5 Mose 13:10 - ŊMALƐ KRƆŊKRƆŊ LƐ

¹⁰ Atswia lɛ tɛi ni egbo, ejaakɛ eetao akɛ akpala nyɛ kɛje Yehowa, nyɛNyɔŋmɔ lɛ sɛɛ, mɔ ni jie nyɛ kɛje Ijipt shikpɔŋ lɛ nɔ, he ni aye nyɛ nyɔŋ yɛ lɛ.

Ṅmãle̱ Kroṅkroṅ Le̱

¹⁰ ši moṅ gbēle̱; bo tšutšu onine asa ehe ni ágbele̱, ni no se̱ dãni maṅ mũ le̱ fẽ nine asa ehe; 17,7.

5 Mose 13:10 ပူးပေါင်းရင်းမြစ်များ

2 Maŋtsɛmɛi 11:18

Kɛkɛ ni maŋbii lɛ fɛɛ yiŋ ni amɛyabote Baal we lɛ, ni amɛkumɔ Baal we lɛ amɛshwie shi. Baal afɔleshãa latɛi lɛ kɛ emãgãi lɛ amɛkumɔ amɛ dukuduku; ni Mattan, ni ji Baal osɔfo lɛ, amɛgbe lɛ yɛ afɔleshãa latɛ lɛ hiɛ. Kɛkɛ ni osɔfo Yehoiada to gbɛjianɔ ni bulɔi abu Yehowa we lɛ he.

2 Kronika 24:21

Maŋbii lɛ tee Zakaria yinɔ apam moŋ, ni yɛ maŋtsɛ lɛ fãmɔ naa lɛ amɛtswia lɛ tɛi yɛ Yehowa We lɛ kpo lɛ nɔ.

2 Mose 20:2

“Mi ji Yehowa, oNyɔŋmɔ lɛ, ni mi mijie bo yɛ nyɔŋyeli mli kɛjɛ Ijipt shikpɔŋ lɛ nɔ lɛ.

2 Mose 32:27

Ni Mose kɛɛ Levibii lɛ akɛ, “Nɔ ni Yehowa, Israel Nyɔŋmɔ lɛ, kɛɛ nɛ, ‘Nuu fɛɛ nuu akɔ eklante eŋmɔ, ni nyɛnyiɛa maŋ lɛ mli fɛɛ, kɛjɛ agbonaa kɛya agbonaa, ni mɔ fɛɛ mɔ agbe enyɛmi, mɔ fɛɛ mɔ agbe enaanyo, ni mɔ fɛɛ mɔ agbe ehe gbɔmɔ.’ ”

3 Mose 20:2

ni ekɛɛ Israelbii lɛ akɛ, “Mɔ fɛɛ mɔ ni ji Israelnyo loo gbɔ ni ebato gbɔ yɛ Israel shikpɔŋ lɛ nɔ ni ekɛ ebii lɛ eko aaahã ni akɛja Molek lɛ, agbe lɛ; shikpɔŋ lɛ nɔ bii lɛ atswia lɛ tɛ.

3 Mose 20:27

“Nyɛteŋ nuu loo yoo ni aaayabi nii yɛ sisa ŋɔɔ lɛ, atswia lɛ tɛ ni egbo. Mɔ fɛɛ mɔ ni feɔ enɛ lɛ egbele sɔ̃ atere lɛ diɛŋtsɛ.”

3 Mose 24:23

Be ni Mose kɛ Israelbii lɛ ewie egbe naa lɛ, maŋbii lɛ mɔ oblanyo lɛ ni lomɔ lɛ kɛje amɛshitoohe lɛ mli kɛtee esɛɛ, ni ayatswia lɛ tɛ yɛ jɛi ni egbo. Belɛ kɛtsɔ̃ nɛkɛ gbɛ nɔ lɛ Israelbii lɛ fee nɔ ni Yehowa fã Mose akɛ afee lɛ.

5 Mose 13:5

Shi nakai gbalɔ lɛ loo mɔ ni laa lamɔi lɛ agbe lɛ. Ejaakɛ eetsɔ̃ɔ nyɛ akɛ nyɛtse Yehowa, nyɛNyɔŋmɔ lɛ, mɔ ni jie nyɛ yɛ Ijipt shikpɔŋ lɛ nɔ ni ekpɔ̃ nyɛ yɛ nyɔŋyeli mli lɛ, hiɛ̃ atua. Eetao akɛ nyɛkahi shi bɔ ni Yehowa, nyɛNyɔŋmɔ lɛ, ewo nyɛ kitã akɛ nyɛfee lɛ. No hewɔ lɛ, esa akɛ nyɛgbe lɛ koni nyɛjie nakai su fɔŋ lɛ yɛ nyɛteŋ.’

5 Mose 17:5

nyɛkɛ gbɔmɔ nɛɛ ajea kpo kɛjea maŋ lɛ mli kɛya maŋ agbo lɛ sɛɛ, nuu ni jio, yoo ni jio, koni nyɛtswia lɛ tɛi ni egbo.

5 Mose 17:7

Odasefoi lɛ tsuutsu atswa gbɔmɔ nɛɛ tɛ; ni no sɛɛ dani maŋ muu lɛ fɛɛ atswia lɛ tɛi ni egbo. Kɛtsɔ̃ nɛkɛ gbɛ nɔ lɛ nyɛbaajie nɔ fɔŋ lɛ yɛ nyɛteŋ.

5 Mose 21:21

Maŋ lɛ mli hii fɛɛ atswia lɛ tɛi koni egbo bɔ ni afee ni akɛjie su fɔŋ lɛ yɛ nyɛteŋ. Israel fɛɛ baanu nɔ ni ba lɛ, ni amɛbaashe gbeyei.”

5 Mose 4:19

Kɛji nyɛwo nyɛhiɛ nɔ kɛtee ŋwɛi ni nyɛkwɛ hulu kɛ nyɔɔŋtsere kɛ ŋulamii lɛ ni ji ŋwɛiniiaŋ nibii lɛ, nyɛkahãa amɛgbalaa nyɛ ni nyɛjaa amɛ, ni nyɛsɔmɔa amɛ, ejaakɛ Yehowa nyɛNyɔŋmɔ lɛ, saa nomɛi eto ehã maji krokomɛi lɛ koni amɛ, amɛja nomɛi.

Yoshua 7:25

Be ni ayashɛ jɛi lɛ Yoshua kɛɛ Akan akɛ, “Mɛɛba ni ogba wɔnaa nɛkɛ? Yehowa hu baahao bo ŋmɛnɛ.” Kɛkɛ ni Israel muu lɛ fɛɛ tswia Akan tɛ, ni ama enaa la ni ashã lɛ.