5 Mose 17:12 - ŊMALƐ KRƆŊKRƆŊ LƐ

¹² Mɔ fɛɛ mɔ ni baaje gbɛ eshi etsitsi etse kojolɔ lɛ loo osɔfo ni yɔɔ jɛi esɔmɔɔ Yehowa, nyɛNyɔŋmɔ lɛ, hiɛ atua lɛ, esa akɛ agbe lɛ koni akɛgu su fɔŋ nɛɛ yɛ Israelbii ateŋ.

Ṅmãle̱ Kroṅkroṅ Le̱

¹² Ši moni šio̱ etšitši ní eboo oso̱fo ni damo̱ ši ni esúmoo̱ Iehowa, o-Nyoṅmo̱ le̱, ye̱ dše̱i alo kodšolo̱ le̱ toi le̱, dša agbe nakai gbomo le̱, ni odšie mofõṅ le̱ ke̱-dše̱ Israel,

5 Mose 17:12 ပူးပေါင်းရင်းမြစ်များ

Ezra 10:8

Akɛɛ kɛshi nɔ akɛ mɔ fɛɛ mɔ ni baaa kɛyashi gbii etɛ̃, tamɔ bɔ ni lumɛi lɛ kɛ onukpai lɛ efã akɛ aba lɛ, aaajɔɔ enii anɔ ake, ni lɛ diɛŋtsɛ hu aaajie lɛ yɛ mɛi ni jɛ nomŋɔɔ mli ba lɛ ateŋ.

Lalai 19:13

Baamɔ mi otsulɔ, miyi kɛjɛ eshai ni gbɔmɔ hiɛ kã he ni efeɔ lɛ mli. Kaahã eshai lɛ miiye minɔ; no dani mahi kɛwula shi, ni mihe aaaje tɔ̃mɔi kpelei amli.

Abe̱i 21:11

Kɛ agbala hefɛoyelɔ toi lɛ, mɔ ni jwɛŋmɔ esako kaseɔ nii kɛjɛɔ mli; ni kɛ atsɔ̃ɔ nilelɔ nii lɛ, eleɔ nii.

Hosea 4:4

Yehowa kɛɛ akɛ, “Mɔ ko akashwa mɔ ko, ni mɔ ko akakã mɔ ko hiɛ hu, ejaakɛ nyɛ, Osɔfoi lɛ, nyɛ moŋ ji mɛi ni mikɛyɔɔ sane.

Zakaria 3:7

“Bɔ ni Yehowa Taiatsɛ lɛ kɛɛ nɛ, ‘Kɛji oooba ojeŋ bɔ ni mitaoɔ, ni oooye mimlai ni miwo lɛ anɔ lɛ, no lɛ bo obaakwɛ misɔlemɔ we lɛ kɛ ehe kpoi lɛ anɔ. Asaŋ mahã bo hegbɛ ni ofata mimɛi ni damɔɔ biɛ lɛ ahe.

4 Mose 15:30

“Shi mɔ fɛɛ mɔ ni ehiɛ kã he ni efee nɔ fɔŋ ko lɛ, Israel fɔmɔbi ni jio, gbɔ ni jio, ebɔ musu ejaakɛ ekwɛ Yehowa hiɛ, ni no hewɔ lɛ, nakai mɔ lɛ gbe agbe lɛ;

4 Mose 15:31

ejaakɛ ebuuu Yehowa wiemɔ, ni etɔ̃ ekitã nɔ. Bɔ fɛɛ bɔ ni fee lɛ agbe lɛ koni emusu atere lɛ.”

Mateo 10:14

Ni kɛji mɔ ko hereee nyɛ, ni ebooo nyɛwiemɔi lɛ atoi lɛ, kɛ nyɛmiije nakai shĩa lɛ loo nakai maŋ lɛ mli lɛ, nyɛkpokpoa nyɛnajiashi mlu lɛ.

Luka 10:16

“Mɔ ni boɔ nyɛ toi lɛ, mi toi eboɔ lɛ, ni mɔ ni kwaa nyɛ lɛ, mi ekwaa lɛ; ni mɔ ni kwaa mi lɛ, mɔ ni tsu mi lɛ ekwaa lɛ.”

Yohane 12:48

Mɔ ni kwaa mi ni emɔɔɔ miwiemɔi lɛ amli lɛ, eyɛ mɔ ko ni kojoɔ lɛ. Wiemɔ ni miwie lɛ, no nɔŋŋ aaakojo lɛ yɛ naagbee gbi lɛ nɔ.

Yohane 20:23

Mɛi ahe eshai ni nyɛkɛaafa amɛ lɛ, akɛfa amɛ; ni mɛi ahe eshai ni nyɛkɛaato lɛ, akɛto.”

1 Korintobii 5:13

shi mɛi ni yɔɔ sɛɛ lɛ, Nyɔŋmɔ ji mɔ ni kojoɔ amɛ? Nyɛjiea mɔ fɔŋ lɛ yɛ nyɛteŋ.

5 Mose 1:43

Ni mikɛɛ nyɛ hu, shi nyɛbooo mi toi, ni nyɛtse Yehowa hiɛ atua, ni nyɛfee ntɛŋ kɛkwɔ kɛtee gɔŋ shikpɔŋ lɛ nɔ.

