5 Mose 20:3 - ŊMALƐ KRƆŊKRƆŊ LƐ

³ ni ekɛɛ amɛ akɛ, ‘Hiiabii Israelbii, nyɛboa toi! Ta ebanina nyɛ ŋmɛnɛ, ni nyɛkɛ nyɛhenyɛlɔi yaakpe. Nyɛtsui akafãa; nyɛkashea gbeyei, ni nyɛhe akakpokpoa; nyɛkahãa ŋmiŋmi mɔmɔa nyɛ yɛ amɛhiɛ,

Ṅmãle̱ Kroṅkroṅ Le̱

³ ni ekē̱ame̱ ake̱: Bo toi, Israel! Nyenina ta ṅme̱ne̱, ni nyeke̱ nyehenye̱loi le̱ bawu; nyetšui akafãa, nyekašea gbeyei, ni nyehe akakpokpoa ni nyekahãa ṅmiṅmi mīmõanye ye̱ ame̱hĩe;

5 Mose 20:3 ပူးပေါင်းရင်းမြစ်များ

2 Kronika 32:8

Lɛ lɛ adesa hewalɛ kɛ lɛ yɔɔ; shi wɔ lɛ, Yehowa, wɔNyɔŋmɔ lɛ kɛ wɔ yɔɔ, koni eye ebua wɔ, asaŋ koni ewu wɔtai lɛ ehã wɔ.” Maŋbii lɛ na ekãa kɛ hiɛnɔkãmɔ yɛ Yuda Maŋtsɛ Hezekia wiemɔi lɛ ahewɔ.

Hiob 23:16

Nyɔŋmɔ ehã mitsui efã; Ofe lɛ ewo mihe gbeyei,

Lalai 3:6

Misheee mɛi akpeiakpei abɔ ni ebɔ nsra ewo mihe lɛ gbeyei.

2 Mose 14:13

Ni Mose here Israelbii lɛ nɔ ekɛɛ, “Nyɛkashea gbeyei! Nyɛdamɔa shi shiŋŋ ni nyɛkwɛa nyɛyiwala ni Yehowa baahere ŋmɛnɛ nɛɛ. Ejaakɛ Ijiptbii ni nyɛnaa ŋmɛnɛ nɛɛ lɛ, nyɛnaŋ amɛ dɔŋŋ kɛaatee naanɔ.

Yesaia 28:16

No hewɔ lɛ, nɔ ni Nuŋtsɔ Nyɔŋmɔ kɛɔ nɛ, “Naa, mikɛ tɛ ko miima shi akɛ Zion shishitoo tɛ; eji tɛ ni aka akwɛ, koŋtɛ ni jara wa ni ma shi shiŋŋ; ni aŋma yɛ nɔ akɛ, ‘Mɔ ni heɔ yeɔ lɛ ehe kpokpoŋ.’ ”

Yesaia 7:4

Kɛɛmɔ lɛ akɛ, ‘Kwɛ ohe ni ahi, ni ofee dioo; kaashe gbeyei, ni otsui hu akafã yɛ grimɔ waa ni Maŋtsɛ Rezin kɛ Siriabii kɛ Remalia bi Maŋtsɛ Peka egri lɛ hewɔ, ejaakɛ amɛtamɔ tsei kukuji ni miije lasu kɛkɛ.

4 Mose 14:9

Shi moŋ Yehowa hiɛ atua kɛkɛ ni nyɛkatsea; ni asaŋ nyɛkashea shikpɔŋ lɛ nɔ bii lɛ gbeyei, ejaakɛ amɛshɛŋ wɔwaosɛɛkpelɔ tete; amɛkɔlɔ eje amɛnɔ momo; shi wɔ lɛ, Yehowa kɛ wɔ yɛ. No hewɔ lɛ, nyɛkashea gbeyei.”

Mateo 10:16

“Naa miitsu nyɛ tamɔ too Gwantɛŋi yɛ klãji ateŋ; no hewɔ lɛ, nyɛhiɛ atɛ̃a tamɔ onufui, ni nyɛfea kpoo tamɔ okpoi.

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

Mateo 10:31

No hewɔ lɛ, nyɛkashea gbeyei; nyɛjara wa aahu fe aflimatai babaoo.”

