5 Mose 13:3 - ŊMALƐ KRƆŊKRƆŊ LƐ

³ nyɛkaboa nakai gbalɔ lɛ loo lamɔ shishitsɔ̃ɔlɔ lɛ toi; ejaakɛ kaa Yehowa, nyɛNyɔŋmɔ lɛ, kɛkaa nyɛ lɛ. Eetao ena akɛ nyɛkɛ nyɛtsui fɛɛ kɛ nyɛmumɔ fɛɛ miisumɔ lɛ Yehowa lɛ lo.

Ṅmãle̱ Kroṅkroṅ Le̱

³ ni okadi lo nākpe̱nõ le̱ ní etšõo le̱ ba mli, ni ekē̱: Hã ní wo̱yanyie nyoṅmo̱i krokomei ní olee le̱ ase̱ ni wo̱súmo̱ame̱ le̱!

5 Mose 13:3 ပူးပေါင်းရင်းမြစ်များ

1 Maŋtsɛmɛi 13:19

No hewɔ lɛ, gbalɔ lɛ ni jɛ Yuda lɛ kɛ gbalɔ nuumo lɛ tee ni eyaye nii yɛ ewe lɛ, ni enu nii.

Lalai 119:2

Ajɔɔ mɛi ni yeɔ ekpɔi lɛ anɔ ni amɛkɛ amɛtsui muu fɛɛ taoɔ esɛɛgbɛ lɛ,

Lalai 66:10

Oo Nyɔŋmɔ, oka wɔ okwɛ; bɔ ni akaa jwiɛtɛi akwɛɔ lɛ nakai oka wɔ okwɛ.

Lalai 81:7

Nyɛhaomɔ mli lɛ, nyɛtsɛ mi, ni mihere nyɛ. Mihere nyɛ yɛ ŋwɛi shiimɔhe lɛ. Mika nyɛ mikwɛ yɛ Meriba nu lɛ he.

2 Mose 20:20

Mose kɛɛ maŋ lɛ akɛ, “Nyɛkashea gbeyei, ejaakɛ kaa Nyɔŋmɔ ba nyɛ kaa, bɔ ni afee ni lɛ egbeyeishemɔ ahi nyɛmli daa koni nyɛkafee esha.”

Yesaia 8:20

Nyɛtoa he akɛ, “Nyɛmɔa Yehowa wiemɔ lɛ kɛ ehe odaseyeli lɛ mli. Anɔkwa, nɔ ni nifeelɔi lɛ kɛɔ nyɛ lɛ, nɔ kpakpa ko ejɛŋ mli.”

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Bɔfoi 17:11

Shi mɛnɛɛmɛi asu hi fe mɛi ni yɔɔ Tesalonika lɛ, ni amɛ lɛ amɛhere wiemɔ lɛ kɛ amɛtsui fɛɛ, ni daa gbi lɛ amɛkpaa ŋmalɛi lɛ amli amɛkwɛɔ akɛ nibii nɛɛ yɛ mli nakai lo.

1 Korintobii 11:19

Ejaakɛ sa akɛ mligbalamɔi aba nyɛteŋ koni mɛi kpakpai lɛ ajie amɛhe shi faŋŋ yɛ nyɛteŋ.

2 Korintobii 8:8

Miwieee yɛ nɔnyɛɛ naa, shi moŋ mɛi krokomɛi amɔdɛŋbɔɔ mikɛkaa nyɛ hu nyɛsuɔmɔ lɛ makwɛ akɛ eyɛ krɔŋŋ lo.

Efesobii 4:14

koni wɔkakã he wɔfee abifabii ni tsɔ̃ɔmɔ fɛɛ tsɔ̃ɔmɔ hosoɔ amɛ tamɔ kɔɔyɔɔ hosoɔ nii, ni ekpalaa amɛ kɛyaa kɛbaa yɛ gbɔmɛi aŋaafɔŋtoo kɛ kutumpɔo ni akɛshishiuɔ mɛi lɛ naa.

5 Mose 6:5

Suɔmɔ Yehowa, wɔNyɔŋmɔ lɛ, kɛ otsui fɛɛ kɛ omumɔ fɛɛ kɛ onyɛmɔ fɛɛ.

5 Mose 8:16

ni ekɛ mana ni nyɛtsɛmɛi lɛ tete leee lɛ, lɛ nyɛ yɛ shiaŋa lɛ nɔ koni ehã nyɛhumi shi, ni asaŋ koni ekɛka nyɛ ekwɛ, koni naagbee mli lɛ efee nyɛ ejurɔ.

5 Mose 8:2

Nyɛkaia gbɛ ni Yehowa, nyɛNyɔŋmɔ lɛ, kɛ nyɛ tsɔ̃ nɔ lɛ fɛɛ, yɛ shiaŋa lɛ nɔ afii nyɔŋmai ejwɛ nɛɛ mli lɛ, koni ekɛhã nyɛhumi shi, ni asaŋ koni etsɔ̃ nɔ ekɛka nyɛ ekwɛ ni ekɛle nɔ ni yɔɔ nyɛtsuiiaŋ akɛ nyɛaaye ekitãi lɛ anɔ lo, aloo nyɛyeŋ nɔ.

2 Tesalonikabii 2:11

Ni enɛ hewɔ lɛ Nyɔŋmɔ tsuɔ shishiumɔ hewalɛ kɛbaa amɛŋɔɔ ni amɛhe amale amɛye,

1 Yohane 2:19

Wɔteŋ amɛjɛ amɛtee, shi kɛ̃lɛ amɛjeee wɔteŋ mɛi komɛi, ejaakɛ wɔteŋ mɛi komɛi ji amɛ kulɛ amɛ kɛ wɔ hi shi. Shi amɛtee bɔ ni afee ni amɛ jie amɛhe shi akɛ amɛ fɛɛ lɛ jeee wɔteŋ mɛi komɛi ji amɛ.

1 Yohane 4:1

Suɔmɔmɛi, nyɛkahea mumɔ fɛɛ mumɔ nyɛyea; shi moŋ nyɛkaa mumɔi lɛ nyɛkwɛa akɛ Nyɔŋmɔ mli amɛjɛ lo, ejaakɛ amalegbalɔi pii eba je lɛ mli.

1 Yohane 4:4

Mibii bibii, nyɛ lɛ nyɛjɛ Nyɔŋmɔ mli ni nyɛye amalegbalɔi lɛ anɔ kunim; ejaakɛ Mumɔ ni yɔɔ nyɛmli lɛ da fe mumɔ ni yɔɔ je lɛ mli lɛ.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kojolɔi 2:22

Mikɛ maji nɛɛ baaka Israel makwɛ akɛ amɛaajwɛŋ bɔ ni Yehowa taoɔ akɛ amɛhi shi lɛ nɔ, tamɔ bɔ ni amɛtsɛmɛi lɛ jwɛŋ nɔ lɛ lo, aloo amɛ lɛ amɛfeŋ nakai.”

1 Samuel 26:19

Taflatsɛ, minuŋtsɔ maŋtsɛ abo nɔ ni etsulɔ yɔɔ kɛɛmɔ toi fioo. Kɛji Yehowa diɛŋtsɛ ni etee bo shi ewo mi lɛ, mibashã he afɔle kɛkpa he fai. Shi kɛji gbɔmɛi adesai abii ni ehã ote shi owo mi lɛ, no lɛ Yehowa aaawo amɛ he nyɔmɔ, ejaakɛ amɛshwie mi ŋmɛnɛ akɛ mikahi Yehowa shikpɔŋ lɛ nɔ, shi moŋ miya ni miyasɔmɔ jemawɔji.