lɛ he muji; ni ekashi jɛi etee eyabote shĩa ko ni gbonyo ko kɛkɛ loo etsɛ loo enyɛ tete gbonyo kã mli.

3 Mose 7:20

Shi mɔ ni he tseee ni eeeye naanyobɔɔ afɔle loo ni akɛhãa Yehowa lɛ eko lɛ aaatswa enaneshi tu kɛaaje emɛi ateŋ.

Maleaki 2:13

Asaŋ nɔ ni ji enyɔ hu ni nyɛfeɔ nɛ. Nyɛwoɔ yara ni nyɛdɔmɔɔ ŋtsɔi, ni nyɛkɛ nyɛyaafonu fɔɔ Yehowa afɔleshãa latɛ lɛ, ejaakɛ nyɛfɔleshãa nibii lɛ esaaa Yehowa hiɛ dɔŋŋ aahu po ni eeemɔ mli kɛ tsuijurɔ yɛ nyɛdɛŋ.

5 Mose 13:5

Shi nakai gbalɔ lɛ loo mɔ ni laa lamɔi lɛ agbe lɛ. Ejaakɛ eetsɔ̃ɔ nyɛ akɛ nyɛtse Yehowa, nyɛNyɔŋmɔ lɛ, mɔ ni jie nyɛ yɛ Ijipt shikpɔŋ lɛ nɔ ni ekpɔ̃ nyɛ yɛ nyɔŋyeli mli lɛ, hiɛ̃ atua. Eetao akɛ nyɛkahi shi bɔ ni Yehowa, nyɛNyɔŋmɔ lɛ, ewo nyɛ kitã akɛ nyɛfee lɛ. No hewɔ lɛ, esa akɛ nyɛgbe lɛ koni nyɛjie nakai su fɔŋ lɛ yɛ nyɛteŋ.’

5 Mose 15:5

kɛji nyɛaabo Yehowa, nyɛNyɔŋmɔ lɛ, toi kɛkɛ, ni nyɛaajwɛŋ nɔ nyɛye kitã fɛɛ kitã ni miwoɔ nyɛ ŋmɛnɛ gbi nɛɛ nɔ.

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 26:13

yaakɛɛ yɛ Yehowa, oNyɔŋmɔ lɛ, hiɛ akɛ, ‘Mijie nii krɔŋkrɔŋ lɛ yɛ minii mli yɛ miwe lɛ, ni mikɛhã Levibii kɛ gbɔi kɛ awusãi kɛ okulafoi bɔ ni owo mi shi akɛ mifee lɛ. Mitɔ̃ko okitãi lɛ eko nɔ, ni mihiɛ hu kpako kitã ko nɔ.

5 Mose 26:15

Jɛɛ oshihilɛhe krɔŋkrɔŋ ni yɔɔ ŋwɛi lɛ, ni okwɛ koni ojɔɔ omaŋ Israel kɛ shikpɔŋ kpakpa ni baa nii ni okɛhã wɔ lɛ, tamɔ bɔ ni okã wɔtsɛmɛi lɛ kitã lɛ.’