5 Mose 12:3 - ŊMALƐ KRƆŊKRƆŊ LƐ

³ Nyɛkumɔa amɛfɔleshãa latɛi lɛ kɛ shiui ni amɛkɛ tɛi emamɔ lɛ nyɛshwiea; ni amɛ, Ashera, wɔŋ koi lɛ nyɛshãa; amɛtso amãgãi lɛ nyɛfolɔa mli nyɛshwiea shi, koni akaja amɛ yɛ hei nɛɛ dɔŋŋ kɛjɛ kɛyaa nɛɛ.

Ṅmãle̱ Kroṅkroṅ Le̱

³ ni ame̱fo̱lešãlate̱i nyekũmo̱a, ni ame̱te̱i ní ame̱mãmo̱ le̱ nyedſãraä, ni ame̱-wo̱ṅ-kōi le̱ nyeke̱ la ašãa, ni ame̱nyoṅmo̱i le̱ amãgãi le̱ nyeflo̱a mli nyeſiea, ni nyekpãtã ame̱gbe̱i le̱ ahĩe ke̱-dše̱ dše̱i.

5 Mose 12:3 ပူးပေါင်းရင်းမြစ်များ

1 Maŋtsɛmɛi 14:15

Yehowa aaatswia Israel nii, tamɔ ahosoɔ glã yɛ faa mli lɛ, ni eeefã Israel kɛjɛ nɛkɛ shikpɔŋ kpakpa ni ekɛhã etsɛmɛi lɛ nɔ. Yehowa baagbɛ amɛ eshwã Eufrate Faa lɛ sɛɛ; ejaakɛ amɛfee Ashera wɔŋ lɛ amãgãi, ni amɛkɛwo Yehowa mli la.

1 Maŋtsɛmɛi 15:13

Asa kpa enyɛ Maaka tete maŋnyɛyeli; ejaakɛ enyɛ nɛɛ fee Ashera amãgã ko ni eji nihii nii. Asa folɔ tso amãgã lɛ mli, ni eyashã yɛ Kidron jɔɔ lɛ mli.

2 Maŋtsɛmɛi 11:18

Kɛkɛ ni maŋbii lɛ fɛɛ yiŋ ni amɛyabote Baal we lɛ, ni amɛkumɔ Baal we lɛ amɛshwie shi. Baal afɔleshãa latɛi lɛ kɛ emãgãi lɛ amɛkumɔ amɛ dukuduku; ni Mattan, ni ji Baal osɔfo lɛ, amɛgbe lɛ yɛ afɔleshãa latɛ lɛ hiɛ. Kɛkɛ ni osɔfo Yehoiada to gbɛjianɔ ni bulɔi abu Yehowa we lɛ he.

2 Maŋtsɛmɛi 18:4

Lɛ efite hei grɔŋŋi lɛ, ni ekumɔ amãgãi lɛ, ni egba Ashera wɔŋkoo lɛ. Ni ekumɔ akɔɔble onufu ni Mose fee lɛ, ejaakɛ kɛbashi nakai gbii lɛ anɔ lɛ, Israelbii lɛ shãa tsofakɛŋma amɛhãa onufu lɛ, ni atsɛɔ lɛ Nehushtan.

2 Maŋtsɛmɛi 23:14

Maŋtsɛ Yosia kumɔ amãgãi lɛ, ni egba Ashera wɔŋkoi lɛ eshwie shi, ni ekɛ gbɔmɛi awui shwã jɛi.

2 Kronika 14:2

Asa jeŋba sa Yehowa eNyɔŋmɔ lɛ hiɛ ejaakɛ efee nɔ ni hi kɛ nɔ ni ja hu.

2 Kronika 14:3

Egu maŋsɛɛ jemawɔji lɛ ajamɔhei lɛ hu, asaŋ ekumɔ shiui ni amãmɔ lɛ, ni efolɔ Ashera jemawɔŋ lɛ atsei lɛ eshwie shi.

2 Kronika 19:3

Shi ana nibii kpakpai komɛi kɛ̃ yɛ ohe. Eko ji jemawɔŋ Ashera lɛ amãgãi ni okumɔ yɛ shikpɔŋ lɛ nɔ fɛɛ lɛ. Eko hu ji akɛ oto oyiŋ akɛ okɛ otsui fɛɛ baasɔ̃mɔ Nyɔŋmɔ lɛ.”

2 Kronika 31:1

Be ni agbe gbijurɔ lɛ yeli naa lɛ, Israelbii fɛɛ ni baye gbijurɔ lɛ teetee Yuda kɛ Benyamin maji lɛ amli, ni amɛyakumɔ jemawɔji amãgãi lɛ fɛɛ, ni amɛgba Asherim jemawɔŋ lɛ koi lɛ fɛɛ, ni amɛfitefitee hei grɔŋgrɔŋŋ ni ajaa jemawɔji yɛ lɛ fɛɛ, kɛ afɔleshãa latɛi fɛɛ ni yɔɔ jɛi lɛ hu. Amɛyafite nibii nɛɛ ahenɔi fɛɛ ni yɔɔ Efraim kɛ Manase hu fɛɛ kɛyashi eshwɛɛɛ ekome folo. Kɛkɛ ni Israelbii lɛ fɛɛ hu ku amɛsɛɛ kɛtee amɛkutsei ashikpɔji lɛ anɔ, ni mɔ fɛɛ mɔ tee ewe.

