5 Mose 2:7 - ŊMALƐ KRƆŊKRƆŊ LƐ

⁷ “Ejaakɛ Yehowa, nyɛNyɔŋmɔ lɛ, ejɔɔ nyɛ yɛ nɔ fɛɛ nɔ ni nyɛtsu mli; ni ebaa nyɛyi yɛ nyɛgbɛnyiɛmɔ mli yɛ nɛkɛ shiaŋa kpeteŋkple nɛɛ nɔ. Afii nyɔŋmai ejwɛ nɛɛ fɛɛ mli lɛ, Yehowa, nyɛNyɔŋmɔ lɛ, kɛ nyɛ yɛ, ni nɔ ko nɔ ko bɛ ni hia nyɛ.

Ṅmãle̱ Kroṅkroṅ Le̱

⁷ Edšake̱ Iehowa, o-Nyoṅmo̱ le̱, edšō̱ onine no̱ ye̱ onitšumo̱i fẽ mli; ebā oyi ye̱ ogbe̱nyiemo̱ mli ye̱ ne̱ke̱ ṅã kpeteṅkple ne̱ no̱: ne̱ke̱ afii nyoṅmaì-edſe̱ ne̱ fẽ mli le̱ Iehowa, o-Nyoṅmo̱ le̱, ke̱o ye̱; nokonoko ehĩakoö.

5 Mose 2:7 ပူးပေါင်းရင်းမြစ်များ

1 Mose 12:2

Mahã otsɔ̃ maŋ kpeteŋkple, ni majɔɔ bo, ni mahã ogbɛi ahehee, ni oootsɔ̃ jɔɔmɔ!

1 Mose 24:35

Yehowa ejɔɔ minuŋtsɔ naakpa, ni etsɔ̃ niiatsɛ wulu. Yehowa ehã lɛ toi kɛ tsinai kɛ jwiɛtɛi kɛ shika kɛ webii kɛ weyei kɛ yoomai kɛ tejii.

1 Mose 26:12

Ni Isak fee ŋmɔ, ni edu nii yɛ nakai shikpɔŋ lɛ nɔ; ni ena nakai bɔ toi oha yɛ nakai afi lɛ nɔ nɔŋŋ, ejaakɛ Yehowa jɔɔ lɛ.

1 Mose 30:27

Shi Laban kɛɛ lɛ akɛ, “Kɛ oooŋmɛ mi gbɛ ni mawie lɛ, mitsɔ̃ gbalɛ nɔ mina mile akɛ bo ohewɔ ni Yehowa ejɔɔ mi nɛɛ.

1 Mose 39:3

Enuŋtsɔ Ijiptnyo lɛ we lɛ eyɔɔ. Potifar na akɛ Yehowa kɛ Yosef yɛ, ni ehãa nɔ fɛɛ nɔ ni Yosef feɔ lɛ shwereɔ yɛ edɛŋ.

1 Mose 39:5

Kɛjɛ gbi nɔ ni Ijiptnyo lɛ wo Yosef onukpa yɛ ewe lɛ kɛ nɔ fɛɛ nɔ ni eyɔɔ lɛ nɔ lɛ, Yehowa jɔɔ Ijiptnyo lɛ we lɛ yɛ Yosef hewɔ. Yehowa jɔɔmɔ ba Ijiptnyo lɛ shĩa nii kɛ eŋmɔshi nii fɛɛ nɔ.

Nehemia 9:21

Afii nyɔŋmai ejwɛ sɔŋŋ okwɛ amɛ yɛ ŋa lɛ nɔ; nɔ ko nɔ ko he ehiaaa amɛ; amɛtadei suuu lɛ, amɛnaji hu efuuu.

Hiob 23:10

Shi Nyɔŋmɔ le minanefaamɔi fɛɛ; kɛji eka mi ekwɛ lɛ ebaana mi akɛ shika ŋmiiŋmi.

Lalai 1:6

Ejaakɛ Yehowa kudɔɔ jalɔi agbɛ lɛ, shi mɛi fɔ̃ji agbɛ lɛ ekɛ mɛi fɔ̃ji yaa hiɛkpãtãmɔ mli.

Lalai 107:4

Amɛteŋ mɛi komɛi tsomlo yɛ shiaŋa ni nɔ ko nɔ ko bɛ nɔ lɛ nɔ; amɛnaaa gbɛ ko ni kã kɛyaa maŋ ni gbɔmɛi yɔɔ mli mli.

Lalai 31:7

Mimli aaafli mi, ni manya yɛ osuɔmɔ ni sɛɛ efooo lɛ hewɔ. Ejaakɛ ona minɔnaa lɛ, ni ole mihaomɔ lɛ.

Lalai 90:17

Nuŋtsɔ, wɔNyɔŋmɔ lɛ, ana wɔ mɔbɔ; ehã wɔniji anaa nitsumɔi ashwere ahã wɔ! Hɛɛ! Wɔniji anaa nitsumɔi lɛ hã amɛshwere.

2 Mose 16:35

Ni Israelbii lɛ ye mana afii nyɔŋmai ejwɛ kɛyashi amɛyanina shikpɔŋ ni amɛaanyɛ nɔ amɛhi. Amɛye mana lɛ kɛyashi beyinɔ ni amɛyashɛ Kanaan shikpɔŋ lɛ husu naa.

Yeremia 2:2

“Yaa, koni oyashiɛ owo Yerusalɛmbii atoiiaŋ, ni okɛɛ amɛ akɛ, nɔ ni Yehowa kɛɛ nɛ, ‘Mikaiɔ oblayeiaŋ anɔkwa ni oye mi lɛ, kɛ osuɔmɔ tamɔ ayɛmforo suɔmɔ lɛ. Mikaiɔ bɔ ni onyiɛ misɛɛ yɛ shiaŋa lɛ nɔ, ni ji shikpɔŋ ni aduko nii yɛ nɔ lɛ nɔ lɛ.

