5 Mose 13:6 - ŊMALƐ KRƆŊKRƆŊ LƐ

⁶ “Onyɛmi ni ji onyɛ musuŋbi, loo obinuu, loo obiyoo, loo oŋa ni kãa osɛɛ, loo oshieŋtsɛ ko ni okɛ lɛ shɛɔ hulu wɔɔ aaalaka bo akɛ ohã nyɛya ni nyɛyaja nyɔŋmɔi krokomɛi ni nyɛ loo nyɛtsɛmɛi lɛ tete leee lɛ,

Ṅmãle̱ Kroṅkroṅ Le̱

⁶ Ši nakai *gbalo̱ le̱ alo nakai làlo̱ le̱, ágbele̱; edšake̱ ekē̱nye ake̱ nyekpale ke̱-dše̱ Iehowa, nye-Nyoṅmo̱ le̱, ní dšie-nye ke̱-dše̱ Mizraim šikpoṅ le̱ no̱ ní ekpõnye ke̱-dše̱ nyṍdši awe le̱ se̱, ni eke̱-tšire̱ nyeyi se̱ ke̱-dše̱ gbe̱ ní Iehowa, o-Nyoṅmo̱ le̱, ewoö he kitã ní onyie no̱ le̱ no̱; †nakai odšie mofõṅ le̱ ke̱-dše̱ nyeteṅ. *18,20. †1 Kor. 5,6. 13.

5 Mose 13:6 ပူးပေါင်းရင်းမြစ်များ

1 Mose 16:5

Kɛkɛ ni Sarai kɛɛ Abram akɛ, “Sane ni eŋɔɔɔ ni akɛyeɔ mi nɛɛ, sɔ̃ lɛ atere bo! Mikɛ miweyoo lɛ hã bo; shi kɛjɛ be ni ena akɛ ena musu lɛ, mihiɛ eshwiei shi yɛ ehiɛ. Nyɔŋmɔ aaakojo mi kɛ bo teŋ sane nɛɛ.”

2 Samuel 1:26

“Osane miidɔ mi, minyɛmi Yonatan; osane eŋɔɔ minaa kɛho. Osuɔmɔ ni okɛsumɔ mi lɛ yɛ naakpɛɛ, efe yei asuɔmɔ tete.

1 Maŋtsɛmɛi 18:40

Kɛkɛ ni Elia fã maŋbii lɛ ekɛɛ, “Nyɛmɔmɔa Baal gbalɔi lɛ; akahã amɛteŋ mɔ kome nɛkɛ miijo foi!” Amɔmɔ Baal gbalɔi lɛ, ni Elia ŋɔ amɛ kɛkpeleke shi kɛtee Kishon Faa lɛ naa, ni eyagbe amɛ yɛ jɛi.

2 Maŋtsɛmɛi 11:18

Kɛkɛ ni maŋbii lɛ fɛɛ yiŋ ni amɛyabote Baal we lɛ, ni amɛkumɔ Baal we lɛ amɛshwie shi. Baal afɔleshãa latɛi lɛ kɛ emãgãi lɛ amɛkumɔ amɛ dukuduku; ni Mattan, ni ji Baal osɔfo lɛ, amɛgbe lɛ yɛ afɔleshãa latɛ lɛ hiɛ. Kɛkɛ ni osɔfo Yehoiada to gbɛjianɔ ni bulɔi abu Yehowa we lɛ he.

2 Kronika 15:13

ni asaŋ mɔ fɛɛ mɔ ni jaaa Israel Nyɔŋmɔ lɛ, mɔ lɛ gbekɛ ni jio, onukpa ni jio, nuu ni jio, yoo ni jio, abaagbe lɛ.

2 Kronika 23:17

Kɛkɛ ni agbɛnɛ maŋbii lɛ yabote jemawɔji ajamɔhei lɛ, ni amɛyakumɔ jemawɔji lɛ amãgãi lɛ kɛ jemawɔji lɛ afɔleshãa latɛi lɛ kɛ jemawɔji lɛ ajamɔhei lɛ diɛŋtsɛ fɛɛ amɛshwie shi. Naagbee mli lɛ amɛgbe Matan ni ji jemawɔji lɛ awulɔmɔ lɛ amɛfata he.

