5 Mose 20:4 - ŊMALƐ KRƆŊKRƆŊ LƐ

⁴ ejaakɛ Yehowa, nyɛNyɔŋmɔ lɛ, kɛ nyɛ yaa ta lɛ koni ekɛ nyɛhenyɛlɔi lɛ ayawu ahã nyɛ koni nyɛye kunim.’

Ṅmãle̱ Kroṅkroṅ Le̱

⁴ edšake̱ Iehowa, nye-Nyoṅmo̱ le̱, dši moni kenye yaä ní eke nyehenye̱lo̱i le̱ ayawu ahãnye, ni eke̱-herenye.

5 Mose 20:4 ပူးပေါင်းရင်းမြစ်များ

1 Kronika 14:15

Kɛ onu gbɛɛmɔ yɛ Balsam tsei lɛ ayiteŋ tamɔ naneshigbɛɛmɔ pɛ koni ofã kɛyashwie amɛnɔ, ejaakɛ no tsɔ̃ɔ akɛ Nyɔŋmɔ eyi ohiɛ kɛmiiya ayatswia Filistibii ata lɛ nii.”

2 Kronika 13:12

Naa, Nyɔŋmɔ kɛ wɔ yɛ, ni lɛ enyiɛ wɔta lɛ hiɛ, asaŋ esɔfoi lɛ hu yɛ biɛ kɛ tɛtɛrɛmantɛrɛi, ni amɛbaakpã kɛbɔ tawuu oshe amɛwo nyɛ. Ataamɛi Israelbii, nyɛkakaa kwraa akɛ nyɛkɛ Yehowa, nyɛtsɛmɛi aNyɔŋmɔ, lɛ baawu ta. Nyɛyeŋ kunim kɔkɔɔkɔ.”

2 Mose 14:14

Yehowa baawu ahã nyɛ, nyɛ lɛ nyɛfea diŋŋ”.

Romabii 8:37

Shi kɛ̃lɛ enɛɛmɛi fiaa mli lɛ, wɔtsɔ̃ɔ mɔ ni sumɔ wɔ lɛ nɔ wɔyeɔ kunim tsɔ̃.

5 Mose 1:30

Yehowa, nyɛNyɔŋmɔ lɛ, mɔ ni nyiɛ nyɛhiɛ lɛ, baawu ehã nyɛ lɛ diɛŋtsɛ, tamɔ bɔ ni efee ehã nyɛ yɛ nyɛ diɛŋtsɛ nyɛhiŋmɛiaŋ, yɛ Ijipt,

5 Mose 11:25

Yehowa, nyɛNyɔŋmɔ lɛ, baahã nyɛhe ŋmiŋmi kɛ nyɛhe gbeyei amɔmɔ shikpɔŋ fɛɛ shikpɔŋ ni nyɛaayashɛ nɔ lɛ nɔ bii, ni mɔ ko mɔ ko nyɛŋ nyɛhiɛ adamɔ tamɔ bɔ ni ewo nyɛ shi lɛ.

5 Mose 3:22

Nyɛkashea amɛ gbeyei, ejaakɛ Yehowa, nyɛNyɔŋmɔ lɛ, ji mɔ ni wuɔ ta lɛ hãa nyɛ.’

5 Mose 31:6

Nyɛhe awaa, ni nyɛfea ekãa; nyɛkashea gbeyei lɛ, nyɛtsui akafãa hu yɛ amɛhewɔ, ejaakɛ Yehowa, nyɛNyɔŋmɔ lɛ, ji mɔ ni kɛ nyɛ nyiɛ kɛyaa lɛ; eshiŋ nyɛ, ni ekwaŋ nyɛ hu.”

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.

Yoshua 10:11

Be ni Amorbii lɛ joɔ Israelbii lɛ anaa foi kɛkpelekeɔ Bet Horon Gɔŋ lɛ, Yehowa hã nyɔŋmɔŋtɛi wuji jɛ ŋwɛi bashwie Amorbii lɛ anɔ aahu kɛyashi Azeka, ni amɛgboi. Mɛi abɔ ni tɛi nɛɛ gbe lɛ ayi fa kwraa fe mɛi ni gboi yɛ Israelbii lɛ aklante naa.

Yoshua 10:42

Ta shi kome ni Yoshua fã lɛ, ekɛye shikpɔji nɛɛ kɛ amɛmaŋtsɛmɛi lɛ fɛɛ anɔ kunim ejaakɛ Yehowa, Israel Nyɔŋmɔ lɛ, ji mɔ ni wu tai lɛ ehã Israelbii lɛ.

Yoshua 23:10

Nyɛteŋ gbɔmɔ kome aaashwie mɛi akpe kɛ foi. Ejaakɛ Yehowa, nyɛNyɔŋmɔ lɛ, lɛ ji mɔ ni wuɔ nyɛta lɛ ehãa nyɛ tamɔ bɔ ni ewo nyɛ shi eto lɛ.

1 Samuel 14:23

No hewɔ lɛ, Yehowa here Israel nakai gbi lɛ. Atswa ta lɛ aahu kɛho Bet-aven maŋ lɛ he.