5 Mose 15:6 - ŊMALƐ KRƆŊKRƆŊ LƐ

⁶ Ejaakɛ Yehowa, nyɛNyɔŋmɔ lɛ, baajɔɔ nyɛ tamɔ bɔ ni ewo shi eto lɛ. Nyɛbaafala maji babaoo nii, shi nyɛ lɛ nyɛfaŋ nɔ ko yɛ maŋ ko dɛŋ; nyɛaaye maji babaoo anɔ, shi nyɛ lɛ maŋ ko yeŋ nyɛnɔ.

Ṅmãle̱ Kroṅkroṅ Le̱

⁶ Edšake̱ Iehowa, o-Nyoṅmo̱ le̱, aadšō̱o, take̱ bo̱ni ewoö ši le̱, ni ooṅõ onii ofãle̱ dšeṅmãdši babaō, li ho le̱ ofaṅ noko; ni ooye dšeṅmãdši babaō no̱, ši ho le̱, ame̱yeṅ ono̱. 28,12.

5 Mose 15:6 ပူးပေါင်းရင်းမြစ်များ

1 Maŋtsɛmɛi 4:21

Solomon ye maŋtsɛyelii fɛɛ nɔ lumɔ kɛjɛ Eufrate Faa lɛ naa, kɛ Filistibii lɛ ashikpɔŋ lɛ nɔ kɛyashwie Ijipt husui lɛ anɔ. Amɛtsu onia amɛhã Solomon, ni amɛsɔmɔ lɛ ewala gbii abɔ fɛɛ.

1 Maŋtsɛmɛi 4:24

Solomon ye shikpɔji fɛɛ ni yɔɔ Eufrate Faa lɛ anaigbɛ, kɛjɛ Tifsa aahu kɛyashwie Gaza, lɛ nɔ. Eye maŋtsɛmɛi fɛɛ ni yɔɔ Eufrate Faa lɛ anaigbɛ lɛ nɔ. Solomon na toiŋjɔlɛ yɛ ehewɔhewɔ maji lɛ fɛɛ amli.

1 Kronika 17:27

No hewɔ lɛ, ofainɛ, ni ojɔɔ mishwiei koni amɛsane asa ohiɛ kɛya naanɔ, ejaakɛ mɔ ni bo, Yehowa, ojɔɔ lɛ lɛ, ajɔɔ lɛ kɛmiiya naanɔ.”

2 Kronika 9:26

Maŋtsɛmɛi fɛɛ yɛ Solomon shishi kɛjɛ Eufrate Faa lɛ naa kɛyashi Filistibii ashikpɔŋ lɛ kɛ Ijipt husui lɛ anɔ.

Ezra 4:20

Asaŋ maŋtsɛmɛi wuji hu ehi Yerusalɛm ni amɛye Eufrate Faa lɛ biɛgbɛ shikpɔŋ lɛ fɛɛ nɔ, ni atsuɔ onia kɛ maŋ too kɛ gbɛjee shika ahãa amɛ.

Nehemia 9:27

No hewɔ lɛ, oŋmɛɛ amɛhe ohã amɛhenyɛlɔi, ni amɛhenyɛlɔi lɛ hao amɛ. Amɛhaomɔ nɛɛ mli lɛ amɛfo amɛtsɛ bo, ni ohere amɛ nɔ kɛjɛ ŋwɛi. Omɔbɔnalɛ babaoo lɛ naa lɛ, ojie hiɛnyiɛlɔi ohã amɛ koni amɛhere amɛ yɛ amɛhenyɛlɔi lɛ adɛŋ.

Lalai 112:5

Mɔ ni mli hi, ni efaa mɔ nɔ, ni ekɛ anɔkwayeli feɔ enii fɛɛ lɛ, aaahi ahã lɛ.

Lalai 37:21

Gbɔmɔ fɔŋ faa shika yɛ mɔ dɛŋ, ni ewooo; shi jalɔ dɛŋ kpɔɔ, ni ehãa mɔ nɔ.

Lalai 37:26

Ehãa mɔ nɔ daa nɛɛ, ni efaa mɔ nɔ, ni eshwiei tsɔ̃ɔ jɔɔmɔ.

Abe̱i 22:7

Niiatsɛ yeɔ ohiafo nɔ; ni mɔ ni yafaa nii tsɔ̃ɔ nyɔŋ ehãa mɔ ni fa lɛ nii lɛ.

Luka 6:35

Moŋ nyɛsumɔa nyɛhenyɛlɔi, ni nyɛfea ejurɔ, ni nyɛfaa ni nyɛhiɛ kãaa nɔ ko nɔ dɔŋŋ, ni nyɛnyɔmɔwoo aaafa, ni nyɛaatsɔ̃mɔ Ŋwɛinyo lɛ bii, shi lɛ lɛ emli hi hã trumui kɛ mɛi fɔ̃ji.

5 Mose 15:5

kɛji nyɛaabo Yehowa, nyɛNyɔŋmɔ lɛ, toi kɛkɛ, ni nyɛaajwɛŋ nɔ nyɛye kitã fɛɛ kitã ni miwoɔ nyɛ ŋmɛnɛ gbi nɛɛ nɔ.

5 Mose 28:44

Lɛ lɛ ebaana nii efa bo, shi bo lɛ onaŋ nɔ ko ofa lɛ; eeetsɔ̃ yitso, ni bo lɛ oootsɔ̃ lei.