Hiob 31:27

Kɛji nɔ ko elaka mitsui ni miwo amɛ yɛ teemɔŋ ni mishwɔ minine naa kɛ hiɛsɔlɛ mihã amɛ lɛ,

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 32:27

Ni Mose kɛɛ Levibii lɛ akɛ, “Nɔ ni Yehowa, Israel Nyɔŋmɔ lɛ, kɛɛ nɛ, ‘Nuu fɛɛ nuu akɔ eklante eŋmɔ, ni nyɛnyiɛa maŋ lɛ mli fɛɛ, kɛjɛ agbonaa kɛya agbonaa, ni mɔ fɛɛ mɔ agbe enyɛmi, mɔ fɛɛ mɔ agbe enaanyo, ni mɔ fɛɛ mɔ agbe ehe gbɔmɔ.’ ”

Abe̱i 18:24

Nanemɛi komɛi yɛ ni amɛfeɔ amɛnii oookɛɛ nanemɛi ji amɛ; shi naanyo krɔŋŋ lɛ ekpɛtɛɔ mɔ gbãgbãlii fe nyɛmi tete.

Abe̱i 5:20

Shi mibi, mɛɛba yoo ni bɛ jeŋba he feɔ bo akɔnɔ, ni oloɔ yoo mɔkpɔŋ atuu?

Yeremia 28:15

Kɛkɛ ni mikɛɛ Gbalɔ Hanania akɛ, “Hanania, bo toi! Yehowa tsuko bo; ni ohã maŋbii nɛɛ kɛ amɛhiɛ efɔ̃ amale nɔ.

Yeremia 28:16

No hewɔ lɛ, bɔ ni Yehowa kɛɛ nɛ, ‘Naa, mibajie bo yɛ shikpɔŋ nɛɛ nɔ. Afi nɛɛ nɔŋŋ mli lɛ obaagbo, ejaakɛ owie atuatsemɔ wiemɔ oshi Yehowa.’ ”

Yeremia 44:3

yɛ nifɔɔjianii ni amɛfee amɛkɛwo mimli la lɛ hewɔ. Ejaakɛ amɛtee, ni amɛyashãshãa tsofakɛŋma, ni amɛsɔ̃mɔ nyɔŋmɔi ni amɛ kɛ nyɛ kɛ nyɛtsɛmɛi lɛ fɛɛ leee.

Zakaria 13:3

Ni kɛji mɔ ko aaaba ekoŋŋ akɛ gbalɔ ji lɛ lɛ, etsɛ kɛ enyɛ ni fɔ lɛ tete aaakɛɛ lɛ akɛ, ‘Gbalɔ amalelɔ ji bo, ni osa gbele, ejaakɛ oomale yɛ Yehowa gbɛi mli.’ Ni kɛji ekã he eegba lolo lɛ etsɛ kɛ enyɛ ni fɔ lɛ lɛ baatsu lɛ nɔ̃, koni amɛgbe lɛ.

2 Korintobii 5:16

Belɛ, kɛjɛ ŋmɛnɛ nɔ kɛyaa nɛɛ, wɔleee mɔ ko mɔ ko dɔŋŋ yɛ gbɔmɛi asusumɔ naa; ni kɛ gbɔmɛi asusumɔ naa wɔle Kristo yɛ tete lɛ, agbɛnɛ lɛ wɔleee lɛ nakai dɔŋŋ.

Galatabii 2:4

Mɛi ni wo ketiafoo sane nɔ ji amale nyɛmimɛi komɛi ni ju shi kɛbafutu wɔ, ni amɛba nigii koni amɛbasara wɔhe ni wɔye yɛ Kristo Yesu mli lɛ, koni amɛye wɔ nyɔŋ;

Efesobii 4:14

koni wɔkakã he wɔfee abifabii ni tsɔ̃ɔmɔ fɛɛ tsɔ̃ɔmɔ hosoɔ amɛ tamɔ kɔɔyɔɔ hosoɔ nii, ni ekpalaa amɛ kɛyaa kɛbaa yɛ gbɔmɛi aŋaafɔŋtoo kɛ kutumpɔo ni akɛshishiuɔ mɛi lɛ naa.

