5 Mose 17:8 - ŊMALƐ KRƆŊKRƆŊ LƐ

⁸ “Kɛji sane ni kɔɔ gbɔmɔgbee loo niiaheplemɔ loo awuyeli he ba, ni naataamɔ te shi yɛ sane lɛ yeli mli lɛ, nakai maŋ lɛ mli kojolɔi lɛ kɛ sane lɛ aya he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ,

Ṅmãle̱ Kroṅkroṅ Le̱

⁸ Ke̱dši sane ko ba ní eyeli wa tšṍ hão, tamo̱ awuyeli sane lo niiaheplemo̱ sane lo nõtſā sane, ni efe nātāmo̱ ye̱ ogbói le̱ amli le̱, no le̱ te ši ní oya heni Iehowa, o-Nyoṅmo̱ le̱, ehala le̱,

5 Mose 17:8 ပူးပေါင်းရင်းမြစ်များ

2 Samuel 15:2

Eteɔ shi maŋkɛ mra, ni eyadamɔɔ gbɛ ni kã kɛyaa maŋ agbo lɛ naa lɛ toi. Ni kɛji ena mɔ ko ni ehiɛ bei sane ko kɛmiiba koni maŋtsɛ lɛ akwɛ ahã lɛ lɛ, Absalom tsɛɔ mɔ lɛ, ni ebiɔ lɛ akɛ, “Mɛɛ maŋ nɔ ojɛ?” Kɛji mɔ lɛ to he, ni etsɔ̃ɔ lɛ nɔ Israel akutso mli ni ejɛ lɛ,

1 Kronika 26:29

Akɔ Kenania kɛ ebihii lɛ yɛ Izhar shwiei lɛ ateŋ koni amɛtsu maŋbii ashihilɛ he akɔntaabuu woji lɛ ahe nii, koni amɛkwɛ maŋbii ateŋ saji hu amɛkojo.

2 Mose 18:15

Mose hã lɛ hetoo ekɛɛ, “Ebaa lɛ nakai ejaakɛ maŋbii lɛ baa amɛbabiɔ mi Nyɔŋmɔ daaŋ gbee.

2 Mose 18:26

Nɔkwɛlɔi nɛɛ kuraa maŋbii lɛ ateŋ saji be fɛɛ be. Saji wuji lɛ amɛkɛbaa Mose ŋɔɔ; shi saji bibii fɛɛ lɛ amɛ diɛŋtsɛ amɛkuraa.

2 Mose 21:20

“Kɛji mɔ ko kɛ tso tswa enyɔŋ nuu loo nyɔŋ yoo, ni nyɔŋ lɛ nyɔ yɛ enine naa lɛ, ja atɔ nyɔŋ lɛ he owele yɛ nuŋtsɔ lɛ nɔ.

2 Mose 21:22

“Kɛji hii miinɔ ni amɛkɛ nɔmɔ lɛ yapila yoohɔlɔ, ni emusu lɛ fite, shi eyeee lɛ awui kroko kɛfataaa he lɛ, agbe nuu mɔ ni pila yoohɔlɔ lɛ shika gbele. Yoo wu lɛ aaatsɔ̃ɔ nyɔmɔ ni ekɛfɔ̃ɔ nuu lɛ nɔ nɛ, shi moŋ bɔ ni saneyelɔi lɛ aaatsɔ̃ɔ lɛ nakai nuu lɛ awo.

2 Mose 21:28

“Kɛji tsina shi nuu loo yoo, ni mɔ lɛ gbo lɛ, atswia tsina lɛ tɛ ni agbe lɛ, ni akaye eloo lɛ, shi tsinatsɛ lɛ aye ehe.

2 Mose 22:2

Kɛji ana kooloo ni eyaju lɛ hiɛkãalɔ yɛ edɛŋ lɛ, tsina ni jio, teji ni jio, too ni jio, eku ebɔ he toi enyɔ eto najiaŋ.

2 Mose 22:8

Shi kɛji anaaa julɔ lɛ, no lɛ shĩatsɛ lɛ aba Nyɔŋmɔ hiɛ ni ebatsɔɔ akɛ enine etako enaanyo lɛ nii lɛ he.

