5 Mose 15:7 - ŊMALƐ KRƆŊKRƆŊ LƐ

⁷ “Kɛji nyɛnyɛmi Israelnyo ko miiye ohia yɛ maŋ ko mli yɛ nyɛshikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ lɛ, akawa lɛ yi, musuŋ akajoo yɛ nyɛmi ohiafo lɛ nɔ.

Ṅmãle̱ Kroṅkroṅ Le̱

⁷ Ke̱dši ohĩa hĩa onyemi ko ye̱ ogbói le̱ eko mli ye̱ ošikpoṅ ní Iehowa, o-Nyoṅmo̱ le̱, ke̱-hãao le̱ no̱ le̱, kāwadše otšui, ni kāmĩa odeṅ ye̱ onyemi ohĩafo le̱ no̱; 1 Ioh. 3,17.

5 Mose 15:7 ပူးပေါင်းရင်းမြစ်များ

Nehemia 5:1

Maŋbii lɛ kɛ amɛŋamɛi lɛ wie amɛshi amɛnyɛmimɛi Yudafoi lɛ yɛ sane ni eŋɔɔɔ ni amɛnyɛmimɛi lɛ kɛyeɔ amɛ lɛ hewɔ.

Ester 9:19

No hewɔ lɛ, Yudafoi ni yɔɔ akrowai amli, ni ji maji ni atswako gbogbo awoko amɛhe lɛ, yeɔ Adar nyɔŋ lɛ nɔ gbi ni ji nyɔŋma kɛ ejwɛ lɛ akɛ gbijurɔ kɛ okplɔŋmɛɛ kɛ nyamɔ, ni amɛkekeɔ amɛhe nii.

Ester 9:22

ejaakɛ nɛkɛ gbii nɛɛ anɔ Yudafoi lɛ ahe jɔ amɛ kɛjɛ amɛhenyɛlɔi lɛ adɛŋ. Nyɔŋ nɛɛ nɔ amɛwerɛho lɛ tsɔ̃ miishɛɛ, ni amɛkɔmɔyeli lɛ tsɔ̃ nyamɔ. No hewɔ lɛ, amɛfee nɛkɛ gbii nɛɛ okplɔŋmɛɛ kɛ nyamɔ kɛ henikee kɛ ohiafoi anikee gbii.

2 Mose 22:25

“Kɛji ofa mimaŋbii ni kɛ bo yɔɔ lɛ ateŋ ohiafo ko shika lɛ, kaaye lɛ wie, ni kaahe hekpa hu.

Abe̱i 19:17

Mɔ ni naa ohiafo mɔbɔ lɛ, ekɛ miifa Yehowa; ni ejurɔ ni efee lɛ, Yehowa aaato lɛ najiaŋ kɛteke nɔ.

Abe̱i 21:13

Mɔ ni tsimɔɔ etoi ni ekanu ohiafo blɔmɔ lɛ, lɛ diɛŋtsɛ lɛ, eeebolɔ ni aboŋ lɛ toi.

Yesaia 58:10

kɛji oha mɔ ni hɔmɔ yeɔ lɛ niyenii, ni oha mɔ ni ehĩa lɛ lɛ nɔ ni etaoɔ lɛ, no dani ola lɛ aaakpɛ yɛ duŋ lɛ mli, ni oduŋ kpii lɛ aaatsɔ̃ tamɔ shwane.

3 Mose 25:35

“Kɛji onyɛmi Israelnyo ni yɔɔ omasɛi ye ohia bɔ ni enyɛɛɛ ehe ekwɛ dɔŋŋ lɛ, omɔ mli ohã lɛ ni okwɛ lɛ; okɛ lɛ ahi shi akɛ gbɔ ni ebadɔmɔ bo.

Mateo 18:30

Shi lɛ lɛ ekpɛlɛɛɛ; shi moŋ eyawo lɛ tsuŋ kɛyashi beyinɔ ni eeewo lɛ nyɔmɔ lɛ.

Mateo 5:42

Mɔ ni baa bo nɔ ko lɛ hã lɛ, ni mɔ ni taoɔ akɛ ofa lɛ nɔ ko lɛ, kaatsɔ̃ ohe oshi lɛ.”

5 Mose 15:11

Ejaakɛ bɔ fɛɛ bɔ ni fee lɛ, ohiafo kpãŋ yɛ shikpɔŋ lɛ nɔ. No hewɔ ni miwoɔ nyɛ kitã nɛɛ, akɛ nyɛdɛŋ akpɔ ahã nyɛmi Israelnyo ohiafo ni efĩ lɛ yɛ nyɛshikpɔŋ lɛ nɔ lɛ.

5 Mose 15:9

Kwɛmɔ koni jwɛŋmɔ gbonyo akaba oyiŋ ni okɛɛ akɛ, ‘Afi ni ji kpawo ni ji heyeli afi lɛ eshɛ etã’ hewɔ lɛ, otũ ohiɛ owo onyɛmi ohiafo lɛ, ni ohãaa lɛ nɔ ni ebaa ebafa lɛ. Kɛji nyɛmi ohiafo nɛɛ fo etsɛ Yehowa lɛ, eeebu bo fɔ.

5 Mose 24:14

“Kaawa apaafonyo ohiafo ni efĩ lɛ yi. Nyɛnyɛmi Israelnyo ni jio, gbɔi ni yɔɔ nyɛshikpɔŋ lɛ nɔ, yɛ nyɛmaji lɛ amli lɛ ateŋ eko ni jio, akawa lɛ yi.