5 Mose 13:5 - ŊMALƐ KRƆŊKRƆŊ LƐ

⁵ Shi nakai gbalɔ lɛ loo mɔ ni laa lamɔi lɛ agbe lɛ. Ejaakɛ eetsɔ̃ɔ nyɛ akɛ nyɛtse Yehowa, nyɛNyɔŋmɔ lɛ, mɔ ni jie nyɛ yɛ Ijipt shikpɔŋ lɛ nɔ ni ekpɔ̃ nyɛ yɛ nyɔŋyeli mli lɛ, hiɛ̃ atua. Eetao akɛ nyɛkahi shi bɔ ni Yehowa, nyɛNyɔŋmɔ lɛ, ewo nyɛ kitã akɛ nyɛfee lɛ. No hewɔ lɛ, esa akɛ nyɛgbe lɛ koni nyɛjie nakai su fɔŋ lɛ yɛ nyɛteŋ.’

Ṅmãle̱ Kroṅkroṅ Le̱

⁵ Iehowa, nye-Nyoṅmo̱ le̱, se̱ nyenyiea, ni le̱ gbeyei nyešea, ni le̱ ekitãi le̱ ano̱ nyeyea, ni le̱ egbē toi nyeboa, ni le̱ nyesúmo̱a, ni le̱ noṅṅ ehe nyeke̱ nyehe akpe̱te̱a.

5 Mose 13:5 ပူးပေါင်းရင်းမြစ်များ

1 Maŋtsɛmɛi 13:19

No hewɔ lɛ, gbalɔ lɛ ni jɛ Yuda lɛ kɛ gbalɔ nuumo lɛ tee ni eyaye nii yɛ ewe lɛ, ni enu nii.

1 Maŋtsɛmɛi 18:40

Kɛkɛ ni Elia fã maŋbii lɛ ekɛɛ, “Nyɛmɔmɔa Baal gbalɔi lɛ; akahã amɛteŋ mɔ kome nɛkɛ miijo foi!” Amɔmɔ Baal gbalɔi lɛ, ni Elia ŋɔ amɛ kɛkpeleke shi kɛtee Kishon Faa lɛ naa, ni eyagbe amɛ yɛ jɛi.

2 Kronika 34:31

Kɛkɛ ni maŋtsɛ lɛ yadamɔ maŋtsɛ shidaamɔhe lɛ, ni ekã kitã yɛ Yehowa hiɛ akɛ ebaabo Yehowa toi, ni ebaaye ekitãi kɛ ekpɔi lɛ anɔ kɛ etsui fɛɛ, kɛ ehewalɛ fɛɛ bɔ ni afee ni eye wiemɔi ni aŋmala yɛ wolo lɛ mli lɛ anɔ.

Yeremia 14:15

No hewɔ lɛ, nɔ ni mi, Yehowa, mikɛɔ yɛ gbalɔi nɛɛ ni gbaa yɛ mi migbɛi mli, tsɛbelɛ mitsuko amɛ, ni kɛ̃lɛ amɛkɛɔ akɛ, ‘Ta kɛ hɔmɔ ko baŋ shikpɔŋ lɛ nɔ,’ lɛ ahe nɛ: Ta kɛ hɔmɔ nɔŋŋ nɔ abaatsɔ̃ akpãtã gbalɔi nɛɛ ahiɛ.

Yeremia 29:32

Enɛ hewɔ lɛ, mi, Yehowa, miikɛɛ akɛ, ‘Naa, mibagbala Shemaia, Nehelamnyo lɛ, kɛ eshwiei fɛɛ atoi. Eshwiei ateŋ mɔ ko mɔ ko ehiŋ maŋbii lɛ ateŋ ni ehiŋmɛii baana ejurɔ ni mibafee miwebii lɛ. Mi Yehowa, mikɛɛ, ejaakɛ ewie wiemɔ ni baahã maŋbii lɛ atse atua awo mi Yehowa.’ ”

Yeremia 50:6

“Mimaŋbii lɛ tamɔ toi ni elaaje; amɛnɔkwɛlɔi lɛ ehã amɛdu gbɛ, amɛkpala amɛ kɛnyiɛ gɔji anɔ, amɛkɛ amɛ ejɛ gɔŋ wulu nɔ kɛtee gɔŋ bibioo nɔ, ni shĩagbɛ elaaje amɛ.