Ezekiel 44:24

Kɛji naataamɔ ko te shi lɛ, osɔfoi lɛ nɔŋŋ afee kojolɔi ni amɛkura sane lɛ yɛ mimlai kɛ akpɔi lɛ anaa. Amɛye mimlai kɛ mikpɔi ni kɔɔ migbii juji ni mito lɛ ahe lɛ anɔ. Amɛfee mihejɔɔmɔ gbi lɛ krɔŋkrɔŋ.

Hagai 2:11

Yehowa, Taiatsɛ lɛ, kɛɛ Hagai akɛ, “Bi osɔfoi lɛ koni amɛhã bo sane nɛɛ hetoo:

Maleaki 2:7

Ejaakɛ osɔfoi agbɛnaa nitsumɔ ji akɛ amɛtsɔ̃ɔ mɛi Nyɔŋmɔ he nilee krɔŋŋ lɛ. Amɛ amɛŋɔɔ esa akɛ mɛi aya koni amɛyakase mla lɛ he nii, ejaakɛ amɛ ji Yehowa, Taiatsɛ lɛ, bɔfoi lɛ.

4 Mose 35:11

nyɛhalaa maji nyɛkɛfea abobaa maji koni mɔ ko ni egbe mɔ ko ni jeee gbɛ eje ajo foi kɛya jɛi ni eyaba abo.

4 Mose 35:16

“Shi kɛji mɔ ko kɛ dade tswa mɔ ko ni mɔ lɛ tsɔ̃ mli egbo lɛ, mɔ ni tswa mɔ lɛ nɔ lɛ egbe gbɔmɔ, ni esa akɛ lɛ hu agbe lɛ.

5 Mose 1:17

Nyɛkakwɛa hiɛiaŋ nyɛkɛkojoa; nyɛboa mɔ bibioo kɛ mɔ wulu fɛɛ toi pɛpɛɛpɛ, ni nyɛkashea gbɔmɔ hiɛ sanekɛɛmɔ gbeyei, ejaakɛ Nyɔŋmɔ ji mɔ ni baakudɔ nyɛ kɛkojo. Shi sane ni mli wa tsɔ̃ hã nyɛ lɛ, nyɛkɛbahãa mi koni maye.’

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

5 Mose 12:14

akɛ ja he pɛ ni Yehowa baaŋɔ yɛ nyɛkutsei lɛ ateŋ ekome mli lɛ. Jɛi pɛ nyɛshãa afɔlei lɛ yɛ; ni jɛi nyɛfee nɔ fɛɛ nɔ ni miwoɔ nyɛ he kitã lɛ yɛ.

5 Mose 12:5

Shi moŋ he ni Yehowa, nyɛNyɔŋmɔ lɛ, baaŋɔ yɛ nyɛkutsei lɛ fɛɛ mli akɛ jɛi afee eshihilɛhe kɛ he ni aja lɛ yɛ lɛ, jɛi nyɛyaa.

5 Mose 19:17

mɛi enyɔ ni sane kã amɛteŋ lɛ aba osɔfoi kɛ kojolɔi ni tsuɔ nii nakai be lɛ mli lɛ ahiɛ yɛ Yehowa jamɔhe lɛ.

5 Mose 19:4

“Mla ni yɔɔ gbɔmɔgbelɔ ni aaajo foi kɛya abobaa maŋ ko mli koni ehere eyiwala lɛ nɛ: Mɔ ni nine aaayakpa yɛ enaanyo nɔ, be mli ni jeee akɛ ebɛ mɔ lɛ ewo emli momo sa lɛ, ejo foi kɛya abobaa maji lɛ eko mli, koni efee shweshweeshwe.

5 Mose 21:5

Osɔfoi lɛ, ni ji Levibii lɛ, atsi aba ejaakɛ amɛ ji mɛi ni Yehowa ehala akɛ amɛsɔmɔ lɛ, ni amɛkojo bei loo mɔnɔtswaa sane fɛɛ sane yɛ egbɛi mli.

5 Mose 25:1

“Kɛji mɛi enyɔ miibe, ni amɛkɛ amɛsane lɛ tee kojomɔhe koni akojo lɛ, mɔ ni yeɔ bem lɛ abu lɛ bem, ni mɔ ni yeɔ fɔ lɛ abu lɛ fɔ.