5 Mose 17:18 - ŊMALƐ KRƆŊKRƆŊ LƐ

¹⁸ “Kɛji maŋtsɛ nɛɛ bata maŋtsɛ sɛi lɛ nɔ lɛ, ekwɛ Nyɔŋmɔ mlai nɛɛ anɔ wolo lɛ ni yɔɔ Levibii osɔfoi lɛ adɛŋ lɛ nɔ, koni eŋma nakai wolo lɛ henɔ pɛpɛɛpɛ kome ehã ehe.

Ṅmãle̱ Kroṅkroṅ Le̱

¹⁸ Ši moṅ aba mli ake̱, beni etã emaṅtše̱yeli sẽi le̱ no̱ le̱, ekwe̱ ne̱ke̱ mla ne̱ no̱ eṅmã eko ke̱-dše̱ wolo ní kã oso̱foi Levibii le̱ ahĩe le̱ mli ehã ehe;

5 Mose 17:18 ပူးပေါင်းရင်းမြစ်များ

1 Maŋtsɛmɛi 2:3

Ye Yehowa, oNyɔŋmɔ lɛ, tsɔ̃ɔmɔi lɛ anɔ, ni oba ojeŋ ni oye ekpɔi lɛ kɛ ekitãi lɛ kɛ emlai kɛ edasei lɛ anɔ, taakɛ bɔ ni aŋmã yɛ Mose mla lɛ mli lɛ, koni nɔ fɛɛ nɔ ni ofeɔ kɛ he fɛɛ he ni oyaa lɛ oye omanye.

2 Maŋtsɛmɛi 11:12

Kɛkɛ ni Yehoiada jie maŋtsɛ bi, Yoash, lɛ kɛje kpo, ni ekɛ maŋtsɛ akekre lɛ fi lɛ, ni eŋɔ kpãŋmɔ wolo ni maŋtsɛyeli he mlai yɔɔ mli lɛ ewo edɛŋ; ni amɛwo lɛ maŋtsɛ, ni amɛfɔ lɛ mu; ni maŋbii lɛ tswatswaa amɛdɛ̃, ni amɛkɛɛ, “Maŋtsɛ yi ana wala!”

2 Maŋtsɛmɛi 22:8

Be ni Shafan yɔɔ Sɔlemɔ we lɛ, Hilkia kɛ wolo ko hã lɛ, ni ekɛɛ lɛ akɛ, “Miyana Mla Wolo lɛ yɛ Yehowa we lɛ.” Shafan kane wolo lɛ.

2 Kronika 34:15

Kɛkɛ ni Hilkia wo enaa nɔ, ni ekɛɛ Shafan, woloŋmalɔ lɛ, akɛ, “Miyana Mla Wolo lɛ yɛ Yehowa we lɛ mli.” Kɛkɛ ni ekɛ Wolo lɛ hã Shafan;

5 Mose 31:9

Kɛkɛ ni Mose ŋma mla lɛ ewo wolo mli, ni ekɛhã osɔfoi lɛ, ni ji Levi shwiei, mɛi ni tereɔ Yehowa Kpãŋmɔ Adeka lɛ, kɛ Israelbii lɛ amaŋ onukpai lɛ fɛɛ.

Yoshua 1:8

Kaahã nɛkɛ Mla Wolo nɛɛ mli wiemɔi lɛ miikpa yɛ odaaŋ; shi jwɛŋmɔ he be fɛɛ be, nyɔɔŋ kɛ shwane, ni ojwɛŋ nɔ bɔ ni afee ni ohiɛ ahi ohe nɔ, ni ofee bɔ ni aŋma yɛ mli lɛ pɛpɛɛpɛ, ejaakɛ no baahã oshwere.