Yeremia 7:23

Shi moŋ miwo amɛ kitã akɛ, ‘Nyɛyea migbee nɔ, ni matsɔ̃ nyɛNyɔŋmɔ, ni nyɛ hu nyɛbaatsɔ̃ mimaŋ; nyɛbaa nyɛjeŋ yɛ kitãi ni miwo nyɛ lɛ anaa, bɔ ni afee ni ahi ahã nyɛ.’

Zakaria 13:3

Ni kɛji mɔ ko aaaba ekoŋŋ akɛ gbalɔ ji lɛ lɛ, etsɛ kɛ enyɛ ni fɔ lɛ tete aaakɛɛ lɛ akɛ, ‘Gbalɔ amalelɔ ji bo, ni osa gbele, ejaakɛ oomale yɛ Yehowa gbɛi mli.’ Ni kɛji ekã he eegba lolo lɛ etsɛ kɛ enyɛ ni fɔ lɛ lɛ baatsu lɛ nɔ̃, koni amɛgbe lɛ.

Bɔfoi 13:8

Shi Elima ŋkunyaayelɔ lɛ (egbɛi lɛ shishi yɛ Hela wiemɔ mli ji no) ku amɛnaa, ejaakɛ eetao ni ekpale amralo lɛ kɛjɛ hemɔkɛyeli lɛ he.

1 Korintobii 5:13

shi mɛi ni yɔɔ sɛɛ lɛ, Nyɔŋmɔ ji mɔ ni kojoɔ amɛ? Nyɛjiea mɔ fɔŋ lɛ yɛ nyɛteŋ.

5 Mose 13:10

Atswia lɛ tɛi ni egbo, ejaakɛ eetao akɛ akpala nyɛ kɛje Yehowa, nyɛNyɔŋmɔ lɛ sɛɛ, mɔ ni jie nyɛ kɛje Ijipt shikpɔŋ lɛ nɔ, he ni aye nyɛ nyɔŋ yɛ lɛ.

5 Mose 13:15

no lɛ nyɛfãa klante yɛ nakai maŋ lɛ mli bii lɛ anɔ; nyɛgbea gbɔmɛi kɛ kooloi fɛɛ.

5 Mose 13:9

shi moŋ ogbe lɛ. Bo tsutsu otswa lɛ tɛ, ni no sɛɛ lɛ maŋ muu lɛ fɛɛ atswia lɛ tɛi.

5 Mose 17:5

nyɛkɛ gbɔmɔ nɛɛ ajea kpo kɛjea maŋ lɛ mli kɛya maŋ agbo lɛ sɛɛ, nuu ni jio, yoo ni jio, koni nyɛtswia lɛ tɛi ni egbo.

5 Mose 17:7

Odasefoi lɛ tsuutsu atswa gbɔmɔ nɛɛ tɛ; ni no sɛɛ dani maŋ muu lɛ fɛɛ atswia lɛ tɛi ni egbo. Kɛtsɔ̃ nɛkɛ gbɛ nɔ lɛ nyɛbaajie nɔ fɔŋ lɛ yɛ nyɛteŋ.

5 Mose 18:20

Shi gbalɔ ni aaato lɛ diɛŋtsɛ eyiŋ ni ewie wiemɔ ko yɛ migbɛi mli, be mli ni jeee mi mifã lɛ akɛ ewie nakai wiemɔ lɛ, ja agbe lɛ; nakai nɔŋŋ gbalɔ ko ni aaawie yɛ nyɔŋmɔi krokomɛi agbɛi amli hu agbe lɛ.’

5 Mose 19:19

afee lɛ bɔ pɛpɛɛpɛ ni etao akɛ afee enyɛmi lɛ. Kɛkɛ lɛ nyɛkɛjie nɔ fɔŋ nɛɛ yɛ nyɛteŋ.

