5 Mose 17:7 - ŊMALƐ KRƆŊKRƆŊ LƐ

⁷ Odasefoi lɛ tsuutsu atswa gbɔmɔ nɛɛ tɛ; ni no sɛɛ dani maŋ muu lɛ fɛɛ atswia lɛ tɛi ni egbo. Kɛtsɔ̃ nɛkɛ gbɛ nɔ lɛ nyɛbaajie nɔ fɔŋ lɛ yɛ nyɛteŋ.

Ṅmãle̱ Kroṅkroṅ Le̱

⁷ Odasefoi le̱ tšutšu anidši asăra ehe ní agbele̱, ni no se̱ dãni maṅ mū le̱ fẽ nidši asãra ehe; ni odšie mofõṅ le̱ ke̱-dše̱ nyeteṅ.

5 Mose 17:7 ပူးပေါင်းရင်းမြစ်များ

3 Mose 24:14

“Mɔ mɔ ni lomɔ lɛ kɛje shitoohe lɛ mli kɛya esɛɛ. Mɛi fɛɛ ni nu akɛ elomɔ lɛ kɛ amɛniji abashwie eyiteŋ, koni no sɛɛ lɛ maŋtso muu lɛ atswia lɛ tɛ ni egbo.

Yohane 8:7

Shi be ni amɛhiɛ lɛ bimɔ lɛ, ewo ehe nɔ ekɛɛ amɛ akɛ, “Nyɛteŋ mɔ ni esha bɛ ehe lɛ, lɛ tsutsu etswa lɛ tɛ lɛ.”

1 Korintobii 5:13

shi mɛi ni yɔɔ sɛɛ lɛ, Nyɔŋmɔ ji mɔ ni kojoɔ amɛ? Nyɛjiea mɔ fɔŋ lɛ yɛ nyɛteŋ.

5 Mose 13:10

Atswia lɛ tɛi ni egbo, ejaakɛ eetao akɛ akpala nyɛ kɛje Yehowa, nyɛNyɔŋmɔ lɛ sɛɛ, mɔ ni jie nyɛ kɛje Ijipt shikpɔŋ lɛ nɔ, he ni aye nyɛ nyɔŋ yɛ lɛ.

5 Mose 13:5

Shi nakai gbalɔ lɛ loo mɔ ni laa lamɔi lɛ agbe lɛ. Ejaakɛ eetsɔ̃ɔ nyɛ akɛ nyɛtse Yehowa, nyɛNyɔŋmɔ lɛ, mɔ ni jie nyɛ yɛ Ijipt shikpɔŋ lɛ nɔ ni ekpɔ̃ nyɛ yɛ nyɔŋyeli mli lɛ, hiɛ̃ atua. Eetao akɛ nyɛkahi shi bɔ ni Yehowa, nyɛNyɔŋmɔ lɛ, ewo nyɛ kitã akɛ nyɛfee lɛ. No hewɔ lɛ, esa akɛ nyɛgbe lɛ koni nyɛjie nakai su fɔŋ lɛ yɛ nyɛteŋ.’

5 Mose 13:6

“Onyɛmi ni ji onyɛ musuŋbi, loo obinuu, loo obiyoo, loo oŋa ni kãa osɛɛ, loo oshieŋtsɛ ko ni okɛ lɛ shɛɔ hulu wɔɔ aaalaka bo akɛ ohã nyɛya ni nyɛyaja nyɔŋmɔi krokomɛi ni nyɛ loo nyɛtsɛmɛi lɛ tete leee lɛ,

5 Mose 13:9

shi moŋ ogbe lɛ. Bo tsutsu otswa lɛ tɛ, ni no sɛɛ lɛ maŋ muu lɛ fɛɛ atswia lɛ tɛi.

5 Mose 17:12

Mɔ fɛɛ mɔ ni baaje gbɛ eshi etsitsi etse kojolɔ lɛ loo osɔfo ni yɔɔ jɛi esɔmɔɔ Yehowa, nyɛNyɔŋmɔ lɛ, hiɛ atua lɛ, esa akɛ agbe lɛ koni akɛgu su fɔŋ nɛɛ yɛ Israelbii ateŋ.

5 Mose 19:19

afee lɛ bɔ pɛpɛɛpɛ ni etao akɛ afee enyɛmi lɛ. Kɛkɛ lɛ nyɛkɛjie nɔ fɔŋ nɛɛ yɛ nyɛteŋ.

5 Mose 21:21

Maŋ lɛ mli hii fɛɛ atswia lɛ tɛi koni egbo bɔ ni afee ni akɛjie su fɔŋ lɛ yɛ nyɛteŋ. Israel fɛɛ baanu nɔ ni ba lɛ, ni amɛbaashe gbeyei.”

5 Mose 22:21

maŋ onukpai lɛ akpala oblayoo lɛ kɛya etsɛ agbo naa, koni maŋ lɛ mli hii atswia oblayoo lɛ tɛi ni egbo, ejaakɛ efee hiɛgbejianii yɛ Israel akɛ ele nuu dani eshi etsɛ we lɛ etee gbãlã. Kɛtsɔ̃ nɛkɛ gbɛ nɔ lɛ nyɛbaajie su fɔŋ nɛɛ kɛje nyɛteŋ.

5 Mose 22:22

“Kɛji ana nuu ko ni ekɛ mɔ ko ŋa miina bɔlɛ lɛ, agbe nuu lɛ kɛ yoo lɛ fɛɛ koni akɛgu su fɔŋ nɛɛ yɛ Israel.

5 Mose 22:24

nyɛkpalaa nuu lɛ kɛ yoo lɛ fɛɛ kɛyaa nakai maŋ lɛ agbo lɛ naa koni atswia amɛ tɛi yɛ jɛi ni amɛgboi. Yoo lɛ sa gbele ejaakɛ maŋ teŋ eyɔɔ, ni ebaanyɛ ebo etsɛ; shi ebooo; nuu lɛ hu sa gbele ejaakɛ efite enaanyo ŋa. Kɛtsɔ̃ nɛkɛ gbɛ nɔ lɛ nyɛbaagu su fɔŋ nɛɛ yɛ nyɛteŋ.

5 Mose 24:7

“Kɛji ana mɔ ko ni eju enyɛmi Israelnyo, ni eeye lɛ nyɔŋ aloo eyahɔ̃ɔ lɛ lɛ, agbe nakai gbɔmɔ lɛ koni akɛgu nɛkɛ nɔ fɔŋ nɛɛ yɛ nyɛteŋ.

Kojolɔi 20:13

No hewɔ lɛ, agbɛnɛ nyɛjiea hii, yakagbɔmɛi lɛ ni yɔɔ Gibea lɛ kɛbaa, koni wɔgbea amɛ ni wɔkɛjie nɔ fɔŋ lɛ yɛ Israel.”