5 Mose 20:6 - ŊMALƐ KRƆŊKRƆŊ LƐ

⁶ Mɔ hu ni efee waintrom hee, shi ebɔiko emli yibii yeli lɛ, eku esɛɛ kɛya ewe, ejaakɛ kɛji eeeyanyɔ yɛ ta lɛ mli lɛ, mɔ kroko moŋ ni baaye trom lɛ mli nii lɛ.

Ṅmãle̱ Kroṅkroṅ Le̱

⁶ Ni moni efe weintrom ni enáko ebõi *emli yibii yeli le̱, hã ní ekũ ese̱ ke̱-ya ewe, koni ekayagbo ye̱ ta le̱ mli ni mokroko babõi emli yibii le̱ yeli. *28,30. 3 Mose 19,24. 25.

5 Mose 20:6 ပူးပေါင်းရင်းမြစ်များ

Yesaia 65:22

Amɛmamɔŋ shĩai ni mɛi krokomɛi moŋ ahi mli, ni amɛhuŋ hu ni mɛi krokomɛi moŋ aye, ejaakɛ bɔ ni odum tsɛɔ yɛ koo mli lɛ, nakai nɔŋŋ mimaŋbii awala sɛɛ aaatsɛ; ni mihalamɔbii lɛ aaaye amɛnine naa nitsumɔ mli nii daa.

Yeremia 31:5

Ooofee waintromii yɛ Samaria gɔji lɛ anɔ ekoŋŋ, ni mɛi ni tɛoɔ waintsei lɛ baaye tsei lɛ ayibii.

Zefania 1:13

Abaaha amɛjarayeli nibii, ni amɛshĩai hu baatsɔ̃mɔ amaŋfɔ̃. Amɛaamamɔ tsui nɛ, shi amɛwɔŋ mli, ni amɛaafee waintromi, shi amɛnuŋ amɛmli wain lɛ eko.”

1 Korintobii 9:7

Namɔ yaa ta ni lɛ diɛŋtsɛ ewoɔ ehe nyɔmɔ? Namɔ feɔ waintrom ni eyeee emli yibii lɛ eko? Aloo namɔ lɛɔ kooloi ni enuuu amɛfufɔ lɛ eko?

5 Mose 20:5

“Osɔfo lɛ wiemɔ lɛ sɛɛ lɛ, asafoiatsɛmɛi lɛ akɛɛ tabilɔi lɛ akɛ, ‘Nyɛteŋ mɔ ni ema tsu hee ni egbeleko naa lɛ, eku esɛɛ kɛya ewe, ejaakɛ kɛji eeeyanyɔ yɛ ta lɛ mli lɛ, mɔ kroko moŋ ni baagbele tsu lɛ naa.

5 Mose 20:7

Ni mɔ hu ni etsɛ yoo he baa, shi eyaŋɔko yoo lɛ, lɛ hu eku esɛɛ kɛya ewe, ejaakɛ kɛji eeeyanyɔ yɛ ta lɛ mli lɛ, mɔ kroko moŋ ni baaŋɔ yoo lɛ.’