5 Mose 16:3 - ŊMALƐ KRƆŊKRƆŊ LƐ

³ Nyɛkɛ masha nii akayea Hehoo niyenii lɛ. Nyɛyea ma akpiti aboloo gbii kpawo akɛ amanehulu aboloo, ejaakɛ nyɛshi Ijipt shikpɔŋ lɛ nɔ kɛ hejojomɔ. Nyɛyea ma akpiti aboloo nɛɛ koni nyɛwala gbii abɔ fɛɛ lɛ, nyɛkɛkai gbi ni nyɛje Ijipt shikpɔŋ lɛ nɔ lɛ.

Ṅmãle̱ Kroṅkroṅ Le̱

³ Oke̱ mãšanii akaye; gbĩĩ kpawo oye akpĩtĩ ní dši amanehũlũ abolo le̱, edšake̱ hedšodšōmo̱ nā odše kpo ke̱-dše̱ Mizraim šikpoṅ le̱ no̱, koni oṅo-kai gbĩ ní odše kpo ke̱-dše̱ Mizraim šikpoṅ le̱ no̱ le̱ owala gbĩĩ abo̱ fẽ.

5 Mose 16:3 ပူးပေါင်းရင်းမြစ်များ

1 Maŋtsɛmɛi 22:27

Kɛɛmɔ amɛ akɛ, “Bɔ ni maŋtsɛ kɛɛ nɛ: ‘Nyɛwoa lɛ tsuŋ, ni ahã lɛ aboloo fioo kɛ nu fioo pɛ daa gbi akɛ eniyenii kɛyashi beyinɔ ni maya mayaye omanye maba.’ ”

Lalai 102:9

Ejaakɛ lamlu etsɔ̃ miniyenii tamɔ aboloo; ni midãa lɛ mikɛ yaafonu futuɔ mli,

Lalai 111:4

Ehãa akaiɔ enaakpɛɛ nitsumɔi lɛ. Durolɔ kɛ mɔbɔnalɔ ji Yehowa.

Lalai 127:2

Yakatswaa nyɛteɔ shi maŋkɛ mra, ni nyɛgboɔ deŋme aahu dani nyɛyawɔɔ. Nyɛgboɔ deŋme kɛtaoɔ nyɛdaaŋ ŋmaa; shi mɛi ni Yehowa sumɔɔ amɛ lɛ, ehãa amɛ amɛhiamɔ nibii kɛji amɛwɔ po tete.

2 Mose 12:11

Ni bɔ ni nyɛye lɛ nɛ. Nyɛfimɔa nyɛmliteiaŋ, ni nyɛwoa nyɛtokotai, ni nyɛdɛ̃hiɛmɔtsei ahiɛa nyɛdɛ̃, ni nyɛyea lɛ paopao, shi Yehowa Hehoo ni.

2 Mose 12:17

Nyɛyea nɛkɛ akpiti gbijurɔ nɛɛ nyɛkɛkaia gbi nɔ ni mijie nyɛ fɛɛ yuu kɛje Ijipt shikpɔŋ lɛ nɔ lɛ. No hewɔ lɛ, nyɛyea gbijurɔ nɛɛ, nyɛ kɛ nyɛshwiei fɛɛ, ni etsɔ̃ akpɔ ehã nyɛ kɛya naanɔ.

2 Mose 12:39

Ni amɛkɛ mã ni amɛkɛjɛ Ijipt lɛ eko shã mã akpiti keeki ejaakɛ eshako akɛ ni Ijiptbii lɛ shwie amɛ bɔ ni amɛwooo mɛɛ koni mã lɛ asha lɛ, ni no hewɔ hu lɛ amɛsako niyenii amɛtoko gbɛnyiɛmɔ lɛ.

2 Mose 12:8

Aye loo lɛ nakai nyɔɔŋ lɛ mli nɔŋŋ. Ashã, ni akɛ aboloo ni akɛ mã akpiti shã kɛ shwie ni joɔ aye.

2 Mose 34:18

“Nyɛyea Akpiti Gbijurɔ lɛ. Bɔ ni miwo nyɛ ehe kitã lɛ; nyɛyea aboloo ni akɛ mã akpiti shã. Nyɛyea lɛ gbii kpawo, yɛ be ni ato ni ji Abib nyɔɔŋ lɛ nɔ, ejaakɛ Abib nyɔɔŋ lɛ nɔ nyɛshi Ijipt.

Yesaia 52:12

Shi moŋ nyɛshĩŋ nyɛyaŋ yɛ hejojomɔ naa; ni asaŋ jeee yɛ foijee naa hu; ejaakɛ Yehowa baanyiɛ nyɛhiɛ ni Israel Nyɔŋmɔ lɛ baanyiɛ nyɛsɛɛ.

3 Mose 23:6

Ni gbi ni ji nyɔŋma kɛ enumɔ lɛ nɔ yɛ nakai nyɔɔŋ lɛ nɔŋŋ nɔ lɛ, no ji mã akpiti gbijurɔ lɛ. Nyɛyea aboloo ni akɛ mã akpiti shã gbii kpawo kɛjɛ nakai gbi lɛ nɔ.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

4 Mose 28:17

Nyɔŋ nɛɛ nɔŋŋ nɔ gbi ni ji nyɔŋma kɛ enumɔ lɛ gbijurɔ ni. Aye aboloo ni akɛ mã akpiti shã kɛjɛ gbi nɛɛ nɔ kɛyashi gbii kpawo.

4 Mose 9:11

Nɛkɛ gbɔmɛi lɛ amɛye Hehoo lɛ yɛ nyɔŋ ni nyiɛ sɛɛ lɛ nɔ gbi ni ji nyɔŋma kɛ ejwɛ lɛ gbɛkɛnaashi. Amɛkɛ mã akpiti kɛ shwie ni joɔ aye;

Luka 22:19

Ni ekɔ aboloo, ni eda shi, ni ekumɔ mli, ni ekɛhã amɛ ni ekɛɛ, [“Enɛ ji migbɔmɔtso ni akɛhã yɛ nyɛhewɔ lɛ; nyɛfea enɛ ni nyɛkɛkaia mi.”

1 Korintobii 5:8

No hewɔ lɛ, nyɛhãa wɔyea Hehoo Gbijurɔ lɛ, jeee kɛ masha momo, ni asaŋ jeee kɛ efɔŋ loo nɔshafeemɔ masha, shi moŋ kɛ anɔkwale akpiti ŋmiiŋmi.

5 Mose 16:2

No hewɔ lɛ, nyɛyaa he ni Yehowa eŋɔ akɛ jɛi aja lɛ yɛ lɛ, ni nyɛgbea too kɛ tsina akɛ Hehoo Gbijurɔ lɛ afɔle nyɛkɛhãa Yehowa.

5 Mose 4:9

Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

1 Tesalonikabii 1:6

Ni nyɛ lɛ, nyɛtsɔ̃mɔ mɛi ni kaseɔ wɔ kɛ Nuŋtsɔ lɛ, akɛni nyɛkɛ Mumɔ Krɔŋkrɔŋ mli miishɛɛ mɔ wiemɔ lɛ mli yɛ amanehulu babaoo mli lɛ.

Yoshua 4:7

nyɛjie naa nyɛhã amɛ akɛ, ‘Yordan Faa lɛŋ nu lɛ sɛɛ fo yɛ Kpãŋmɔ Adeka lɛ hiɛ be ni akɛfo Yordan lɛ.’ No hewɔ lɛ, tɛi nɛɛ baatsɔ̃ kaimɔ nɔ ahã Israelbii kɛya naanɔ.”