5 Mose 12:6 - ŊMALƐ KRƆŊKRƆŊ LƐ

⁶ Nyɛkɛ kooloi ni agbeɔ akɛ afɔle kɛ afɔlei ni ashãa lɛ kɛ ekrokomɛi lɛ, nyɛnibii amlijai nyɔŋma mli ekomekome lɛ kɛ nyɛniyenii afɔlei lɛ kɛ nyɛshiwoo afɔlei lɛ kɛ nyɛtsuijurɔ naa nikeenii lɛ kɛ nyɛtoi kɛ nyɛtsinai akromɔbii lɛ, ayaa jɛi.

Ṅmãle̱ Kroṅkroṅ Le̱

⁶ ni dše̱i noṅṅ nyeke̱ nyešā̃-afo̱lei le̱ ke̱ nyegbē-afo̱lei le̱ ke̱ nyenibii amlidšāi nyoṅma mli ekomekome le̱ ke̱ nyeno̱wómo̱-afo̱lei le̱ ke̱ nyešiwōnii le̱ ke̱ nyetšuidšŭrõnā-nikẽnii le̱ ke̱ nyetšinai ke̱ nyetōi akromo̱bii le̱ ayaä.

5 Mose 12:6 ပူးပေါင်းရင်းမြစ်များ

2 Kronika 31:14

Kore ni ji Imna, Levinyo onukpa ni kwɛɔ Bokãgbɛ Agbo lɛ nɔ lɛ, bi lɛ ji mɔ ni ato akɛ ehe nibii ni abakeɔ Nyɔŋmɔ yɛ tsuijurɔ naa lɛ; asaŋ ejie nikee nɛɛ mli nii ni ji krɔŋkrɔŋ fe fɛɛ ni ji tuuŋtu gbɛfaŋ nii lɛ yɛ afɔlei lɛ amli eto afã.

2 Kronika 7:12

Yehowa jie ehe kpo etsɔ̃ɔ lɛ gbi ko nyɔɔŋ. Yehowa kɛɛ Solomon akɛ, “Minu osɔlemɔ lɛ, ni miŋɔ Sɔlemɔtsu nɛɛ akɛ he ni ashã afɔle yɛ akɛhã mi.

Ezra 3:2

Kɛkɛ ni Yeshua, Yehozadak bi lɛ, kɛ enanemɛi osɔfoi lɛ kɛ Zerubabel, Shealtiel bi lɛ, kɛ ewekumɛi kɛ nitsumɔ wo mli, ni amɛma Israel Nyɔŋmɔ lɛ afɔleshãa latɛ lɛ koni amɛshã shãa afɔlei yɛ nɔ, tamɔ bɔ ni aŋma yɛ Nyɔŋmɔ Gbɔmɔ Mose Mla lɛ mli lɛ.

Nehemia 10:36

Tamɔ bɔ ni aŋmã yɛ Mla lɛ mli lɛ, wɔkɛ wɔkromɔbihii kɛ wɔkooloi akromɔbii hu kɛ wɔtsinai akromɔbii kɛ wɔtoi akromɔbii aaaba wɔNyɔŋmɔ lɛ we lɛ wɔkɛbahã osɔfoi lɛ ni sɔ̃mɔɔ yɛ jɛi lɛ.

Nehemia 10:39

Ejaakɛ esa akɛ Israelbii lɛ kɛ Levibii lɛ kɛ abele kɛ wain hee kɛ mu lɛ aya ayawo nitoohe lɛ mli he ni he krɔŋkrɔŋ lɛ nibii lɛ kɛ osɔfoi lɛ ni sɔ̃mɔɔ lɛ kɛ agbonaakwɛlɔi lɛ kɛ lalatsɛmɛi lɛ yɔɔ lɛ. Wɔŋmɛŋ wɔNyɔŋmɔ lɛ we lɛ he nitsumɔ lɛ he wɔfɔŋ shi dɔŋŋ.

Lalai 116:17

Mashã shidaa afɔle mahã bo, ni maja Yehowa.

Ezekiel 20:40

Nuŋtsɔ Yehowa kɛɛ, “Shi migɔŋ krɔŋkrɔŋ lɛ, ni ji Israel Gɔŋ ni kwɔ lɛ nɔ lɛ, jɛi Israel we lɛ fɛɛ ni yɔɔ shikpɔŋ lɛ nɔ lɛ aaasɔmɔ mi yɛ; mana amɛhe tsui yɛ jɛi, ni mabi nyɛfɔlei lɛ kɛ nyɛnikeenii kpakpai lɛ kɛ nyɛkeenii krɔŋkrɔŋi lɛ fɛɛ shi.

