5 Mose 2:36 - ŊMALƐ KRƆŊKRƆŊ LƐ

³⁶ Kɛjɛ Aroer maŋ lɛ ni kã Arnon Faa lɛ jɔɔ lɛ toi, kɛ maŋ lɛ ni yɔɔ jɔɔ lɛ teŋ kɛyashi Gilead maŋ lɛ mli tɔ̃ɔ lɛ, maŋ ko maŋ ko bɛ ni wɔyeee enɔ kunim. Yehowa, wɔNyɔŋmɔ lɛ, jɔɔ eko fɛɛ eko nɔ ehã wɔ.

Ṅmãle̱ Kroṅkroṅ Le̱

³⁶ Ke̱-dše̱ Aroer ní kã Arnon fā le̱ nā le̱ ke̱ maṅ ní kã fā le̱ nā le̱ ke̱-yaši Gilead tō̃ maṅ ko maṅ ko be̱ ní wo̱nyẽẽ, Iehowa, wo̱-Nyoṅmo̱ le̱, dšō̱ fẽ no̱ hãwo̱.

5 Mose 2:36 ပူးပေါင်းရင်းမြစ်များ

2 Samuel 24:5

Amɛyafo Yordan Faa lɛ, ni amɛyato shi yɛ Aroer, ni ji maŋ ni kã Gad Faa lɛ jɔɔ lɛ teŋ lɛ wuoyigbɛ. Amɛjɛ jɛi amɛtee kooyigbɛ kɛyashɛ Yazer.

2 Maŋtsɛmɛi 10:33

kɛjɛ Yordan Faa lɛ he bokãgbɛ aahu kɛtee wuoyigbɛ maŋ ko ni atsɛɔ lɛ Aroer ni yɔɔ Arnon Faa lɛ he lɛ he. No ji Gilead kɛ Bashan shikpɔji lɛ, he ni Gadbii kɛ Rubenbii kɛ Bokã Manasebii lɛ yɔɔ lɛ.

Lalai 44:3

Ejaakɛ jeee amɛ diɛŋtsɛ amɛklante nɔ amɛtsɔ̃ amɛŋɔ shikpɔŋ lɛ; asaŋ jeee amɛnineshiwalɛ hã amɛye kunim; shi moŋ ohewalɛ kɛ onyɛmɔ naa, kɛ ohiɛ ni kã amɛhe lɛ hã amɛye kunim; ejaakɛ oyɛ amɛhe tsuijurɔ.

2 Mose 23:31

Mafo husu mahã nyɛ kɛjɛ Ŋshɔ Tsuru lɛ naa kɛyashi Filistibii lɛ aŋshɔ lɛ naa, agbɛnɛ kɛjɛ shiaŋa lɛ nɔ kɛyashi Eufrate Faa lɛ naa, ejaakɛ mahã nyɛye shikpɔŋ lɛ nɔ bii lɛ anɔ kunim koni nyɛshwie amɛ.

Yesaia 17:2

Abaashi Siria maji lɛ ashwie shi kɛya naanɔ. Toi kɛ tsinai kɛ jɛi baafee amɛniyelihe, ni mɔ ko mɔ ko woŋ amɛhe gbeyei.

Yeremia 48:19

Nyɛ mɛi ni nyɛyɔɔ Aroer, nyɛdamɔa gbɛ lɛ he nyɛsaraa koni nyɛbia mɔ ni ena foijee he gbɛ nuu ni jio, yoo ni jio, akɛ ‘Mɛni eba?’

4 Mose 32:34

Gadbii lɛ saa maji ni atswa gbogbo awo amɛhe kɛwaje amɛ lɛ amli tsui lɛ. Dibon kɛ Atarot kɛ Aroer,

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

5 Mose 3:12

“Be ni wɔŋɔ nɛkɛ shikpɔŋ nɛɛ sɛɛ lɛ, mikɛ shikpɔŋ ni kã Aroer maŋ lɛ ni yɔɔ Arnon Faa lɛ naa lɛ kooyigbɛ lɛ, kɛ Gilead gɔji ayiteŋ shikpɔŋ lɛ fã hu, kɛ maji fɛɛ ni yɔɔ amɛnɔ lɛ, hã Rubenbii akutso lɛ kɛ Gadbii lɛ akutso lɛ.

5 Mose 4:48

kɛjɛ Aroer maŋ lɛ ni kã Arnon Faa lɛ jɔɔ lɛ toi kɛtee kooyigbɛ aahu kɛyashi Sirion ni ji Hermon Gɔŋ lɛ he.

Yoshua 1:5

Mɔ ko mɔ ko nyɛŋ ohiɛ adamɔ owalagbii abɔ fɛɛ. Bɔ ni mikɛ Mose hi shi lɛ, nakai nɔŋŋ mikɛ bo aaahi shi; mishiŋ bo, ni mikwaŋ bo hu.

Yoshua 12:2

Sihon, Amorbii amaŋtsɛ lɛ ni hi shi yɛ Heshbon lɛ. Emaŋtsɛyeli shikpɔji lɛ ateŋ eko ji kɛjɛ Aroer (ni kã Yordan Jɔɔ shikpɔŋ lɛ naa lɛ) kɛmɔ Arnon Jɔɔ lɛ teŋ maŋ lɛ kɛyanina Yabok Faa lɛ ni ji Amonbii lɛ ahusu lɛ tɔ̃ɔ. Shikpɔŋ nɛɛ feɔ Gilead shikpɔŋ tso muu lɛ fã.

Yoshua 13:16

Amɛshikpɔŋ lɛ ji Aroer, ni ji Arnon Jɔɔ lɛ, kɛ maŋ wulu lɛ ni kã jɔɔ lɛ teŋ lɛ, kɛ gɔŋ yiteŋ shikpɔŋ kplanaa lɛ fɛɛ ni yɔɔ Medeba lɛ,

Yoshua 13:9

Amɛna kɛjɛ Aroer, ni ji Arnon Jɔɔ lɛ naa shikpɔŋ lɛ, kɛ maŋ wulu ni kã jɔɔ lɛ teŋ lɛ, kɛ gɔŋ yiteŋ shikpɔŋ kplanaa lɛ fɛɛ kɛjɛ Medeba aahu kɛyashi Dibon.

Yoshua 21:44

Yehowa hã amɛna hejɔlɛ yɛ shikpɔŋ lɛ nɔ he fɛɛ he tamɔ bɔ ni ewo amɛtsɛmɛi lɛ shi lɛ pɛpɛɛpɛ. Amɛhenyɛlɔi lɛ ateŋ mɔ ko mɔ ko kwraa nyɛɛɛ amɛhiɛ adamɔ, ejaakɛ Yehowa hã amɛye amɛhenyɛlɔi lɛ fɛɛ anɔ kunim.

Kojolɔi 11:22

Amɛŋɔ Amorbii lɛ ashikpɔŋ lɛ fɛɛ kɛjɛ Arnon Faa lɛ he kɛyashi Yabok Faa lɛ he; amɛŋɔ kɛjɛ ŋã lɛ nɔ kɛyashi Yordan naa tɔ̃ɔ.

Kojolɔi 11:26

Israel ehi Heshbon kɛ Aroer kɛ amɛhe maji lɛ kɛ majimaji ni jwere Arnon Faa lɛ he lɛ amli afii ohai etɛ̃. Mɛɛ hewɔ nyɛshɔ̃ɔɔ nyɛnii nɛkɛ be nɛɛ mli fɛɛ lɛ?