2 Kronika 34:3

Yosia maŋtsɛyeli afi ni ji kpaanyɔ lɛ nɔ, be ni edako beebe lɛ, ebɔi eseshinyo David Nyɔŋmɔ lɛ jamɔ kɛ esɛɛgbɛ taomɔ. Be ni ena afii nyɔŋma kɛ enyɔ yɛ sɛi lɛ nɔ lɛ, Yosia bɔi jemawɔji ajamɔhei lɛ kɛ Ashera jemawɔŋ lɛ wɔŋ koi lɛ kɛ amãgãi krokomɛi lɛ fɛɛ fitemɔ, koni ekɛtsuu Yuda kɛ Yerusalɛm he.

Lalai 16:4

Shi mɛi ni yanyiɛɔ nyɔŋmɔ kroko sɛɛ lɛ, amɛhaomɔi faa. Mifɔseŋ lá ni amɛkɛba afɔleshãa lɛ mishwieŋ shi akɛ afɔle; ni mikɛ minaabu etsiŋ amɛgbɛii atã tete.

2 Mose 23:13

“Nibii fɛɛ ni mikɛɛ nyɛ lɛ nyɛyea nɔ. Nyɛkatsĩa nyɔŋmɔi krokomɛi agbɛii ata, akanu yɛ nyɛnaa tete.”

2 Mose 23:24

Nyɛkajaa ni nyɛkasɔ̃mɔa amɛnyɔŋmɔi lɛ, asaŋ nyɛkakasea gbɔmɛi nɛɛ anifeemɔ nii hu, shi moŋ nyɛbutua amɛnyɔŋmɔi lɛ, ni nyɛkumɔa amɛshiui lɛ butubutu nyɛshwiea shi.

2 Mose 34:13

Shi moŋ nyɛkumɔa amɛfɔleshãa latɛi lɛ kɛ amɛmãgãi lɛ, ni nyɛfitea amɛkrabatsai lɛ, ni nyɛfolɔa amɛ-Ashera lɛ wɔŋ koo lɛ nyɛshwiea.

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Yeremia 17:2

Amɛbii lɛ kaiɔ amɛfɔleshãa latɛi lɛ kɛ amɛnyɔŋmɔ Ashera lɛ amãgãi ni yɔɔ tsei ni ebu kusukusuu ashishi kɛ gɔŋkpɔi anɔ,

Hosea 2:17

Ejaakɛ mibakɔ jemawɔji Baali lɛ agbɛii yɛ edaaŋ; ni etsiŋ amɛtã tete po dɔŋŋ.

Mika 5:14

Wɔŋyoo Ashera wɔŋkoi ni yɔɔ shikpɔŋ lɛ nɔ lɛ, makwao mashwie shi, ni mafite omaji lɛ.

Zakaria 13:2

Yehowa, Taiatsɛ lɛ tee nɔ ekɛɛ akɛ, “Nakai gbi lɛ nɔ lɛ mibagbe wɔji lɛ agbɛii kwraa yɛ shikpɔŋ lɛ nɔ, bɔ ni afee ni akakai amɛ dɔŋŋ; nakai nɔŋŋ majie gbalɔi lɛ kɛ mumɔi ni ahe tseee lɛ hu kɛje shikpɔŋ lɛ nɔ.

4 Mose 33:52

nyɛshwiea shikpɔŋ lɛ nɔ bii lɛ fɛɛ yɛ nɔ; ni nyɛkpãtãa amɛtɛ shiui lɛ fɛɛ kɛ amɛmãgãi ni ashwie lɛ hu fɛɛ ahiɛ; asaŋ nyɛfitea hei ni amɛjaa amɛwɔji lɛ yɛ lɛ fɛɛ hu.

5 Mose 12:4

“Shi bɔ ni amɛjaa amɛnyɔŋmɔi lɛ jeee nakai nyɛbaaja Yehowa, nyɛNyɔŋmɔ lɛ, yɛ he fɛɛ he kɛkɛ.

5 Mose 7:25

Nyɛmamɔa amɛnyɔŋmɔi ni ji amãgãi lɛ anaa la nyɛshãa. Nyɛhiɛ akakɔ̃a jwiɛtɛi loo shika ni yɔɔ nibii nɛɛ ahe lɛ anɔ ni nyɛŋɔ eko nyɛhã nyɛhe, koni no akafee kaa miihã nyɛ, ejaakɛ musu nii ni hã Yehowa, nyɛNyɔŋmɔ lɛ.

5 Mose 7:5

Bɔ ni nyɛkɛ amɛ aye ahã moŋ nɛ: amɛfɔleshãa latɛi lɛ nyɛkumɔa, ni amɛshiui ni amɛmamɔ lɛ nyɛjwaraa, ni amɛwɔŋkoi lɛ nyɛgbaa nyɛshwiea shi, ni amɛmãgãi lɛ nyɛmamɔa amɛnaa la nyɛshãa.

Kpojiemɔ 13:1

Ni mina kooloo ko miije kpo kɛmiijɛ ŋshɔ lɛ mli kɛmiiba kɛ eklontoi nyɔŋma kɛ eyitsei kpawo, ni maŋtsɛ faii nyɔŋma bumɔ eklontoi lɛ, ni musubɔɔ gbɛi yɛ eyitsei lɛ ahe.

Kojolɔi 2:2

ni nyɛ hu nyɛ kɛ shikpɔŋ nɛɛ nɔ bii lɛ akakpãŋa kpãŋmɔ ko; amɛfɔleshãa latɛi lɛ nyɛkumɔa.’ Shi nyɛbooo mifãmɔ lɛ toi. Mɛni nyɛfee nɛɛ?