5 Mose 22:21

maŋ onukpai lɛ akpala oblayoo lɛ kɛya etsɛ agbo naa, koni maŋ lɛ mli hii atswia oblayoo lɛ tɛi ni egbo, ejaakɛ efee hiɛgbejianii yɛ Israel akɛ ele nuu dani eshi etsɛ we lɛ etee gbãlã. Kɛtsɔ̃ nɛkɛ gbɛ nɔ lɛ nyɛbaajie su fɔŋ nɛɛ kɛje nyɛteŋ.

5 Mose 22:24

nyɛkpalaa nuu lɛ kɛ yoo lɛ fɛɛ kɛyaa nakai maŋ lɛ agbo lɛ naa koni atswia amɛ tɛi yɛ jɛi ni amɛgboi. Yoo lɛ sa gbele ejaakɛ maŋ teŋ eyɔɔ, ni ebaanyɛ ebo etsɛ; shi ebooo; nuu lɛ hu sa gbele ejaakɛ efite enaanyo ŋa. Kɛtsɔ̃ nɛkɛ gbɛ nɔ lɛ nyɛbaagu su fɔŋ nɛɛ yɛ nyɛteŋ.

5 Mose 24:7

“Kɛji ana mɔ ko ni eju enyɛmi Israelnyo, ni eeye lɛ nyɔŋ aloo eyahɔ̃ɔ lɛ lɛ, agbe nakai gbɔmɔ lɛ koni akɛgu nɛkɛ nɔ fɔŋ nɛɛ yɛ nyɛteŋ.

5 Mose 26:14

Miyeko nii nɛɛ ni mijie lɛ eko yɛ mikɔmɔyeli beiaŋ lɛ, mifiteko nii lɛ eko be ni mibule mihe lɛ, mikɛ eko hu eshãko afɔle mihãko gbonyo ko. Miye Yehowa, miNyɔŋmɔ lɛ, gbee nɔ, ni mifee nɔ fɛɛ nɔ ni owo mi shi akɛ mifee lɛ.

5 Mose 4:19

Kɛji nyɛwo nyɛhiɛ nɔ kɛtee ŋwɛi ni nyɛkwɛ hulu kɛ nyɔɔŋtsere kɛ ŋulamii lɛ ni ji ŋwɛiniiaŋ nibii lɛ, nyɛkahãa amɛgbalaa nyɛ ni nyɛjaa amɛ, ni nyɛsɔmɔa amɛ, ejaakɛ Yehowa nyɛNyɔŋmɔ lɛ, saa nomɛi eto ehã maji krokomɛi lɛ koni amɛ, amɛja nomɛi.

5 Mose 6:13

Nyɛshea Yehowa, nyɛNyɔŋmɔ lɛ, gbeyei; lɛ ekoome nyɛjaa, ni lɛ pɛ egbɛi nyɛkɛkãa kitã.

5 Mose 7:4

Ejaakɛ amɛbiyei lɛ aaahã nyɛbihii lɛ akpale yɛ misɛɛ ni amɛyasɔmɔ nyɔŋmɔi krokomɛi. Enɛ baahã Yehowa mli awo nyɛ la, ni eeekpãtã nyɛhiɛ.

Yoshua 23:8

Shi moŋ nyɛkpɛtɛa Yehowa, nyɛNyɔŋmɔ lɛ, tamɔ bɔ ni nyɛfee kɛbashi ŋmɛnɛ gbi nɛɛ lɛ,

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.

Kojolɔi 20:13

No hewɔ lɛ, agbɛnɛ nyɛjiea hii, yakagbɔmɛi lɛ ni yɔɔ Gibea lɛ kɛbaa, koni wɔgbea amɛ ni wɔkɛjie nɔ fɔŋ lɛ yɛ Israel.”

1 Samuel 12:14

Kɛji nyɛaashe Yehowa gbeyei, ni nyɛaasɔmɔ lɛ, ni nyɛaaye egbee nɔ, ni nyɛtseŋ ekitã lɛ hiɛ atua, ni asaŋ nyɛ kɛ maŋtsɛ lɛ ni yeɔ nyɛnɔ lɛ fɛɛ aaanyiɛ Yehowa, nyɛNyɔŋmɔ, lɛ sɛɛ lɛ, nyɛjeŋ baaja ahã nyɛ.