5 Mose 24:8 - ŊMALƐ KRƆŊKRƆŊ LƐ

⁸ “Kɛji hewolo nɔ hela gbonyo ko mɔ mɔ ko lɛ, ekwɛ ni ahi, ni ejwɛŋ nɔ, ni efee bɔ ni osɔfoi ni ji Levibii lɛ aaatsɔ̃ɔ lɛ akɛ efee lɛ pɛpɛɛpɛ. Nyɛjwɛŋa nɔ, ni nyɛfea bɔ ni mitsɔ̃ɔ osɔfoi lɛ pɛpɛɛpɛ.

Ṅmãle̱ Kroṅkroṅ Le̱

⁸ Kwe̱mo̱ ohe ní ahĩ ye̱ kpiti hela le̱ hewo̱, koni odſẽṅ no̱, ni ofe bo̱ni *oso̱foi ní dši Levibii le̱ aatšõnye le̱ pe̱pē̱pe̱; nyedſẽṅa no̱ ní nyefea bo̱ni miwoame̱ kitã le̱ pe̱pē̱pe̱. *3 Mose 13; 14,2.

5 Mose 24:8 ပူးပေါင်းရင်းမြစ်များ

Yeremia 33:18

Asaŋ Levinyo ni aaasɔ̃mɔ yɛ mihiɛ koni eshã shãa afɔlei kɛ niyenii afɔlei gbi fɛɛ gbi lɛ ebɔŋ Levibii ni ji osɔfoi lɛ kɔkɔɔkɔ.”

3 Mose 13:57

Shi kɛji aana kadimɔ lɛ lolo yɛ atade lɛ loo kpãi ni akɛlo atade lɛ mli, loo nɔ ni akɛ kooloo wolo fee lɛ mli lɛ, no lɛ nɔ ni ekadi nii lɛ mli lɛ miiku esɛɛ ekoŋŋ, akɛ la ashã nɔ ni mli ni ekadi lɛ.

3 Mose 14:14

Agbɛnɛ osɔfo lɛ kɛ sɔ̃ afɔle lɛ lá lɛ eko asa mɔ ni atsuɔ ehe lɛ ninejurɔ toi naa kɛ eninejurɔ gɔnti naa, kɛ enanejurɔ gɔnti naa.

3 Mose 14:2

Mlai nɛɛ kã shi hã mɔ ni eye kpiti ni ehe etã hetsuumɔ. Gbi nɔ ni aaakɛɛ akɛ ehe etse lɛ, akɛ lɛ aba osɔfo lɛ ŋɔɔ.

3 Mose 14:57

Eji mla ni akɛnaa nɔ ni he tseee kɛ nɔ ni he tse; hela ni tamɔ kpiti kɛ ehenɔi ahe mla nɛ.

Mateo 8:4

Ni Yesu kɛɛ lɛ akɛ, “Kwɛmɔ ni okakɛɛ mɔ ko; shi moŋ yaa ni okɛ ohe ayatsɔ̃ɔ osɔfo lɛ, ni ohã keenii ni Mose to lɛ, ni no aaafee odase ahã amɛ.”

Marko 1:44

“Kwɛmɔ ni okakɛɛ mɔ ko nɔ ko; shi moŋ yaa ni okɛ ohe ayatsɔ̃ɔ osɔfo lɛ, ni oshã afɔle ni Mose eto lɛ yɛ ohetsuumɔ hewɔ, ni no afee odase ahã amɛ.”

Luka 17:14

Ni be ni ena amɛ lɛ, ekɛɛ amɛ akɛ, “Nyɛyaa nyɛkɛ nyɛhe ayatsɔ̃a osɔfoi lɛ.” Ni eba mli akɛ, be ni amɛyaa lɛ, amɛhe tã.

Luka 5:14

Ni etswa enaa ma akɛ, “Kaakɛɛ mɔ ko, shi moŋ yaa ni okɛ ohe ayatsɔ̃ɔ osɔfo lɛ, ni oyashã afɔle yɛ ohetsemɔ lɛ hewɔ tamɔ bɔ ni Mose to lɛ, koni no afee odase ahã amɛ.”