Mateo 8:26

Ni ekɛɛ amɛ akɛ, “Mɛɛba nyɛsheɔ gbeyei nɛkɛ, nyɛ ni nyɛhemɔkɛyeli faaa?” Kɛkɛ ni ete shi ni efã kɔɔyɔɔ lɛ kɛ ŋshɔ lɛ yi, ni eŋmɛ dɛmm.

Marko 16:18

amɛaahole onufui anɔ; ni kɛji amɛnu nɔ ko ni gbeɔ mɔ lɛ, efeŋ amɛ nɔ ko; amɛkɛ amɛniji aaashwie helatsɛmɛi anɔ, ni amɛhe aaawa amɛ.”

Marko 16:6

Shi ekɛɛ amɛ akɛ, “Nyɛkashea gbeyei! Nyɛmiitao Yesu Nazarenyo ni asɛŋ lɛ lɛ; ete shi, ebɛ biɛ; naa, he ni akɛ lɛ ŋmɛ nɛ!

Bɔfoi 27:24

ni ekɛɛ, ‘Kaashe gbeyei, Paulo! Ja akɛ bo yadãmɔ Kaisare hiɛ kɛ̃; ni naa, Nyɔŋmɔ eŋɔ mɛi fɛɛ ni kɛ bo yɔɔ lɛlɛ lɛ mli lɛ eke bo.’

5 Mose 1:21

Naa shikpɔŋ lɛ, no Yehowa, nyɛNyɔŋmɔ lɛ kɛfɔ̃ nyɛhiɛ nɛɛ. Nyɛyaa ni nyɛyaŋɔa tamɔ bɔ ni Yehowa, nyɛtsɛmɛi aNyɔŋmɔ lɛ, kɛɛ nyɛ lɛ. Nyɛkashea gbeyei, ni nyɛtsuii akafãa hu.’

5 Mose 20:1

“Kɛji nyɛmiiya nyɛkɛ nyɛhenyɛlɔi ayawu ta, ni nyɛna amɛkpɔŋɔi kɛ tawuu shwiilii kɛ tabilɔi babaoo ni ayi fa fe nyɛ lɛ, nyɛkashea gbeyei, ejaakɛ Yehowa, nyɛNyɔŋmɔ lɛ, ni yakpɔ̃ nyɛ yɛ Ijipt shikpɔŋ lɛ nɔ lɛ kɛ nyɛ yɛ.

5 Mose 20:2

Kɛji be lɛ shɛ ni nyɛbaabɔ̃i ta lɛ wuumɔ lɛ, osɔfo lɛ aje kpo kɛba koni ekɛ tabilɔi lɛ abawie,

1 Tesalonikabii 5:15

Nyɛkwɛa ni ahĩa koni mɔ ko kɛ efɔŋ akato efɔŋ najiaŋ, shi moŋ daa nɛɛ nyɛnyiɛa ekpakpafeemɔ sɛɛ nyɛhãhãa nyɛhe kɛ mɛi fɛɛ.

1 Timoteo 6:12

Wuu hemɔkɛyeli he ta kpakpa lɛ, mɔ naanɔ wala lɛ mli, nɔ he hu ni atsɛ bo kɛba ni ojaje jajemɔ fɛɛfɛo yɛ odasefoi pii ahiɛ lɛ.

Hebribii 13:6

Bɔ ni afee ni wɔna ekãa ni wɔkɛɛ, “Nuŋtsɔ lɛ ji miyelikɛbualɔ, ni misheŋ gbeyei. Mɛni gbɔmɔ aaafee mi?”

Yoshua 23:10

Nyɛteŋ gbɔmɔ kome aaashwie mɛi akpe kɛ foi. Ejaakɛ Yehowa, nyɛNyɔŋmɔ lɛ, lɛ ji mɔ ni wuɔ nyɛta lɛ ehãa nyɛ tamɔ bɔ ni ewo nyɛ shi eto lɛ.

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.

1 Samuel 17:32

David kɛɛ Saul akɛ, “Mɔ ko mɔ ko tsui akafã yɛ nuu nɛɛ hewɔ. Otsulɔ aaatee ekɛ nɛkɛ Filistinyo nɛɛ ayakpe.”