5 Mose 20:5 - ŊMALƐ KRƆŊKRƆŊ LƐ

⁵ “Osɔfo lɛ wiemɔ lɛ sɛɛ lɛ, asafoiatsɛmɛi lɛ akɛɛ tabilɔi lɛ akɛ, ‘Nyɛteŋ mɔ ni ema tsu hee ni egbeleko naa lɛ, eku esɛɛ kɛya ewe, ejaakɛ kɛji eeeyanyɔ yɛ ta lɛ mli lɛ, mɔ kroko moŋ ni baagbele tsu lɛ naa.

Ṅmãle̱ Kroṅkroṅ Le̱

⁵ Ni *no̱kwe̱lo̱i le̱ akē̱ mei le̱ ake̱: Moni emã tšũ hē ní egbleko nā le̱, hã ní ekũ ese̱ ke̱-ya ewe, koni ekayagbo ye̱ ta le̱ mli ni mokroko mībagble nā! *16,18.

5 Mose 20:5 ပူးပေါင်းရင်းမြစ်များ

Nehemia 12:27

Be ni abaajɔɔ Yerusalɛm gbogbo lɛ nɔ afee lɛ krɔŋkrɔŋ lɛ, ayatao Levibii yɛ hei ni amɛyɔɔ lɛ fɛɛ, ni akɛ amɛ ba Yerusalɛm koni amɛbaye hetsuumɔ gbijurɔ lɛ kɛ nyamɔ kɛ shidaa lalai kɛ ŋoŋoi kɛ kpãa saŋkui.

Lalai 30:1

Oo Yehowa, makafo O, ejaakɛ ojie mi, ni ohãaa mihenyɛlɔi aye mi yɔɔ.

4 Mose 31:14

Mose mli fu tabilɔi onukpai lɛ ni jɛ ta lɛ kɛba lɛ, ni ji mɛi akpe ku kɛ mɛi oha ku anɔkwɛlɔi lɛ,

4 Mose 31:48

Kɛkɛ ni tabilɔi lɛ asafoiatsɛmɛi ni tee ta lɛ ni kwɛɔ mɛi akpekpe kɛ mɛi ohaha akui anɔ lɛ ba Mose ŋɔ̃ɔ,

5 Mose 1:15

Kɛkɛ ni miŋɔ nyɛkutsei lɛ amli hii ni le nii, ni yɔɔ gbɛi hu ni nyɛfamɔ lɛ, ni miwo amɛ onukpai mihã nyɛ, mɛi akpeakpe kui kɛ mɛi ohaoha kui kɛ mɛi nyɔŋmai enumɔenumɔ kui kɛ mɛi nyɔŋmanyɔŋma kui anɔkwɛlɔi kɛ nyɛkutsei lɛ anɔkwɛlɔi hu.

5 Mose 16:18

“Nyɛwoa kojolɔi kɛ maŋnɔkwɛlɔi yɛ nyɛmaji fɛɛ ni Yehowa, nyɛNyɔŋmɔ lɛ, hãa nyɛ lɛ amli, yɛ nyɛkutsei lɛ anaa, koni amɛkojo maŋbii ateŋ yɛ jalɛ naa.

5 Mose 20:6

Mɔ hu ni efee waintrom hee, shi ebɔiko emli yibii yeli lɛ, eku esɛɛ kɛya ewe, ejaakɛ kɛji eeeyanyɔ yɛ ta lɛ mli lɛ, mɔ kroko moŋ ni baaye trom lɛ mli nii lɛ.

1 Samuel 17:18

Okɛ keesui nyɔŋma nɛɛ hu ahã asraafoi akpetsɛ lɛ, mɔ shishi ni amɛyɔɔ lɛ. Okwɛ bɔ ni onyɛmimɛi lɛ yɔɔ, ni okɛ amɛhe okadi ko aba ni tsɔ̃ɔ akɛ ona amɛ, ni asaŋ amɛyɛ jogbaŋŋ.