5 Mose 12:7 - ŊMALƐ KRƆŊKRƆŊ LƐ

⁷ Nyɛyea nii lɛ yɛ Yehowa, nyɛNyɔŋmɔ lɛ hiɛ yɛ jɛi, koni nyɛ kɛ nyɛshĩaŋbii fɛɛ amii ashɛ nyɛhe yɛ nyɛninenaa nitsumɔ nii ni Yehowa, nyɛNyɔŋmɔ lɛ, ejɔɔ nɔ lɛ hewɔ.

Ṅmãle̱ Kroṅkroṅ Le̱

⁷ Ni nyeye ye̱ dše̱i ye̱ Iehowa, nye-Nyoṅmo̱ le̱, hĩe, ni nyeke̱ nyewei fẽ amī aše̱ nii fẽ ni nyeke̱ nyenidši etăra he le̱ ní Iehowa, nye-Nyoṅmo̱ le̱, edšō̱nye ye̱ mli le̱ he.

5 Mose 12:7 ပူးပေါင်းရင်းမြစ်များ

1 Kronika 29:22

Nakai gbi lɛ Israelbii lɛ yeyee nii ni amɛnunuu dãi yɛ Yehowa hiɛ kɛ nyamɔ babaoo. Amɛsaa amɛwo Solomon, David bi lɛ, maŋtsɛ nɔ ni ji shii enyɔ nɔ. Amɛfɔ lɛ mu yɛ Yehowa gbɛi mli akɛ lumɔ kɛ Zadok hu akɛ osɔfo.

Nehemia 8:9

Kɛkɛ ni Nehemia ni ji amralo lɛ kɛ Osɔfo Ezra ni ji woloŋmalɔ lɛ kɛ Levibii ni tsɔ̃ɔ maŋ lɛ nii lɛ kɛɛ maŋ muu lɛ fɛɛ akɛ, “Ŋmɛnɛ gbi nɛɛ gbi krɔŋkrɔŋ ni hã Yehowa, nyɛNyɔŋmɔ lɛ. No hewɔ lɛ, nyɛkayea ŋkɔmɔ, ni nyɛkafoa hu!” Amɛkɛɛ maŋ lɛ nɛkɛ, ejaakɛ be ni maŋ lɛ nu Mla lɛ mli wiemɔi lɛ, amɛ fɛɛ amɛfo.

Jajelɔ 3:12

No hewɔ lɛ, mina akɛ nɔ ko nɔ ko bɛ ni hi hã gbɔmɛi, beiaŋ ni amɛyɔɔ wala mli, fe akɛ amɛmii ashɛ amɛhe, ni amɛye jeŋ ŋɔɔmɔ lɛ eko, ni amɛshwɛ amɛyinɔ;

Jajelɔ 3:13

asaŋ akɛ Nyɔŋmɔ dɛŋ jɔɔmɔ ji akɛ mɔ fɛɛ mɔ aye, ni enu, ni ena deŋme ni egboɔ lɛ he miishɛɛ.

Jajelɔ 5:18

Naa, nɔ ni mikpa shi mina akɛ ehi, ni esa hã gbɔmɔ adesa feemɔ ji akɛ eye, ni enu; ni deŋme fɛɛ ni egboɔ yɛ ewala kukuoo ni Nyɔŋmɔ ehã lɛ yɛ je nɛɛ mli lɛ, eye emli ŋɔɔmɔ koni ena miishɛɛ, ejaakɛ no ji egbɛfaŋ nɔ.

Yesaia 23:18

Tiro baajɔɔ ejarayeli mli nii kɛ apaa ni abaabɔ lɛ mli nii hu nɔ ehã Yehowa. Atĩaŋ esɛɛnamɔ lɛ naa amaŋ shi, shi ejarayeli lɛ mli nii baahã ana niyenii babaoo kɛ mamai fɛɛfɛji ahã mɛi ni sɔmɔɔ Yehowa lɛ.

Yesaia 62:9

shi mɛi ni buaa naa woɔ aboŋo mli lɛ, amɛ amɛaaye, ni amɛaajie Yehowa yi; ni mɛi ni buaa wainyibii lɛ anaa kɛbaa shĩa lɛ, amɛ amɛaanu wain lɛ, yɛ mihe krɔŋkrɔŋ lɛ kpoi lɛ anɔ.”

Ezekiel 44:3

Lumɔ lɛ pɛ ji mɔ ni aaanyɛ ayata jɛi eyaye aboloo yɛ Yehowa hiɛ. Lɛ pɛ etsɔ̃ agbo lɛ koishi gbɛ lɛ kɛbote mli ni etsɔ̃ jɛi nɔŋŋ kɛje kpo.”

Yoel 1:16

Bɛ wɔhiŋmɛi kã nɔ nɛkɛ nɔŋŋ ni akpãtãa wɔniyenii hiɛ, ni nyamɔ kɛ mliflimɔ hu sɛɛ efo yɛ Nyɔŋmɔ We lɛ?

