5 Mose 17:16 - ŊMALƐ KRƆŊKRƆŊ LƐ

¹⁶ Shi moŋ maŋtsɛ lɛ akahi okpɔŋɔi pii; asaŋ ekawo maŋbii lɛ gbɛ ni amɛku amɛsɛɛ kɛtee Ijipt shikpɔŋ lɛ nɔ amɛyahe okpɔŋɔi, ejaakɛ Yehowa ewo nyɛ shi akɛ nyɛkaku nyɛsɛɛ kɛtee Ijipt kɔkɔɔkɔ.

Ṅmãle̱ Kroṅkroṅ Le̱

¹⁶ Ši ekahĩ okpo̱ṅo̱i pī, ni asaṅ eke̱ maṅ le̱ akakũ se̱ ke̱-mīya Mizraim ye̱ okpo̱ṅo̱i *ayifále̱ hewo̱; edšake̱ Iehowa ekē̱nye ake̱: Nyekakũa nyese̱ nyeyatšṍa nakai gbe̱ le̱ no̱ gbĩkogbĩko doṅṅ! *1 Maṅ. 10,25. 28.

5 Mose 17:16 ပူးပေါင်းရင်းမြစ်များ

2 Samuel 8:4

David mɔmɔ Maŋtsɛ Hadadezer hii okpɔŋɔnɔtalɔi akpe kɛ ohai kpawo kɛ tabilɔi nanenɔnyiɛlɔi akpei nyɔŋmai enyɔ. David folɔ okpɔŋɔi ni gbalaa shwiilii lɛ fɛɛ anaji asɛɛ fãi, shi eshi okpɔŋɔi lɛ ateŋ ekomɛi bɔ ni baahi ahã tayaa shwiilii oha.

1 Maŋtsɛmɛi 1:5

Adonia, David kɛ Hagit bi lɛ, Absalom sɛɛho ni; ni ehe yɛ fɛo naakpa. Be ko lɛ Adonia wo ehe nɔ kɛ shwãa akɛ “Mi, mibaye maŋtsɛ lɛ.” No hewɔ lɛ, etao shwiilii kɛ okpɔŋɔi kɛ hii nyɔŋmai enumɔ ni buɔ ehe. Etsɛ Maŋtsɛ David kãko lɛ pɛŋ akɛ, “Mɛɛ hewɔ ofeɔ enɛɛmɛi?”

1 Maŋtsɛmɛi 4:26

Solomon yɛ okpɔŋɔiatsui akpei ejwɛ kɛhã eshwiilii lɛ, kɛ okpɔŋɔiatsɛmɛi akpei nyɔŋma kɛ enyɔ.

1 Maŋtsɛmɛi 5:6

No hewɔ lɛ, agbɛnɛ tsu koni omɛi lɛ ayatoo tsenedru tsei yɛ Lebanon ahã mi; bɔ fɛɛ bɔ ni ooohe mi lɛ mawo akɛ apaafoi lɛ anyɔmɔwo. Mahã mitsuji lɛ tete abafata amɛhe. Ejaakɛ bo diɛŋtsɛ ole akɛ mɔ ko mɔ ko bɛ wɔteŋ ni le tsotoomɔ tamɔ Sidonbii.”

2 Kronika 1:16

Maŋtsɛ Solomon okpɔŋɔi lɛ Ijipt kɛ Kilikia akɛjɛɔ. Ejarayelɔi lɛ yaheɔ amɛ kuikui kɛbaa, ni eko fɛɛ eko kɛ ejara.

2 Kronika 9:25

Agbɛnɛ Maŋtsɛ Solomon yɛ tayaa shwiilii okpɔŋɔi atsui akpei ejwɛ, dani eyɛ tabilɔi okpɔŋɔnɔtalɔi hu akpei nyɔŋma kɛ enyɔ. Eto amɛteŋ mɛi komɛi yɛ ehe yɛ Yerusalɛm, ni fãbii ni shwɛ lɛ ejara amɛ ewo maji krokomɛi amli.

Lalai 20:7

Mɛi komɛi shwãa fɔ̃ɔ tayaa shwiilii anɔ, ni mɛi komɛi hu okpɔŋɔi anɔ; shi wɔ lɛ, Yehowa, wɔNyɔŋmɔ lɛ, hewalɛ nɔ wɔshwãa wɔfɔ̃ɔ.

