5 Mose 2:14 - ŊMALƐ KRƆŊKRƆŊ LƐ

¹⁴ Be ni wɔye yɛ gbɛteŋ kɛjɛ beyinɔ ni wɔshi Kadesh Barnea kɛyashi wɔfo Zered Faa lɛ fee afii nyɔŋmai etɛ̃ kɛ kpaanyɔ. Nakai be mli lɛ tsutsu yinɔ tabilɔi lɛ fɛɛ egboi tamɔ bɔ ni Yehowa kã kitã lɛ.

Ṅmãle̱ Kroṅkroṅ Le̱

¹⁴ Ši gbĩĩ abo̱ ní wo̱ke̱-nyie ke̱-dše̱ Kadeš-Barnea ke̱-yaši beyino̱ ní wo̱bafo Zered fā le̱ dši afii nyoṅmai-etẽ ke̱ kpānyo̱, ke̱-yaši beyino̱ ní tabilo̱i le̱ ayino̱bii le̱ fẽ tã ye̱ nsra le̱ṅ, take̱ bo̱ni *Iehowa ekãame̱ kitã le̱. *1,34.

5 Mose 2:14 ပူးပေါင်းရင်းမြစ်များ

Lalai 106:26

No hewɔ lɛ, ekpãtã amɛhiɛ yɛ ŋa lɛ nɔ.

Lalai 90:15

Hã wɔmii ashɛ wɔhe gbii babaoo; tamɔ ohao wɔ lɛ nɔŋŋ; ni wɔmii ashɛ wɔhe afii babaoo tamɔ gbii abɔ kɛ afii abɔ ni wɔye jaramɔ lɛ nɔŋŋ.

Lalai 90:3

Okɛɔ akɛ, “Nyɛ gbɔmɛi abii, nyɛkua nyɛsɛɛ nyɛbaa!” Ni ohãa adesa kuɔ esɛɛ etsɔ̃ɔ sũ.

Lalai 90:9

Ejaakɛ wɔgbii lɛ hoɔ oya yɛ omlifu lɛ naa; wɔyeɔ wɔfii lɛ hiŋmɛitswaa mli.

Lalai 95:11

No hewɔ lɛ, mikã kitã yɛ mimlifu mli akɛ, “Kɛ amɛna amɛshɛ hejɔlɛ shikpɔŋ nɔ fĩĩ!”

Ezekiel 20:15

Asaŋ mikã amɛ kitã yɛ ŋa lɛ nɔ akɛ mikɛ amɛ baŋ shikpɔŋ ni mikɛhã amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

4 Mose 1:1

Israelbii lɛ Ijipt shikpɔŋ lɛ nɔ shimɔ sɛɛ afi ni ji enyɔ lɛ mli nyɔŋ ni ji enyɔ lɛ klɛŋklɛŋ gbi lɛ nɔ lɛ, Yehowa kɛ Mose wie yɛ Kpee Buu lɛ mli yɛ Sinai Shiaŋa lɛ nɔ, ni ekɛɛ lɛ akɛ,

4 Mose 13:26

Amɛba Mose kɛ Aaron kɛ Israelbii asafo muu lɛ fɛɛ ŋɔ̃ɔ yɛ Kadesh yɛ Paran ŋa lɛ nɔ. Amɛbagba amɛ bɔ ni amɛyana nibii amɛhã, ni amɛkɛ shikpɔŋ lɛ nɔ tsei ayibii lɛ tsɔ̃ɔ amɛ.

4 Mose 32:11

‘Hii ni shi Ijipt shikpɔŋ lɛ nɔ lɛ ateŋ mɛi ni eye kɛjɛ afii nyɔŋmai enyɔ kɛyaa lɛ ateŋ mɔ ko mɔ ko hiŋmɛi enaŋ shikpɔŋ ni mikã he kitã akɛ mikɛbaahã Abraham kɛ Isak kɛ Yakob lɛ, ejaakɛ amɛyeko mi anɔkwa kɛwulako shi,

1 Korintobii 10:5

Shi kɛ̃lɛ Nyɔŋmɔ naaa amɛteŋ mɛi pii ahe tsui, ejaakɛ aplene amɛ yɛ ŋa lɛ nɔ.

