5 Mose 18:2 - ŊMALƐ KRƆŊKRƆŊ LƐ

² Akahã amɛ shikpɔŋ ni abaaja lɛ eko tamɔ abaahã amɛnyɛmimɛi akutsei krokomɛi lɛ. Mi ji amɛgbɛfaŋnɔ tamɔ bɔ ni miwo amɛ shi lɛ.

Ṅmãle̱ Kroṅkroṅ Le̱

² Nohewo le̱ ame̱náṅ gbe̱fãṅnẽ ko ye̱ ame̱nyemime̱i le̱ ateṅ; Iehowa dši ame̱gbe̱fãṅnõ, take̱ bo̱ni ewoame̱ ši le̱.

5 Mose 18:2 ပူးပေါင်းရင်းမြစ်များ

1 Mose 15:1

Enɛ sɛɛ lɛ Yehowa kɛ Abram wie yɛ ninaa mli akɛ, “Kaashe gbeyei, Abram, mabu ohe, ni mabaa oyi.”

Lalai 119:57

Yehowa, bo ji migbɛfaŋnɔ; miiwo shi akɛ maye owiemɔi lɛ anɔ.

Lalai 16:5

Yehowa, bo ji minɔ fɛɛ nɔ, bo ohãa mi mihiamɔ nii fɛɛ. Bo odɛ̃ŋ miwala yɔɔ.

Lalai 84:11

Ejaakɛ Yehowa, Nyɔŋmɔ lɛ, hulu kɛ tsɛŋ fɛɛ ji lɛ; eduroɔ mɔ, ni ewoɔ mɔ hiɛ nyam. Mɛi ni feɔ nɔ ni ja gbɛ lɛ Yehowa kãmãaa amɛ nɔ kpakpa ko nɔ kpakpa ko.

Yesaia 61:6

Shi nyɛ lɛ, aaatsɛ nyɛ Yehowa osɔfoi, ni mɛi aaatsɛ nyɛ wɔNyɔŋmɔ lɛ sɔ̃ɔlɔi. Nyɛaabaye jeŋ maji lɛ anii, ni nyɛmii aaashɛ yɛ jeŋ majiaŋbii lɛ anii lɛ hewɔ.

Yāfó 3:24

Misusuma kɛɔ akɛ, “Migbɛfaŋnɔ ji Yehowa ni no hewɔ lɛ, mihiɛ baakã enɔ.”

Ezekiel 44:28

“Osɔfoi lɛ bɛ gboshinii ko; mi ji amɛgboshinii. Amɛkana gboshinii ko kwraa yɛ Israel. Mi ji amɛgbɛfaŋnɔ.

4 Mose 18:20

Yehowa kɛɛ Aaron akɛ, “Onaŋ gboshinii ko yɛ shikpɔŋ lɛ nɔ, ni asaŋ onaŋ shikpɔŋ ni abaaja lɛ eko. Mi, Yehowa, mi ji ogbɛfaŋnɔ kɛ ogboshinii ni he hiaa bo yɛ Israelbii lɛ ateŋ.”

4 Mose 18:7

Shi bo kɛ obihii lɛ pɛ asɔ̃mɔ akɛ osɔfoi yɛ afɔleshãa latɛ lɛ he kɛ muhɔɔ lɛ mligbɛ hu. Miŋɔ osɔfoyeli lɛ mihã nyɛ akɛ sɔɔ̃mɔ ni aŋɔ ke. Mɔ fɛɛ mɔ ni ejeee osɔfo ni eeebɛŋkɛ nibii krɔŋkrɔŋi lɛ, gbe aaagbe lɛ.”

5 Mose 10:9

No hewɔ ni Levibii akutso lɛ naaa amɛ kɔkrɔɔ amɛshikpɔŋ tamɔ akutsei krokomɛi lɛ. Amɛ lɛ, amɛgbɛfaŋnɔ ji akɛ amɛ amɛsɔmɔ Yehowa tamɔ bɔ ni Yehowa, nyɛNyɔŋmɔ lɛ, ekɛɛ amɛ lɛ.)

Yoshua 13:14

Levibii akutso lɛ kɛkɛ ni Mose hãaa amɛ amɛ kɔkrɔɔ amɛshikpɔŋ akɛ amɛgbɛfaŋnɔ. Afɔlei ni akɛ la shãa akɛhãa Yehowa, Israel Nyɔŋmɔ lɛ, ji Levibii lɛ agbɛfaŋnɔ ni ahã amɛ tamɔ bɔ ni Mose ekɛɛ amɛ eto lɛ.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;