5 Mose 11:32

nyɛkwɛa jogbaŋŋ koni nyɛye akpɔi lɛ fɛɛ kɛ mlai lɛ hu fɛɛ ni mikɛshwieɔ nyɛhiɛ ŋmɛnɛ gbi nɛɛ lɛ anɔ.

5 Mose 13:2

ni okadi lɛ loo naakpɛɛ nɔ lɛ na ba mli anɔkwaleŋ, ni no hewɔ lɛ, gbɔmɔ nɛɛ kɛɛ ‘Nyɛhãa wɔyaa ni wɔyajaa nyɔŋmɔi krokomɛi ni nyɛleee koni nyɛsɔmɔ amɛ lɛ,

5 Mose 13:7

maji ni bɔle nyɛ kpaakpa lɛ kɛ maji ni kɛ nyɛteŋ jɛkɛ, kɛjɛ shikpɔŋ lɛ biɛ kɛyashi biɛ lɛ anyɔŋmɔi lɛ,

5 Mose 17:12

Mɔ fɛɛ mɔ ni baaje gbɛ eshi etsitsi etse kojolɔ lɛ loo osɔfo ni yɔɔ jɛi esɔmɔɔ Yehowa, nyɛNyɔŋmɔ lɛ, hiɛ atua lɛ, esa akɛ agbe lɛ koni akɛgu su fɔŋ nɛɛ yɛ Israelbii ateŋ.

5 Mose 18:20

Shi gbalɔ ni aaato lɛ diɛŋtsɛ eyiŋ ni ewie wiemɔ ko yɛ migbɛi mli, be mli ni jeee mi mifã lɛ akɛ ewie nakai wiemɔ lɛ, ja agbe lɛ; nakai nɔŋŋ gbalɔ ko ni aaawie yɛ nyɔŋmɔi krokomɛi agbɛi amli hu agbe lɛ.’

5 Mose 19:19

afee lɛ bɔ pɛpɛɛpɛ ni etao akɛ afee enyɛmi lɛ. Kɛkɛ lɛ nyɛkɛjie nɔ fɔŋ nɛɛ yɛ nyɛteŋ.

5 Mose 21:21

Maŋ lɛ mli hii fɛɛ atswia lɛ tɛi koni egbo bɔ ni afee ni akɛjie su fɔŋ lɛ yɛ nyɛteŋ. Israel fɛɛ baanu nɔ ni ba lɛ, ni amɛbaashe gbeyei.”

5 Mose 22:21

maŋ onukpai lɛ akpala oblayoo lɛ kɛya etsɛ agbo naa, koni maŋ lɛ mli hii atswia oblayoo lɛ tɛi ni egbo, ejaakɛ efee hiɛgbejianii yɛ Israel akɛ ele nuu dani eshi etsɛ we lɛ etee gbãlã. Kɛtsɔ̃ nɛkɛ gbɛ nɔ lɛ nyɛbaajie su fɔŋ nɛɛ kɛje nyɛteŋ.

5 Mose 24:7

“Kɛji ana mɔ ko ni eju enyɛmi Israelnyo, ni eeye lɛ nyɔŋ aloo eyahɔ̃ɔ lɛ lɛ, agbe nakai gbɔmɔ lɛ koni akɛgu nɛkɛ nɔ fɔŋ nɛɛ yɛ nyɛteŋ.

5 Mose 28:54

Nakai be lɛ mli lɛ nyɛteŋ nuu ni he jɔ, asaŋ ni ekpaaa niiaŋ po musuŋ aaajoo yɛ enyɛmi kɛ eŋa ni eshwɛɛɛ ehe kwraa kɛ emusuŋbii ateŋ mɔ ni eshwɛ ehã lɛ tete nɔ,

5 Mose 29:18

Nyɛkwɛa jogbaŋŋ koni nyɛteŋ nuu ko loo yoo ko loo weku ko loo akutso ko yiŋ akatsɔ̃ ŋmɛnɛ ni ekpale yɛ Yehowa, wɔNyɔŋmɔ lɛ sɛɛ, ni etee eyaja nakai maji lɛ anyɔŋmɔi lɛ; no lɛ nakai mɔ lɛ aaatsɔ̃ tamɔ tso shishifã ni woɔ tsoyibii ni joɔ kɛ emli ebɔɔ yɛ nyɛteŋ.

