5 Mose 14:3 - ŊMALƐ KRƆŊKRƆŊ LƐ

³ “Nyɛkayea nɔ ko nɔ ko ni Yehowa ekɛɛ akɛ ehe tseee.

Ṅmãle̱ Kroṅkroṅ Le̱

³ Kāye noko ní ahĩo̱!

5 Mose 14:3 ပူးပေါင်းရင်းမြစ်များ

1 Mose 7:2

Ŋɔɔ kooloi ni he tse lɛ fɛɛ ateŋ kpawokpawo, nuu kɛ yoo, kɛ kooloi ni he tseee lɛ enyɔɔnyɔɔnyɔ, nuu kɛ yoo,

Yesaia 65:4

Amɛyataraa tɛkploi ni afu gbohii yɛ mli amli, ni amɛyatsɛɔ sisai gbɛkɛgbɛkɛ yɛ jɛi; amɛyeɔ kplotoo loo tete, ni amɛfaa wonu ni akɛ wɔŋ naa loo hoo.

Ezekiel 4:14

Kɛkɛ ni mikɛɛ akɛ, “Ao, Nuŋtsɔ Yehowa, mibuleko mihe dã, kɛjɛ miblahiaŋ aahu kɛbashi amrɔ nɛɛ lɛ. Miyeko nɔ ko ni lɛ diɛŋtsɛ egbo loo kooloo ko tserɛ lɛ dã. Asaŋ hu loo ko ni ahiɔ esako minaa dã.

3 Mose 11:2

Yehowa kɛɛ, “Kooloi fɛɛ ni yɔɔ shikpɔŋ lɛ nɔ lɛ ateŋ nii ni nyɛye ji:

3 Mose 11:43

Nyɛkayea koni nyɛkɛ no bule nyɛhe ni nyɛkɛwo nyɛhe muji.

3 Mose 20:25

No hewɔ lɛ, nyɛfea srɔto yɛ kooloi kɛ loofɔji ni he tse kɛ nii ni he tseee ateŋ. Nyɛkayea kooloi loo loofɔji ni he tseee. Mihã nyɛle akɛ amɛhe tseee; ni kɛ nyɛye lɛ nyɛhe baawo muji.

Romabii 14:14

Mile ni misaa miyɛ hewalɛ yɛ nɔ yɛ Nuŋtsɔ Yesu mli akɛ nɔ ko nɔ ko bɛ ni eji bulemɔnɔ lɛ diɛŋtsɛ. Mɔ ni buɔ nɔ ko akɛ bulemɔnɔ ni lɛ, lɛ etsɔ̃ɔ bulemɔnɔ ehãa.

1 Korintobii 10:28

Shi kɛji mɔ ko kɛɛ nyɛ akɛ, “Enɛ lɛ akɛshã afɔle ahã amãgã” lɛ, nyɛkayea yɛ mɔ ni tswa adafi lɛ kɛ henilee hewɔ.

Tito 1:15

Mɛi ni he tse lɛ, nii fɛɛ he tse hã amɛ; shi mɛi ni he tseee ni amɛheee Nyɔŋmɔ amɛyeee lɛ, nɔ ko nɔ ko bɛ ni he tse hã amɛ, shi moŋ amɛjwɛŋmɔ mli kɛ amɛhenilee fɛɛ ewo muji.