5 Mose 1:19

“Wɔfã kɛjɛ Sinai Gɔŋ lɛ he, ni tamɔ bɔ ni Yehowa, wɔNyɔŋmɔ lɛ, efã wɔ lɛ, wɔtsɔ̃ shiaŋa ni nɔ yɔɔ gbeyei, tamɔ nyɛna lɛ, nɔ yɛ gbɛ ni yaa Amorbii agɔji ashikpɔŋ lɛ nɔ lɛ nɔ, ni wɔbashɛ Kadesh Barnea.

5 Mose 1:2

Kɛjɛ Sinai Gɔŋ lɛ he kɛtsɔ̃ Edom Gɔŋ lɛ he gbɛ lɛ nɔ kɛtee Kadesh Barnea lɛ, gbii nyɔŋma kɛ ekome gbɛnyiɛmɔ ni.

5 Mose 1:46

“No hewɔ lɛ, nyɛye gbii babaoo yɛ Kadesh bɔ ni nyɛle momo lɛ.

5 Mose 2:13

“Shi moŋ nyɛtea shi ni nyɛfoa Zered Faa lɛ. No hewɔ lɛ, wɔyafo Zered Faa lɛ.

5 Mose 2:16

“Be ni tsutsu tabilɔi lɛ fɛɛ gboi lɛ,

5 Mose 2:7

“Ejaakɛ Yehowa, nyɛNyɔŋmɔ lɛ, ejɔɔ nyɛ yɛ nɔ fɛɛ nɔ ni nyɛtsu mli; ni ebaa nyɛyi yɛ nyɛgbɛnyiɛmɔ mli yɛ nɛkɛ shiaŋa kpeteŋkple nɛɛ nɔ. Afii nyɔŋmai ejwɛ nɛɛ fɛɛ mli lɛ, Yehowa, nyɛNyɔŋmɔ lɛ, kɛ nyɛ yɛ, ni nɔ ko nɔ ko bɛ ni hia nyɛ.

Yoshua 24:7

Nyɛtsɛmɛi lɛ bolɔ amɛtsɛ Yehowa, ni ekɛ duŋ kpii fo nyɛ kɛ Ijiptbii lɛ ateŋ; asaŋ ehã ŋshɔ lɛ yi, ni eha Ijiptbii lɛ anɔ. Nyɛna nɔ ni mifee Ijiptbii lɛ kɛ nyɛhiŋmɛi. Nyɛhi ŋã lɛ nɔ be babaoo.

Yoshua 5:4

Nɔ hewɔ ni Yoshua folɔ Israelbii lɛ ketia lɛ nɛ: Israelbii ni shi Ijipt lɛ ateŋ hii fɛɛ, ni ji tabilɔi lɛ, egboi yɛ gbɛteŋ yɛ ŋã lɛ nɔ be ni ajɛ Ijipt abaa lɛ.

Yoshua 5:6

Israelbii nyiɛ ŋã lɛ nɔ afii nyɔŋmai ejwɛ sɔŋŋ kɛyashi maŋ lɛ mli hii tabilɔi ni fata he be ni ashi Ijipt lɛ fɛɛ gboi, ejaakɛ amɛbooo Yehowa toi; ni no hewɔ lɛ, Yehowa kã amɛ kitã akɛ ehaŋ amɛna shikpɔŋ lɛ ni, lɛ, Yehowa ekã amɛtsɛmɛi lɛ ehe kitã akɛ ekɛbaahã amɛ lɛ, ni ji shikpɔŋ kpakpa ni baa nii lɛ.

Yuda 1:5

Shi miitao akɛ makai nyɛ, nyɛ ni nyɛle enɛ fɛɛ momo lɛ, akɛ Nuŋtsɔ lɛ here maŋ lɛ kɛjɛ Ijipt, shi no sɛɛ lɛ ekpãtã mɛi ni heee yeee lɛ ahiɛ.