5 Mose 16:16 - ŊMALƐ KRƆŊKRƆŊ LƐ

¹⁶ “Afi fɛɛ afi mli lɛ nyɛteŋ hii fɛɛ abapuea yɛ Yehowa, nyɛNyɔŋmɔ lɛ, hiɛ shii etɛ̃, yɛ he ni Yehowa eŋɔ akɛ jɛi aja lɛ yɛ lɛ. Bei nɛɛ ji Ma Akpiti Gbijurɔ be lɛ kɛ Nikpamɔ Gbijurɔ be lɛ kɛ Asesei Agbijurɔ be lɛ. Mɔ ko mɔ ko akabapue yɛ Yehowa, nyɛNyɔŋmɔ lɛ, hiɛ kɛ edɛ̃ folo;

Ṅmãle̱ Kroṅkroṅ Le̱

¹⁶ Afi kome mli le̱ šii etẽ ohĩĩ le̱ fẽ abapue ye̱ Iehowa, o-Nyoṅmo̱ le̱, hĩe, ye̱ heni ehala le̱, ye̱ akpĩtĩ gbĩdšŭrõ le̱ ke̱ otšii agbĩdšŭrõ le̱ ke̱ asesei agbĩdšŭrõ le̱ no̱, ni moko akabapue ye̱ Iehowa hĩe ke̱ edẽ flo;

5 Mose 16:16 ပူးပေါင်းရင်းမြစ်များ

Lalai 96:8

Nyɛkɛ anunyam ni sa Yehowa gbɛi lɛ ahãa lɛ; nyɛhiɛa afɔlei kɛbaa, nyɛbaa ekpoi lɛ anɔ!

Hagai 1:9

“Nyɛkwɛɔ ŋmɔshi nii babaoo gbɛ, shi ebafeɔ fioo kɛkɛ. Ni kɛji nyɛkɛ nikpamɔnii lɛ ba shĩa hu lɛ, mifiliɔ nii lɛ mishwãa. Mɛni hewɔ mifeɔ nakai lɛ? Ejaakɛ miSɔlemɔ we lɛ kã shi amaŋfɔ̃, ni nyɛ lɛ nyɛteŋ mɔ fɛɛ mɔ hiɛ edɔ kɛmiitsu ewe he nii.

Mateo 2:11

Ni amɛtee shĩa lɛ, ni amɛna abifao lɛ kɛ enyɛ Maria lɛ; ni amɛkula shi amɛja lɛ. Amɛfɛne amɛkotokui anaa, ni amɛkekee lɛ nii: shika kɛ krɔbɔo kɛ mire.

2 Mose 34:20

Shi teji kromɔbi lɛ akɛ toobi akpɔ̃ lɛ, shi kɛji asumɔŋ ni akpɔ̃ lɛ lɛ no lɛ aku ekuɛŋ. Okpɔ̃ bihii ateŋ kromɔbii fɛɛ. “Mɔ ko mɔ ko akapue kɛ edɛ̃ folo yɛ mihiɛ.

1 Maŋtsɛmɛi 9:25

Afi kome mli lɛ, Solomon shãa afɔlei srɔtoi etɛ̃: eshãa shãa afɔlei kɛ shidaa afɔlei yɛ afɔleshãa latɛ ni emã ehã Yehowa lɛ nɔ; ni eshãa tsofakɛŋma yɛ nɔ ni ma Yehowa hiɛ lɛ nɔ. Belɛ egbe Sɔlemɔ we lɛ mãa lɛ naa.

Yesaia 23:18

Tiro baajɔɔ ejarayeli mli nii kɛ apaa ni abaabɔ lɛ mli nii hu nɔ ehã Yehowa. Atĩaŋ esɛɛnamɔ lɛ naa amaŋ shi, shi ejarayeli lɛ mli nii baahã ana niyenii babaoo kɛ mamai fɛɛfɛji ahã mɛi ni sɔmɔɔ Yehowa lɛ.

Marko 12:3

Shi amɛmɔ lɛ ni amɛyi lɛ, ni amɛshwie lɛ kɛ edɛŋ folo.

Yohane 7:2

Agbɛnɛ Yudafoi lɛ Asesei agbijurɔ lɛ eshɛ etã.

2 Mose 34:24

Ejaakɛ mibashwie majimaji yɛ nyɛhiɛ, ni malɛɛ nyɛhusui lɛ amli kɛya shɔŋŋ, ni daa afi shii etɛ̃, be mli ni nyɛba Yehowa, nyɛNyɔŋmɔ lɛ, hiɛ lɛ mɔ ko mɔ ko hiɛ ekɔŋ nyɛshikpɔŋ lɛ nɔ ni eeeta he.

3 Mose 23:34

“Kɛɛmɔ Israelbii lɛ akɛ nyɔɔŋ ni ji kpawo ni kã nɔ nɛɛ nɔ gbi ni ji nyɔŋma kɛ enumɔ lɛ ji Asesei Agbijurɔ lɛ; aye gbijurɔ lɛ gbii kpawo ahã Yehowa.