3 Mose 1:3

Kɛji tsina ekɛbaa afɔleshãa lɛ, ehiɛ tsinanuu ni kpa ko bɛ ehe ebahã. Ekɛ kooloo lɛ aba Kpee Buu lɛ shinaa lɛ naa koni Yehowa ahe efɔle lɛ.

Maleaki 3:10

Nyɛkɛ mlijaa nyɔŋma mli ekomekome lɛ fɛɛ abaa nitoohe lɛ koni niyenii ahi miwe lɛ! Nyɛkɛ enɛ akaa mi nyɛkwɛa akɛ migbeleŋ ŋwɛi samfɛji lɛ, ni mifɔseŋ jɔɔmɔ mishwieŋ nyɛnɔ ni ateke nɔ lo?

Maleaki 3:8

Shi nɔ ni mibiɔ nyɛ ji akɛ, aso eja gbɛ akɛ gbɔmɔ adesa ashishiu Nyɔŋmɔ lo? Dabida! Shi nyɛ lɛ, nyɛmiishishiu mi. Nyɛaabi akɛ, ‘Yɛ mɛni mli?’ Yɛ nibii amlijaa nyɔŋma mli ekomekome lɛ kɛ afɔlei ni nyɛkɛbahãa lɛ mli.

Luka 11:42

Shi kpoo hã nyɛ, Farisifoi, akɛ nyɛhãa kowɛ kɛ shwie kɛ bai srɔtoi fɛɛ mlijaa nyɔŋmanyɔŋma, ni nyɛshiɔ jalɛ saneyeli kɛ suɔmɔ ni akɛsumɔɔ Nyɔŋmɔ lɛ! Kulɛ esa akɛ nyɛfeɔ enɛɛmɛi hu nyɛkɛshiɔ ekrokomɛi lɛ anɔ.

Luka 18:12

mihiɔ ŋmaa shii enyɔ yɛ otsi mli, miŋɔɔ nibii fɛɛ ni minaa lɛ mlijaa nyɔŋma mihãa.’

5 Mose 12:17

Nii ni nyɛkɛmiishã afɔle lɛ, nyɛkayea eko yɛ nyɛmaji lɛ eko kwraa mli. Nyɛbele jio, nyɛwain jio, nyɛmu mlijaa nyɔŋma mli ekomekome lɛ jio, nyɛtoi loo nyɛtsinai akromɔbii lɛ jio, nii ni nyɛkɛwo shi lɛ jio, nyɛtsuijurɔnaa nikeenii lɛ jio, niyenii afɔlei lɛ jio nyɛkayea yɛ nyɛmaji amli.

5 Mose 26:2

okɛ klɛŋklɛŋnii ni obaakpa, yɛ oŋmɔ mli yɛ shikpɔŋ ni Yehowa eŋɔ ehã bo lɛ nɔ lɛ, eko awo kɛntɛŋ mli koni okɛya he koome ni Yehowa, oNyɔŋmɔ lɛ, eŋɔ akɛ jɛi aja lɛ yɛ lɛ.

Yoshua 22:27

shi moŋ koni eye he odase yɛ wɔ kɛ nyɛ teŋ, asaŋ kɛ wɔshwiei kɛ nyɛ hu nyɛshwiei ateŋ akɛ wɔshãa shãa afɔlei kɛ gbee afɔlei kɛ shidaa afɔlei wɔkɛsɔ̃mɔɔ Yehowa kɛji wɔmiija lɛ yɛ Shihilɛhe Krɔŋkrɔŋ lɛ hiɛ.’ No baahã wɔsɛɛ ko lɛ nyɛbii ebakɛŋ wɔbii akɛ, ‘Nyɛkɔɔɔ Yehowa he nɔ ko.’

1 Samuel 1:21

Be ni afi shɛ lɛ, Elkana kɛ eŋa kɛ ebii lɛ tee koni amɛyashã daa afi naakplɔ afɔle yɛ shi krɛdɛɛ ni ewo lɛ hewɔ.

1 Samuel 1:24

Be ni Hana tse gbekɛ lɛ fufɔ lɛ sɛɛ lɛ, ekɛ gbekɛ lɛ tee Yehowa we lɛ yɛ Shilo, ni ehiɛ edɛŋ tsinanuu ni eye afii etɛ̃ kɛ ŋmaa mamu kiloi nyɔŋma kɛ wain tɔ kome. Nakai be mli tete lɛ Samuel edako.