5 Mose 17:9 - ŊMALƐ KRƆŊKRƆŊ LƐ

⁹ koni amɛkɛ sane lɛ ayafɔ̃ Levibii osɔfoi lɛ kɛ kojolɔ hu ni yɔɔ jɛi nakai be lɛ mli lɛ fɛɛ ahiɛ koni amɛkojo.

Ṅmãle̱ Kroṅkroṅ Le̱

⁹ ni oya *oso̱foi ní dši Levibii le̱ ke̱ kodšolo̱ ní yo̱ ye̱ nakai gbĩĩ le̱ amli le̱ ṅõ, ni oyabiame̱; ni ame̱atšõo bo̱ni otšõ okodšo; *2 Kron. 19,8. 11.

5 Mose 17:9 ပူးပေါင်းရင်းမြစ်များ

1 Kronika 26:29

Akɔ Kenania kɛ ebihii lɛ yɛ Izhar shwiei lɛ ateŋ koni amɛtsu maŋbii ashihilɛ he akɔntaabuu woji lɛ ahe nii, koni amɛkwɛ maŋbii ateŋ saji hu amɛkojo.

2 Mose 18:16

Kɛji amɛna sane ko lɛ amɛkɛbaa miŋɔɔ, ni mikuraa, ni mitsɔ̃ɔ amɛ Nyɔŋmɔ akpɔi kɛ nɔ ni Nyɔŋmɔ kɛɛ.”

2 Mose 22:8

Shi kɛji anaaa julɔ lɛ, no lɛ shĩatsɛ lɛ aba Nyɔŋmɔ hiɛ ni ebatsɔɔ akɛ enine etako enaanyo lɛ nii lɛ he.

Yeremia 18:18

Kɛkɛ ni maŋbii lɛ kɛɛ akɛ, “Nyɛbaa koni wɔkpãŋa Yeremia yinɔ, akɛni osɔfoi yɔɔ nɛɛ lɛ, wɔyɛ mɛi ni baatsɔ̃ɔ wɔ mla lɛ naa, ni nilelɔi yɛ ni baawo wɔ ŋaa, ni gbalɔi hu baahi shi amɛgba amɛhã wɔ. Nyɛbaa koni wɔkɛ wɔlilɛi afite lɛ, ni nyɛkahãa wɔbo ewiemɔ kome folo toi.”

Ezekiel 44:24

Kɛji naataamɔ ko te shi lɛ, osɔfoi lɛ nɔŋŋ afee kojolɔi ni amɛkura sane lɛ yɛ mimlai kɛ akpɔi lɛ anaa. Amɛye mimlai kɛ mikpɔi ni kɔɔ migbii juji ni mito lɛ ahe lɛ anɔ. Amɛfee mihejɔɔmɔ gbi lɛ krɔŋkrɔŋ.

Hagai 2:11

Yehowa, Taiatsɛ lɛ, kɛɛ Hagai akɛ, “Bi osɔfoi lɛ koni amɛhã bo sane nɛɛ hetoo:

Zakaria 3:7

“Bɔ ni Yehowa Taiatsɛ lɛ kɛɛ nɛ, ‘Kɛji oooba ojeŋ bɔ ni mitaoɔ, ni oooye mimlai ni miwo lɛ anɔ lɛ, no lɛ bo obaakwɛ misɔlemɔ we lɛ kɛ ehe kpoi lɛ anɔ. Asaŋ mahã bo hegbɛ ni ofata mimɛi ni damɔɔ biɛ lɛ ahe.

Zakaria 7:3

Asaŋ koni amɛbi osɔfoi lɛ kɛ gbalɔi lɛ akɛ, “Ani wɔfo ni wɔhi ŋmãa yɛ nyɔŋ ni ji enumɔ lɛ hu nɔ tamɔ wɔfeɔ yɛ afii babaoo ni eho lɛ amli lɛ lo?”

Maleaki 2:7

Ejaakɛ osɔfoi agbɛnaa nitsumɔ ji akɛ amɛtsɔ̃ɔ mɛi Nyɔŋmɔ he nilee krɔŋŋ lɛ. Amɛ amɛŋɔɔ esa akɛ mɛi aya koni amɛyakase mla lɛ he nii, ejaakɛ amɛ ji Yehowa, Taiatsɛ lɛ, bɔfoi lɛ.

5 Mose 16:18

“Nyɛwoa kojolɔi kɛ maŋnɔkwɛlɔi yɛ nyɛmaji fɛɛ ni Yehowa, nyɛNyɔŋmɔ lɛ, hãa nyɛ lɛ amli, yɛ nyɛkutsei lɛ anaa, koni amɛkojo maŋbii ateŋ yɛ jalɛ naa.

5 Mose 17:10

Bɔ ni amɛaagbe sane lɛ naa amɛhã, yɛ he ni Yehowa eŋɔ akɛ jɛi aja lɛ yɛ lɛ, nakai pɛpɛɛpɛ nyɛŋɔa lɛ.

5 Mose 21:5

Osɔfoi lɛ, ni ji Levibii lɛ, atsi aba ejaakɛ amɛ ji mɛi ni Yehowa ehala akɛ amɛsɔmɔ lɛ, ni amɛkojo bei loo mɔnɔtswaa sane fɛɛ sane yɛ egbɛi mli.

5 Mose 25:1

“Kɛji mɛi enyɔ miibe, ni amɛkɛ amɛsane lɛ tee kojomɔhe koni akojo lɛ, mɔ ni yeɔ bem lɛ abu lɛ bem, ni mɔ ni yeɔ fɔ lɛ abu lɛ fɔ.

5 Mose 33:10

Amɛ amɛbaatsɔ̃ɔ Yakob shwiei okpɔi lɛ, kɛ Israel omla lɛ. Amɛ amɛbaashã tsofakɛŋma yɛ ohiɛ kɛ shãa afɔle muu yɛ afɔleshãa latɛ lɛ nɔ.’