5 Mose 10:8

Be ni ayɔɔ gɔŋ lɛ he lɛ, Yehowa ŋɔ Levi akutso lɛ akɛ amɛ amɛtere Kpãŋmɔ Adeka lɛ. Asaŋ amɛ amɛdamɔ ehiɛ amɛsɔmɔ lɛ, ni amɛ pɛ amɛkɛ egbɛi ajɔɔ mɛi. Nitsumɔi nɛɛ amli amɛhiɛ kɛbashi ŋmɛnɛ gbi nɛɛ.

5 Mose 13:11

No baahã Israel muu fɛɛ anu nɔ ni eba lɛ, ni amɛbaashe gbeyei koni akaye nɛkɛ sane fɔŋ nɛɛ eko yɛ nyɛteŋ dɔŋŋ.

5 Mose 13:5

Shi nakai gbalɔ lɛ loo mɔ ni laa lamɔi lɛ agbe lɛ. Ejaakɛ eetsɔ̃ɔ nyɛ akɛ nyɛtse Yehowa, nyɛNyɔŋmɔ lɛ, mɔ ni jie nyɛ yɛ Ijipt shikpɔŋ lɛ nɔ ni ekpɔ̃ nyɛ yɛ nyɔŋyeli mli lɛ, hiɛ̃ atua. Eetao akɛ nyɛkahi shi bɔ ni Yehowa, nyɛNyɔŋmɔ lɛ, ewo nyɛ kitã akɛ nyɛfee lɛ. No hewɔ lɛ, esa akɛ nyɛgbe lɛ koni nyɛjie nakai su fɔŋ lɛ yɛ nyɛteŋ.’

5 Mose 13:6

“Onyɛmi ni ji onyɛ musuŋbi, loo obinuu, loo obiyoo, loo oŋa ni kãa osɛɛ, loo oshieŋtsɛ ko ni okɛ lɛ shɛɔ hulu wɔɔ aaalaka bo akɛ ohã nyɛya ni nyɛyaja nyɔŋmɔi krokomɛi ni nyɛ loo nyɛtsɛmɛi lɛ tete leee lɛ,

5 Mose 17:13

Kɛ afee nakai lɛ maŋ muu lɛ fɛɛ baanu he, ni amɛbaashe gbeyei, ni mɔ ko ekaŋ asa akɛ eeeye etsui naa sane nakai dɔŋŋ.

5 Mose 17:7

Odasefoi lɛ tsuutsu atswa gbɔmɔ nɛɛ tɛ; ni no sɛɛ dani maŋ muu lɛ fɛɛ atswia lɛ tɛi ni egbo. Kɛtsɔ̃ nɛkɛ gbɛ nɔ lɛ nyɛbaajie nɔ fɔŋ lɛ yɛ nyɛteŋ.

5 Mose 18:20

Shi gbalɔ ni aaato lɛ diɛŋtsɛ eyiŋ ni ewie wiemɔ ko yɛ migbɛi mli, be mli ni jeee mi mifã lɛ akɛ ewie nakai wiemɔ lɛ, ja agbe lɛ; nakai nɔŋŋ gbalɔ ko ni aaawie yɛ nyɔŋmɔi krokomɛi agbɛi amli hu agbe lɛ.’

5 Mose 18:5

Ejaakɛ Yehowa, nyɛNyɔŋmɔ lɛ, eŋɔ Levi kɛjɛ nyɛkutsei lɛ fɛɛ ateŋ koni lɛ kɛ eshwiei lɛ asɔmɔ yɛ ehiɛ akɛ osɔfoi kɛya naanɔ.

5 Mose 18:7

esɔmɔ Yehowa, eNyɔŋmɔ lɛ, akɛ osɔfo tamɔ enyɛmimɛi Levibii ni yɔɔ jɛi lɛ nɔŋŋ.

1 Tesalonikabii 4:2

Ejaakɛ nyɛle kitãi ni wɔwo nyɛ yɛ Nuŋtsɔ Yesu mli lɛ.

1 Tesalonikabii 4:8

Hewɔ lɛ agbɛnɛ, mɔ ni kwaa tsɔ̃ɔmɔ nɛɛ lɛ, jeee gbɔmɔ ko ekwaa, shi moŋ Nyɔŋmɔ ni kɛ eMumɔ Krɔŋkrɔŋ lɛ hãa nyɛ lɛ.

1 Timoteo 5:20

Mɛi ni feɔ esha lɛ, okã amɛ yɛ mɛi fɛɛ ahiɛ, koni mɛi ni eshwɛ lɛ hu ashe gbeyei.

Yoshua 1:18

Mɔ fɛɛ mɔ ni aaatse ohiɛ atua, ni efeee nɔ ni ofã akɛ efee lɛ, aaagbe lɛ. Bo lɛ wajemɔ ohe ni ofee ekãa jogbaŋŋ kɛkɛ.”

Kojolɔi 20:13

No hewɔ lɛ, agbɛnɛ nyɛjiea hii, yakagbɔmɛi lɛ ni yɔɔ Gibea lɛ kɛbaa, koni wɔgbea amɛ ni wɔkɛjie nɔ fɔŋ lɛ yɛ Israel.”

1 Samuel 3:13

Mikɛɛ lɛ mito akɛ mibagbala ewe lɛ toi kɛya naanɔ yɛ nɔ sha ni ele lɛ hewɔ, ejaakɛ ebihii lɛ bɔ musu amɛshi mi, Nyɔŋmɔ, shi etutuuu ehiɛ ewooo amɛ.