2 Mose 13:17

Be ni Farao ŋmɛ Israelbii lɛ gbɛ akɛ amɛya lɛ, Nyɔŋmɔ kpalaaa amɛ kɛtsɔ̃ɔɔ Filistibii lɛ ashikpɔŋ lɛ nɔ gbɛ lɛ nɔ; tsɛbelɛ jɛi gbɛ lɛ jɛkɛɛɛ, ejaakɛ Nyɔŋmɔ kɛɛ, “Koni Israelbii lɛ kɛ ta ko akayakpe yɛ gbɛteŋ, ni no hã amɛshwa amɛhe ni amɛku amɛsɛɛ kɛtee Ijipt ekoŋŋ.”

2 Mose 13:18

No hewɔ lɛ, Nyɔŋmɔ kɛ Israelbii lɛ lɔgɔ shi kɛtsɔ̃ Ŋshɔ Tsuru lɛ he ŋa lɛ nɔ gbɛ. Israelbii lɛ fã yɛ Ijipt ni amɛsaa amɛhe amɛhã ta.

2 Mose 14:13

Ni Mose here Israelbii lɛ nɔ ekɛɛ, “Nyɛkashea gbeyei! Nyɛdamɔa shi shiŋŋ ni nyɛkwɛa nyɛyiwala ni Yehowa baahere ŋmɛnɛ nɛɛ. Ejaakɛ Ijiptbii ni nyɛnaa ŋmɛnɛ nɛɛ lɛ, nyɛnaŋ amɛ dɔŋŋ kɛaatee naanɔ.

Yesaia 2:7

Amɛshikpɔŋ lɛ nɔ eyi obɔ̃ kɛ shika kɛ jwiɛtɛi ni anyɛɛɛ naa abu. Amɛshikpɔŋ lɛ nɔ eyi kɛ okpɔŋɔi, ni amɛtayaa shwiilii lɛ anyɛɛɛ naa akpa.

Yeremia 42:19

Gbalɔ Yeremia tee nɔ ekɛɛ akɛ, “Yehowa ekɛɛ nyɛ, Yudabii ni eshwɛ, akɛ, ‘Nyɛkayaa Ijipt.’ Nyɛnaa nyɛlea krɛdɛɛ akɛ miibɔ nyɛ kɔkɔ ŋmɛnɛ gbi nɛɛ

Ezekiel 17:15

Shi Israel maŋtsɛ lɛ tse Babilon maŋtsɛ nɛɛ hiɛ atua, ni etsu bɔfoi kɛtee Ijipt, koni ahã lɛ okpɔŋɔi kɛ tabilɔi babaoo. Ani eeehi ehã lɛ? Aso gbɔmɔ ni feɔ nibii tamɔ enɛɛmɛi lɛ eeeye ehe lo? Ani eeeku kpãŋmɔ lɛ mli, ni kɛ̃lɛ eeeye ehe lo?”

Hosea 11:5

“Amɛaaku amɛsɛɛ kɛaatee Ijipt shikpɔŋ lɛ nɔ, ni Asiria aaaye amɛnɔ, ejaakɛ amɛkpɛlɛ̃ɛɛ akɛ amɛkpaleɔ kɛbaa miŋɔɔ.

Hosea 14:3

Asiria nyɛŋ wɔyiwala ahere gbi ko gbi ko; ni tayaa okpɔŋɔi hu nyɛŋ afã wɔhe. Asaŋ amãgã ni wɔkɛ wɔniji fee lɛ wɔtsɛŋ lɛ wɔNyɔŋmɔ dɔŋŋ. Yehowa, bo lɛ omusuŋ tsɔ̃ɔ bo yɛ awusãi ahe.”

Mika 5:10

Yehowa kɛɛ, “Nakai be lɛ mli lɛ makpãtã okpɔŋɔi lɛ ahiɛ, ni mafite oshwiilii lɛ.

5 Mose 28:68

Ni Yehowa kɛ nyɛ aaawo lɛji amli kɛaaya Ijipt ekoŋŋ, tsɛbelɛ eji gbɛ ko ni ewo nyɛ he shi akɛ nyɛfaŋ dɔŋŋ; ni nyɛaahɔ̃hɔ̃ɔ nyɛ diɛŋtsɛ nyɛhe nyɛhã nyɛhenyɛlɔi lɛ akɛ nyɔji hii kɛ nyɔji yei, shi mɔ ko mɔ ko heŋ nyɛ tete.”

1 Samuel 8:11

Ekɛɛ amɛ akɛ “Bɔ ni maŋtsɛ lɛ ni baaye nyɛnɔ lɛ kɛ nyɛ baaye ehã nɛ: Ebaaŋɔ nyɛbihii lɛ, ni ebaahã amɛteŋ mɛi komɛi ahi eshwiilii ahe, ni mɛi komɛi akwɛ ekpɔŋɔi, ni mɛi komɛi ajojoo foi kɛnyiɛ eshwiilii ahiɛ.