5 Mose 13:2 - ŊMALƐ KRƆŊKRƆŊ LƐ

² ni okadi lɛ loo naakpɛɛ nɔ lɛ na ba mli anɔkwaleŋ, ni no hewɔ lɛ, gbɔmɔ nɛɛ kɛɛ ‘Nyɛhãa wɔyaa ni wɔyajaa nyɔŋmɔi krokomɛi ni nyɛleee koni nyɛsɔmɔ amɛ lɛ,

Ṅmãle̱ Kroṅkroṅ Le̱

² Ke̱dši gbalo̱ lo làlo̱ ko te ši ye̱ oteṅ, ni etšõ okadi lo nākpe̱nõ ko,

5 Mose 13:2 ပူးပေါင်းရင်းမြစ်များ

1 Maŋtsɛmɛi 13:3

Ni gbalɔ lɛ to okadi yɛ nakai gbi lɛ nɔ nɔŋŋ ekɛɛ akɛ, “Enɛ ji okadi ni aaatsɔ̃ɔ akɛ Yehowa ŋɔɔ gbalɛ wiemɔ nɛɛ jɛ. Afɔleshãa latɛ nɛɛ abaawule lɛ ashwie shi, ni enɔ lamlu lɛ akɛbaashwã.”

2 Mose 22:19

“Mɔ fɛɛ mɔ ni kɛ kooloo aaawɔ lɛ esa akɛ agbe lɛ.

2 Mose 7:22

Shi Ijipt ŋkunyaayelɔi lɛ hu kɛ amɛkunyaayelɔi fee nakai nɔŋŋ. Enɛ hã Farao tee nɔ ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

Yeremia 23:32

“Naa, mi Yehowa, mikɛ gbalɔi ni gbaa amale lamɔi lɛ ena. Malemɔ ni amɛmaleɔ amɛtsɔ̃ɔ miwebii lɛ kɛ amɛyiŋ flɛflɛ lɛ hãa miwebii lɛ duɔ gbɛ. Mitsuko amɛ, ni mifãko amɛ nɛkɛ nitsumɔ hu. No hewɔ lɛ, amɛhe bɛ sɛɛnamɔ ko kwraa hã maŋ nɛɛ. Mi, Yehowa, mikɛɛ.”

Yeremia 27:9

No hewɔ lɛ, nyɛkaboa nyɛgbalɔi lɛ kɛ nyɛklalɔi lɛ kɛ nyɛlalɔi lɛ kɛ nyɛkɔmfoi lɛ kɛ nyɛkunyaayelɔi lɛ ni kɛɔ nyɛ akɛ, ‘Nyɛsɔ̃mɔŋ Babilon maŋtsɛ lɛ toi.’

Yeremia 28:9

Gbalɔ ni gbaa hejɔlɛ he gbalɛ lɛ, nɔ ni akɛleɔ akɛ Yehowa ni tsu lɛ lɛɛlɛŋ mli ji kɛji egbalɛ lɛ na eba mli anɔkwaleŋ lɛ.”

Zakaria 10:2

Nɔ ni amãgãi lɛ kɛɔ lɛ jwɛŋmɔ bɛ mli, ni klamɔfoi lɛ aninaa lɛ apasa sɔŋŋ ni. Mɛi ni tsɔ̃ɔ lamɔi ashishi lɛ maleɔ, ni amɛshɛjeɔ mɔ mii yakatswaa; no hewɔ lɛ, maŋbii lɛ kpaa shi tamɔ toi, amɛnaa nɔ, ejaakɛ amɛbɛ kwɛlɔ.

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

5 Mose 13:13

nyɛteŋ hii yakagbɔmɛi komɛi ete shi yɛ maŋ lɛ mli, ni amɛlaka maŋ lɛ mli bii, ni amɛmiija nyɔŋmɔi krokomɛi ni nyɛleee lɛ,

5 Mose 13:6

“Onyɛmi ni ji onyɛ musuŋbi, loo obinuu, loo obiyoo, loo oŋa ni kãa osɛɛ, loo oshieŋtsɛ ko ni okɛ lɛ shɛɔ hulu wɔɔ aaalaka bo akɛ ohã nyɛya ni nyɛyaja nyɔŋmɔi krokomɛi ni nyɛ loo nyɛtsɛmɛi lɛ tete leee lɛ,

5 Mose 18:20

Shi gbalɔ ni aaato lɛ diɛŋtsɛ eyiŋ ni ewie wiemɔ ko yɛ migbɛi mli, be mli ni jeee mi mifã lɛ akɛ ewie nakai wiemɔ lɛ, ja agbe lɛ; nakai nɔŋŋ gbalɔ ko ni aaawie yɛ nyɔŋmɔi krokomɛi agbɛi amli hu agbe lɛ.’

5 Mose 18:22

Nyɛnaa nyɛlea akɛ kɛji gbalɔ ko wie yɛ Yehowa gbɛi mli, ni gbalɛ lɛ baaa mli loo ebɛ mli lɛ, no tsɔ̃ɔ akɛ jeee Yehowa dɛŋ nakai wiemɔ lɛ jɛ. Gbalɔ lɛ diɛŋtsɛ ni to eyiŋ ni ewie, ni no hewɔ lɛ, kaashe nakai gbalɔ lɛ gbeyei.”