5 Mose 13:4 - ŊMALƐ KRƆŊKRƆŊ LƐ

⁴ Nyɛjaa Yehowa, nyɛNyɔŋmɔ lɛ, ni nyɛshea lɛ gbeyei; nyɛyea ekitãi lɛ anɔ, ni nyɛboa lɛ toi; nyɛsɔmɔa lɛ, ni lɛ ehe nyɛkɛ nyɛhe akpɛtɛa.

Ṅmãle̱ Kroṅkroṅ Le̱

⁴ kābo ne̱ke̱ gbalo̱ lo ne̱ke̱ làlo̱ ne̱ toi; edšake̱ *ka Iehowa, nye-Nyoṅmo̱ le̱, ke̱-kaänye, koni aṅõ-le ake̱ nyemīsumo̱ Iehowa, nye-Nyoṅmo̱ le̱, ke̱ nyetšui fẽ ke̱ nyesusumai fẽ lo. *8,2.

5 Mose 13:4 ပူးပေါင်းရင်းမြစ်များ

2 Maŋtsɛmɛi 23:3

Kɛkɛ ni maŋtsɛ lɛ yadamɔ maŋtsɛmɛi ashidaamɔhe lɛ, yɛ Sɔlemɔ we lɛ, ni ekɛ Yehowa kpãŋ akɛ, ebaanyiɛ Yehowa sɛɛ, ni ebaaye emlai lɛ kɛ ekitãi lɛ kɛ ekpɔi lɛ anɔ kɛ etsui muu lɛ fɛɛ, kɛ esusuma muu lɛ fɛɛ koni eye nɛkɛ kpãŋmɔ nɛɛ mli wiemɔi ni aŋmã yɛ wolo nɛɛ mli lɛ fɛɛ nɔ. Maŋ muu lɛ fɛɛ wo shi akɛ amɛbaaye kpãŋmɔ nɛɛ nɔ.

2 Kronika 34:31

Kɛkɛ ni maŋtsɛ lɛ yadamɔ maŋtsɛ shidaamɔhe lɛ, ni ekã kitã yɛ Yehowa hiɛ akɛ ebaabo Yehowa toi, ni ebaaye ekitãi kɛ ekpɔi lɛ anɔ kɛ etsui fɛɛ, kɛ ehewalɛ fɛɛ bɔ ni afee ni eye wiemɔi ni aŋmala yɛ wolo lɛ mli lɛ anɔ.

Yeremia 7:23

Shi moŋ miwo amɛ kitã akɛ, ‘Nyɛyea migbee nɔ, ni matsɔ̃ nyɛNyɔŋmɔ, ni nyɛ hu nyɛbaatsɔ̃ mimaŋ; nyɛbaa nyɛjeŋ yɛ kitãi ni miwo nyɛ lɛ anaa, bɔ ni afee ni ahi ahã nyɛ.’

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

Luka 1:6

Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

Romabii 6:13

ni asaŋ nyɛkɛ nyɛhenii lɛ akahãa esha akɛ esha lɛ tawuunii; shi moŋ nyɛkɛ nyɛhe ahãa Nyɔŋmɔ akɛ mɛi ni hiɛ etsɛ̃ kɛjɛ gbohii ateŋ, ni nyɛkɛ nyɛhenii lɛ afea jalɛ tawuunii nyɛhãa Nyɔŋmɔ.

1 Korintobii 6:17

Shi mɔ ni kɛ ehe bɔɔ Nuŋtsɔ lɛ he lɛ, ekɛ lɛ feɔ mumɔ kome.

5 Mose 10:20

Nyɛshea Yehowa, nyɛNyɔŋmɔ lɛ, gbeyei; nyɛsɔmɔa lɛ; nyɛkpɛtɛa ehe, ni lɛ egbɛi lɛ pɛ nyɛkɛkã kitã.

5 Mose 11:1

“No hewɔ lɛ, esa akɛ nyɛsumɔ Yehowa, nyɛNyɔŋmɔ lɛ, ni nyɛye egbei kɛ ekpɔi lɛ kɛ emlai lɛ kɛ ekitãi lɛ fɛɛ nɔ daa nɛɛ.

5 Mose 30:20

Nyɛsumɔa Yehowa, nyɛNyɔŋmɔ lɛ, ni nyɛboa lɛ toi, ni nyɛkpɛtɛa lɛ. Ejaakɛ no aaahã nyɛyi ana wala ni nyɛtsɛ yɛ jeŋ koni nyɛhi shikpɔŋ lɛ ni Yehowa kã nyɛtsɛmɛi Abraham kɛ Isak kɛ Yakob he kitã akɛ ekɛaahã amɛ lɛ nɔ.”

5 Mose 6:13

Nyɛshea Yehowa, nyɛNyɔŋmɔ lɛ, gbeyei; lɛ ekoome nyɛjaa, ni lɛ pɛ egbɛi nyɛkɛkãa kitã.

5 Mose 6:5

Suɔmɔ Yehowa, wɔNyɔŋmɔ lɛ, kɛ otsui fɛɛ kɛ omumɔ fɛɛ kɛ onyɛmɔ fɛɛ.

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

2 Yohane 1:6

Ni suɔmɔ lɛ ji akɛ wɔnyiɛ yɛ ekitãi lɛ anaa; kitã lɛ ji akɛ, bɔ ni nyɛnu kɛjɛ shishijee lɛ, nyɛba nyɛjeŋ nakai.

1 Samuel 7:3

Kɛkɛ ni Samuel kɛɛ Israelbii lɛ akɛ, “Kɛji nyɛmiikpale kɛba Yehowa ŋɔɔ kɛ nyɛtsui fɛɛ lɛ, no lɛ nyɛjiea maŋsɛɛ jemawɔji lɛ kɛ Astarte amãgãi lɛ hu ni nyɛyɔɔ yɛ nyɛteŋ lɛ nyɛsherɛa nyɛshwiea koni nyɛkɛ nyɛhe ahãa Yehowa kwraa; asaŋ koni nyɛsɔmɔ ekome too; ni lɛ hu eeejie nyɛ yɛ Filistibii lɛ adɛŋ.”