Yoel 2:26

Agbɛnɛ nyɛaana nii pii nyɛaaye nyɛaatɔrɔ. Nyɛaajie Yehowa, nyɛNyɔŋmɔ lɛ, gbɛi lɛ yi, ejaakɛ etsu naakpɛɛ nii ehã nyɛ. Agbeŋ mimaŋ lɛ he guɔ dɔŋŋ.

3 Mose 23:40

Gbi nɛɛ nɔ lɛ nyɛhiɛa nyɛtsei anɔ aduawai kpakpai fɛɛfɛji kɛ tɛŋ bɛlɛo kɛ tsei flofloi aniji kɛ faa naa ŋɔi kɛbaa koni nyɛbanyaa yɛ Yehowa, nyɛNyɔŋmɔ lɛ, hiɛ gbii kpawo.

Maleaki 2:13

Asaŋ nɔ ni ji enyɔ hu ni nyɛfeɔ nɛ. Nyɛwoɔ yara ni nyɛdɔmɔɔ ŋtsɔi, ni nyɛkɛ nyɛyaafonu fɔɔ Yehowa afɔleshãa latɛ lɛ, ejaakɛ nyɛfɔleshãa nibii lɛ esaaa Yehowa hiɛ dɔŋŋ aahu po ni eeemɔ mli kɛ tsuijurɔ yɛ nyɛdɛŋ.

Bɔfoi 2:46

Ni daa gbi lɛ amɛkɛ jwɛŋmɔ kome yaa Sɔlemɔ we lɛ, ni amɛkumɔkumɔɔ aboloo yɛ shĩai, ni amɛkɛ miishɛɛ kɛ tsui krɔŋŋ yeɔ nii,

5 Mose 12:12

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii hu ni yɔɔ nyɛmaji lɛ amli lɛ. Ejaakɛ amɛ lɛ agbaŋ shikpɔŋ lɛ eko ahaŋ amɛ yɛ nyɛteŋ.

5 Mose 12:18

He pɛ ni nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli lɛ aye afɔlei lɛ yɛ kɛkɛ ji Yehowa hiɛ, yɛ he ni lɛ Yehowa, nyɛNyɔŋmɔ lɛ, diɛŋtsɛ eŋɔ akɛ aja lɛ yɛ lɛ. Nyɛmii ashɛa nyɛhe yɛ Yehowa nyɛNyɔŋmɔ lɛ hiɛ, yɛ nitsumɔ fɛɛ nitsumɔ ni nyɛaatsu lɛ hewɔ.

5 Mose 12:8

“Kɛji nakai be lɛ shɛ lɛ, nyɛkafea tamɔ wɔfeɔ yɛ biɛ ŋmɛnɛ nɛɛ lɛ; bɔ ni mɔ fɛɛ mɔ feɔ nɔ ni sa ehiɛ lɛ,

5 Mose 14:23

ni nyɛkɛyaa he koome ni Yehowa diɛŋtsɛ eŋɔ akɛ jɛi aja lɛ yɛ lɛ. Nyɛyayea nyɛtoi kɛ nyɛtsinai akromɔbii kɛ nyɛbele kɛ nyɛmu ni nyɛnu nyɛwain mli mlijaa nyɔŋma mli ekomekomei lɛ yɛ Yehowa, nyɛNyɔŋmɔ lɛ, hiɛ, koni nyɛkɛkase Yehowa, nyɛNyɔŋmɔ lɛ, gbeyeishemɔ nyɛwala gbii abɔ fɛɛ.

5 Mose 14:26

Okɛ shika nɛɛ ahe nɔ fɛɛ nɔ ni baa otsine, too loo jio, tsina loo jio, wain jio, dãa ni wa jio, koni bo kɛ owe lɛ fɛɛ aye yɛ Yehowa, nyɛNyɔŋmɔ lɛ, hiɛ yɛ jɛi ni nyɛmii ashɛ nyɛhe.

5 Mose 15:20

Nyɛ kɛ nyɛwekui kɛ nyɛwebii baaya he ni Yehowa nyɛNyɔŋmɔ lɛ, eŋɔ akɛ jɛi aja lɛ yɛ lɛ daa afi koni nyɛyagbe kooloi nɛɛ yɛ jɛi, ni nyɛye yɛ Yehowa hiɛ.

5 Mose 26:11

Onya nibii kpakpai fɛɛ ni Yehowa, oNyɔŋmɔ lɛ, eduro bo lɛ he, bo kɛ owe lɛ mli bii kɛ Levibii kɛ gbɔi ni kɛ bo yɔɔ lɛ.

5 Mose 27:7

Nyɛshãa shidaa afɔlei lɛ hu yɛ jɛi, ni nyɛyea nii yɛ jɛi koni nyɛnyaa yɛ Yehowa, nyɛNyɔŋmɔ lɛ, hiɛ.

5 Mose 28:47

“Ejaakɛ yɛ nii ni Yehowa jɔɔmɔ hã ona babaoo lɛ fɛɛ sɛɛ lɛ, okɛ miishɛɛ kɛ tsuijurɔ jaaa Yehowa, oNyɔŋmɔ lɛ.

Filipibii 4:4

Nyɛmii ashɛa yɛ Nuŋtsɔ lɛ mli daa! Miikɛɛ ekoŋŋ! Nyɛmii ashɛa!