5 Mose 18:12 - ŊMALƐ KRƆŊKRƆŊ LƐ

¹² Ejaakɛ Yehowa miihi mɔ fɛɛ mɔ ni feɔ nii nɛɛ ateŋ eko lɛ; ni no hewɔ ni Yehowa, nyɛNyɔŋmɔ lɛ, shwieɔ shikpɔŋ lɛ nɔ bii lɛ yɛ nyɛhiɛ lɛ.

Ṅmãle̱ Kroṅkroṅ Le̱

¹² Edšake̱ Iehowa mīhĩ mofẽmo ní feo̱ ne̱ke̱ nii ne̱, ni ne̱ke̱ nihĩnii ne̱ noṅṅ hewo̱ Iehowa, o-Nyoṅmo̱ le̱, ſieo̱ame̱ ye̱ ohĩe ne̱.

5 Mose 18:12 ပူးပေါင်းရင်းမြစ်များ

2 Maŋtsɛmɛi 23:24

Asaŋ Maŋtsɛ Yosia shwie sisatsɛlɔi lɛ kɛ klamɔfoi lɛ, ni ejie amãgãi kɛ wɔji kɛ wɔŋjamɔ nibii fɛɛ ni ana yɛ Yuda shikpɔŋ lɛ nɔ kɛ Yerusalɛm lɛ. Efee enɛ koni wiemɔ ni aŋmã yɛ Mla Wolo lɛ mli lɛ ama shi, Mla Wolo lɛ ni Osɔfo Hilkia yana yɛ Yehowa we lɛ mli lɛ.

Ezekiel 31:11

hewɔ lɛ, mikɛ lɛ ewo jeŋmaji lɛ ateŋ eko ni he wa lɛ dɛŋ; ekɛ lɛ aye waa; bɔ ni sa eyitsoŋwalɛ lɛ. Ejaakɛ mishwie lɛ.

3 Mose 18:24

Nyɛkɛ nii nɛɛ ateŋ eko eko akawoa nyɛhe muji; ejaakɛ enɛɛmɛi fɛɛ jeŋmaji ni mibashwie mahã nyɛ lɛ kɛwoɔ amɛhe muji lɛ.

3 Mose 18:25

Gbɛ nɔ ni tsɔ̃ ni shikpɔŋ fee shikpɔŋ ni he tseee nɛ. Mibagbala etoii yɛ enishaianii lɛ hewɔ, ni ebaafɛ̃ mɛi ni yɔɔ enɔ lɛ eshwie.

5 Mose 14:27

“Nyɛkashĩa Levibii ni nyɛkɛyɔɔ nyɛmaji lɛ amli lɛ asɛɛ, ejaakɛ amɛ lɛ ahãaa amɛ amɛ kɔkrɔɔ amɛgbɛfaŋ shikpɔŋ loo gboshinii ko.

5 Mose 22:5

“Yoo akawo hii atade, ni nuu akawo yei atade ejaakɛ Yehowa, nyɛNyɔŋmɔ lɛ, miihi mɔ ni feɔ nakai.

5 Mose 9:4

“Kɛji Yehowa, nyɛNyɔŋmɔ lɛ, eshwie amɛ kɛje nyɛhiɛ lɛ, nyɛkakɛa yɛ nyɛtsuiŋ akɛ, ‘Ja ni wɔja hewɔ ni Yehowa kɛ wɔ ba koni wɔbaŋɔ shikpɔŋ nɛɛ lɛ.’ Dabida! Ejaakɛ Yehowa baashwie gbɔmɛi nɛɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ.

5 Mose 9:5

Jeee nyɛjalɛ loo nyɛtsuiŋ ni yɔɔ krɔŋkrɔŋ hewɔ ni nyɛyaa nyɛyaŋɔ gbɔmɛi nɛɛ ashikpɔŋ lɛ; shi moŋ Yehowa, nyɛNyɔŋmɔ lɛ, miishwie amɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ, bɔ ni afee ni, shi ni lɛ Yehowa ewo nyɛtsɛmɛi Abraham kɛ Isak kɛ Yakob lɛ ema nɔ mi.