5 Mose 16:15

Nyɛyea gbijurɔ nɛɛ gbii kpawo nyɛkɛwoa Yehowa, nyɛNyɔŋmɔ lɛ, hiɛ nyam yɛ he ni Yehowa eŋɔ akɛ jɛi aja lɛ yɛ lɛ. Nyɛmii ashɛa nyɛhe jogbaŋŋ diɛŋtsɛ ejaakɛ Yehowa, nyɛNyɔŋmɔ lɛ, baajɔɔ nyɛŋmɔshi nibaanii kɛ nyɛnine naa nitsumɔi fɛɛ nɔ.

5 Mose 16:17

mɔ fɛɛ mɔ ahã bɔ ni eeenyɛ. Ekwɛ bɔ ni Yehowa, nyɛNyɔŋmɔ lɛ, ejɔɔ lɛ ehã koni ehã nikee bɔ ni eeenyɛ.

5 Mose 31:11

be ni Israel maŋtso muu fɛɛ ebapue yɛ Yehowa, nyɛNyɔŋmɔ lɛ, hiɛ yɛ he ni lɛ eŋɔ akɛ jɛi aja lɛ yɛ lɛ, akane nɛkɛ mlai nɛɛ fɛɛ yɛ Israel fɛɛ hiɛ awo amɛtoiiaŋ.

1 Samuel 1:3

Daa afi lɛ Elkana yaa Shilo eyasɔleɔ ni eshãa afɔle ehãa Yehowa ni ji Taiatsɛ lɛ. Nɛkɛ be mli lɛ Eli bihii enyɔ lɛ, ni ji Hofni kɛ Finehas, miiye osɔfoi kɛha Yehowa yɛ Shilo.

1 Samuel 6:3

Osɔfoi lɛ to he akɛ, “Kɛji nyɛmiikpale Israel Nyɔŋmɔ lɛ Kpãŋmɔ Adeka lɛ kɛya lɛ, nyɛkahãa akɛ adeka lɛ miiyaa efolo. Ja nyɛkɛ afɔle fata he kɛtee nyɛyahã Israel Nyɔŋmɔ lɛ akɛ nyɛye sɔ̃; no dani nyɛhe aaatã, ni asaŋ nyɛaale nɔ hewɔ ni ekpako nyɛ piŋmɔ lɛ.”

2 Kronika 8:13

Gbi fɛɛ gbi kɛ enɔ afɔle ni ashãa bɔ ni Mose wo he kitã akɛ ashã lɛ. Solomon shã Hejɔɔmɔgbii afɔlei lɛ, kɛ nyɔji hei ashishijee afɔlei lɛ kɛ afi mli gbii juji etɛ̃ lɛ hu anɔ afɔlei lɛ, nomɛi ji Ma Akpiti Gbijurɔ lɛ kɛ Otsii Agbijurɔ lɛ kɛ Asesei Agbijurɔ lɛ.

Nehemia 8:15

Amɛna akɛ aŋma hu akɛ amɛjaje, ni amɛshiɛ yɛ maji lɛ fɛɛ amli kɛ Yerusalɛm hu akɛ, “Nyɛjea kpo nyɛyaa gɔŋ lɛ nɔ ni nyɛyaŋɔa mutsei aniji kɛ ŋkutsei aniji kɛ merto tsei aniji kɛ blɛoi kɛ tsei kusukusui aniji koni nyɛkɛbafee asesei, tamɔ bɔ ni aŋma lɛ.”

Lalai 84:7

Amɛnyiɛɔ ni amɛhewalɛ nɔ gbɔɔɔ; amɛyanaa nyɔŋmɔi amli Nyɔŋmɔ lɛ yɛ Zion.

Lalai 122:4

Jɛi akutsei ni ji Yehowa akutsei lɛ yaa, taakɛ bɔ ni awo amɛ mla lɛ, koni amɛyada Yehowa shi.

Ezra 3:1

Be ni nyɔŋ ni ji kpawo lɛ shɛ ni Israelbii ni ba lɛ ehe shi yɛ amɛmaji lɛ amli lɛ, amɛ bluublu amɛbabua amɛhe naa yɛ Yerusalɛm.

Lalai 84:8

Oo Yehowa, Tai aNyɔŋmɔ, bo misɔlemɔ lɛ toi! Oo Yakob Nyɔŋmɔ, feemɔ toi ohã mi!

Yesaia 33:20

Kwɛmɔ Zion, maŋ he ni wɔyeɔ wɔgbii juji lɛ yɛ lɛ! Ohiŋmɛii aaana Yerusalɛm akɛ toiŋjɔlɛ maŋ ni yɔɔ shweshweeshwe. Eyɛ tamɔ buu ni ma shi shiŋŋ, buu ni afamɔŋ ehe shiŋmlitsei lɛ kɔkɔɔkɔ, ni ehe taŋkpei lɛ ekoeko tseŋ.

Ezekiel 36:38

Mahã maji wuji ni etsɔmɔ amaŋfɔ̃i lɛ amli aaayimɔ obɔ̃bɔ̃ kɛ gbɔmɛi babaoo tamɔ toi kui ni akɛyaashã afɔle yɛ Yerusalɛm yɛ egbii juji lɛ anɔ lɛ. Enɛ amɛkɛaale akɛ mi, mi ji Yehowa.”