5 Mose 8:14

nyɛkwɛa ni ahia koni nyɛkawo nyɛhe nɔ ni nyɛhiɛ miikpa Yehowa, nyɛNyɔŋmɔ lɛ nɔ. Lɛ mɔ ni ejie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ.

Kolosebii 2:4

Shi miikɛɛ enɛ, koni mɔ ko kɛ naadɔkɔmɔ wiemɔ ko akashishiu nyɛ.

Yoshua 7:13

Tee shi; tsuumɔ maŋbii lɛ ahe. Kɛɛmɔ amɛ akɛ, ‘Nyɛtsua nyɛhe nyɛkɛfea nyɛhe krɔŋkrɔŋ nyɛtoa wɔ’, ejaakɛ bɔ ni Yehowa, Israel Nyɔŋmɔ lɛ, kɛɛ nɛ, ‘Israelbii, nyɛkɔlɔ musu nibii lɛ eko, no hewɔ lɛ, nyɛnyɛŋ nyɛhenyɛlɔi lɛ ahiɛ nyɛdamɔ kɛyaashi beyinɔ ni nyɛaajie musunii lɛ nyɛshwie.’

2 Petro 2:1

Shi amalegbalɔi hu te shi yɛ Israelbii lɛ ateŋ, tamɔ bɔ ni amaletsɔ̃ɔlɔi baaba nyɛ hu nyɛteŋ lɛ. Amɛkɛ hiɛkpãtãmɔ tsɔ̃ɔmɔi aaaba nigii, ni Nuŋtsɔ lɛ ni kpɔ̃ amɛ lɛ po, amɛaakwa lɛ, ni amɛkɛ hiɛkpãtãmɔ ni he yɔɔ oya aaaba amɛ diɛŋtsɛ amɛnɔ.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 20:3

ni eshɛ́ lɛ efɔ̃ bu kwɔŋkwɔŋ lɛ mli, ni eŋa naa ni esɔo naa, koni ekashishiu jeŋmaji lɛ dɔŋŋ kɛyashi beyinɔ ni aaagbe afii akpe lɛ naa. Ni no sɛɛ lɛ ja afɛne lɛ be fioo ko.

Kojolɔi 10:6

Israelbii lɛ fee efɔŋ amɛshi Yehowa ekoŋŋ. Amɛyasɔmɔ Baal nyɔŋmɔi lɛ kɛ Astarte nyɔŋmɔi lɛ ni ji Siriabii kɛ Sidonbii kɛ Moabbii kɛ Amonbii kɛ Filistibii anyɔŋmɔi lɛ. Amɛkwa Yehowa, ni amɛsɔmɔɔɔ lɛ hu.

Kojolɔi 2:13

Ni amɛfɔ̃ɔ Yehowa jamɔ, ni amɛyasɔmɔ Baal nyɔŋmɔi lɛ kɛ Astarte nyɔŋmɔi lɛ.

Kojolɔi 20:13

No hewɔ lɛ, agbɛnɛ nyɛjiea hii, yakagbɔmɛi lɛ ni yɔɔ Gibea lɛ kɛbaa, koni wɔgbea amɛ ni wɔkɛjie nɔ fɔŋ lɛ yɛ Israel.”

Kojolɔi 5:8

Amɛhala nyɔŋmɔi hei, kɛkɛ ni ta shɛ agboi lɛ anaa, Anãaa tsɛŋ loo akplɔ ko yɛ hii akpei nyɔŋmai ejwɛ dɛŋ yɛ Israel.

1 Samuel 18:1

Be ni Saul kɛ David ewie egbe naa sɛɛ lɛ, Yonatan bana David he miishɛɛ, ni esumɔ David tamɔ lɛ diɛŋtsɛ ehe.

1 Samuel 18:3

Bɔ sɔŋŋ ni Yonatan sumɔ David tamɔ lɛ diɛŋtsɛ ehe hewɔ lɛ, ekɛ David bɔ naanyo ni amɛkpãŋ.

1 Samuel 20:17

Yonatan hã David saa kã lɛ kitã ekoŋŋ akɛ ehiɛ akakpa amɛteŋ suɔmɔ lɛ nɔ, ejaakɛ Yonatan sumɔɔ David tamɔ bɔ ni esumɔɔ lɛ diɛŋtsɛ ehe lɛ.