Hosea 13:5

Mikwɛ nyɛnɔ yɛ shiaŋa ni nu bɛ nɔ lɛ nɔ,

Amos 2:10

Mijie nyɛ yɛ Ijipt shikpɔŋ lɛ nɔ, ni mikpala nyɛ afii nyɔŋmai ejwɛ sɔŋŋ yɛ shiaŋa lɛ nɔ kɛba koni nyɛbaŋɔ Amorbii lɛ ashikpɔŋ lɛ.

4 Mose 1:1

Israelbii lɛ Ijipt shikpɔŋ lɛ nɔ shimɔ sɛɛ afi ni ji enyɔ lɛ mli nyɔŋ ni ji enyɔ lɛ klɛŋklɛŋ gbi lɛ nɔ lɛ, Yehowa kɛ Mose wie yɛ Kpee Buu lɛ mli yɛ Sinai Shiaŋa lɛ nɔ, ni ekɛɛ lɛ akɛ,

4 Mose 14:33

Nyɛbii lɛ baatsomlo, ni amɛbaana nɔ yɛ shiaŋa nɛɛ nɔ afii nyɔŋmai ejwɛ yɛ kwamɔ ni nyɛkwa mi lɛ hewɔ, kɛyaashi beyinɔ ni nyɛteŋ naagbee mɔ lɛ baagbo.

4 Mose 14:34

Gbii nyɔŋmai ejwɛ lɛ ni nyɛye nyɛkɛsara shikpɔŋ lɛ, emli gbi kome fɛɛ gbi kome baatsɔ afi ahã nyɛ, ni nyɛbaana nɔ afii nyɔŋmai ejwɛ yɛ nyɛtoigbele lɛ hewɔ koni nyɛkɛna akɛ mikwa nyɛ.

4 Mose 22:12

Nyɔŋmɔ kɛɛ Balaam akɛ, “Okɛ bɔfoi lɛ akaya tsɛmɔ lɛ, ni asaŋ okalomɔ nakai mɛi lɛ hu, ejaakɛ mɛi ni mijɔɔ amɛ ni.”

4 Mose 32:13

Yehowa mli fu Israelbii lɛ, ni ehã amɛtsomlo yɛ shiaŋa lɛ nɔ afii nyɔŋmai ejwɛ kɛyashi yinɔbii ni gbo Yehowa nɔ toi lɛ fɛɛ gboi.

Luka 22:35

Ni ebi amɛ akɛ, “Be ni mitsu nyɛ ni nyɛhiɛɛɛ fotro kɛ kotoku kɛ tokotai lɛ, ani nɔ ko he hia nyɛ” Ni amɛkɛɛ, “Nɔ ko nɔ ko he ehiaaa wɔ.”

Yohane 10:27

Mitoi lɛ nuɔ migbee, ni mile amɛ, ni amɛnyiɛɔ misɛɛ,

5 Mose 1:19

“Wɔfã kɛjɛ Sinai Gɔŋ lɛ he, ni tamɔ bɔ ni Yehowa, wɔNyɔŋmɔ lɛ, efã wɔ lɛ, wɔtsɔ̃ shiaŋa ni nɔ yɔɔ gbeyei, tamɔ nyɛna lɛ, nɔ yɛ gbɛ ni yaa Amorbii agɔji ashikpɔŋ lɛ nɔ lɛ nɔ, ni wɔbashɛ Kadesh Barnea.

5 Mose 1:46

“No hewɔ lɛ, nyɛye gbii babaoo yɛ Kadesh bɔ ni nyɛle momo lɛ.

5 Mose 2:14

Be ni wɔye yɛ gbɛteŋ kɛjɛ beyinɔ ni wɔshi Kadesh Barnea kɛyashi wɔfo Zered Faa lɛ fee afii nyɔŋmai etɛ̃ kɛ kpaanyɔ. Nakai be mli lɛ tsutsu yinɔ tabilɔi lɛ fɛɛ egboi tamɔ bɔ ni Yehowa kã kitã lɛ.

5 Mose 2:6

Nyɛkɔa shika nyɛkɛhea niyenii tete yɛ amɛdɛ̃ dani nyɛyea, ni nu ni nyɛbaanu hu nyɛkɔa shika nyɛkɛhea yɛ amɛdɛ̃.’

5 Mose 29:4

shi kɛbashi ŋmɛnɛ lɛ, Yehowa hãko nyɛ jwɛŋmɔ ni nyɛkɛaanu nɔ ni ba lɛ shishi, loo hiŋmɛii ni nyɛkɛaana nii loo toii ni nyɛkɛaanu nii.

5 Mose 29:5

Mi mikpala nyɛ afii nyɔŋmai ejwɛ yɛ shiaŋa lɛ nɔ; nyɛtadei esuuu yɛ nyɛhe, nyɛtokotai hu tserɛɛɛ yɛ nyɛnaji.

Yoshua 5:6

Israelbii nyiɛ ŋã lɛ nɔ afii nyɔŋmai ejwɛ sɔŋŋ kɛyashi maŋ lɛ mli hii tabilɔi ni fata he be ni ashi Ijipt lɛ fɛɛ gboi, ejaakɛ amɛbooo Yehowa toi; ni no hewɔ lɛ, Yehowa kã amɛ kitã akɛ ehaŋ amɛna shikpɔŋ lɛ ni, lɛ, Yehowa ekã amɛtsɛmɛi lɛ ehe kitã akɛ ekɛbaahã amɛ lɛ, ni ji shikpɔŋ kpakpa ni baa nii lɛ.