5 Mose 12:2 - ŊMALƐ KRƆŊKRƆŊ LƐ

² Fitemɔ nyɛfitea hei fɛɛ ni maji ni nyɛyaashwie lɛ jaa amɛnyɔŋmɔi lɛ yɛ, yɛ gɔji grɔŋŋi lɛ anɔ jio gɔŋkpɔi lɛ anɔ jio, tsei kusukusuu lɛ fɛɛ ashishi jio.

Ṅmãle̱ Kroṅkroṅ Le̱

² Kpãtãmo̱ nyekpãtãa *hei fẽ ní dšeṅmãdši ní nyeyaſie le̱ dšáa ame̱nyoṅmo̱i le̱ ye̱ le̱ ahĩe, gõdši groṅṅi ano̱ dšio, goṅkpo̱i ano̱ dšio, tšei ní ebu kusū ašiši dšio; *7,5. 25.

5 Mose 12:2 ပူးပေါင်းရင်းမြစ်များ

1 Maŋtsɛmɛi 14:23

Ejaakɛ amɛ hu amɛmãmɔ jamɔhei grɔŋŋi amɛhã amɛhe; amɛkɛ tɛi mãmɔ shiui kɛ Ashera amãgãi, ni amɛjaa yɛ gɔŋkpɔ fɛɛ gɔŋkpɔ ni kwɔ nɔ kɛ tso fɛɛ tso ni ebu kusuu shishi.

1 Maŋtsɛmɛi 3:2

Nakai be mli lɛ akɛni amako tsu ahãko Yehowa hewɔ lɛ, maŋ lɛ shã afɔle yɛ wɔŋkoi lɛ amli.

2 Maŋtsɛmɛi 11:18

Kɛkɛ ni maŋbii lɛ fɛɛ yiŋ ni amɛyabote Baal we lɛ, ni amɛkumɔ Baal we lɛ amɛshwie shi. Baal afɔleshãa latɛi lɛ kɛ emãgãi lɛ amɛkumɔ amɛ dukuduku; ni Mattan, ni ji Baal osɔfo lɛ, amɛgbe lɛ yɛ afɔleshãa latɛ lɛ hiɛ. Kɛkɛ ni osɔfo Yehoiada to gbɛjianɔ ni bulɔi abu Yehowa we lɛ he.

2 Maŋtsɛmɛi 16:4

Eshãshãa afɔlei kɛ tsofakɛŋmai yɛ amãgãi ajamɔhei grɔŋŋi lɛ kɛ gɔji anɔ kɛ tso fɛɛ tso ni ebu kusuu shishi hu.

2 Maŋtsɛmɛi 23:13

Kɛkɛ ni maŋtsɛ Yosia bule jamɔhei grɔŋŋi lɛ ni maŋtsɛ Solomon mamɔ yɛ Yerusalɛm bokãgbɛ lɛ, kɛ afɔleshãa latɛi ni yɔɔ Mugɔŋ lɛ wuoyigbɛ ni akɛjaa Astarte, Sidonbii lɛ amãgã lɛ, kɛ Kemosh, Moabbii lɛ amãgã lɛ, kɛ Molek, Amonbii lɛ amãgã lɛ.

Lalai 78:58

Amɛkɛ hei grɔŋŋi lɛ wo emli la, ni amɛkɛ amɛmãgãi lɛ hã eye awuŋã.

2 Mose 23:24

Nyɛkajaa ni nyɛkasɔ̃mɔa amɛnyɔŋmɔi lɛ, asaŋ nyɛkakasea gbɔmɛi nɛɛ anifeemɔ nii hu, shi moŋ nyɛbutua amɛnyɔŋmɔi lɛ, ni nyɛkumɔa amɛshiui lɛ butubutu nyɛshwiea shi.

Yesaia 36:7

Asiria maŋtsɛ tsulɔnukpa lɛ tee nɔ ekɛɛ akɛ, “Shi kɛji oookɛɛ mi akɛ, ‘Yehowa, wɔNyɔŋmɔ lɛ, nɔ wɔhiɛ kã lɛ’, ani jeee lɛ ehei grɔŋŋi kɛ efɔleshãa latɛi lɛ Hezekia kumɔ be ni ekɛɛ Yudabii kɛ Yerusalɛmbii akɛ, ‘Nɛkɛ afɔleshãa latɛ koome nɛɛ he nyɛbaaja yɛ lɛ?’

Yeremia 17:2

Amɛbii lɛ kaiɔ amɛfɔleshãa latɛi lɛ kɛ amɛnyɔŋmɔ Ashera lɛ amãgãi ni yɔɔ tsei ni ebu kusukusuu ashishi kɛ gɔŋkpɔi anɔ,

Yeremia 2:20

“Blema ko beebe ni oku opã lɛ, ni otserɛ kpãi ni fimɔ bo lɛ mli, ni okɛɛ akɛ, ‘Misɔ̃mɔɔɔ mɔ ko mɔ ko!’ Shi gɔŋkpɔ fɛɛ gɔŋkpɔ yiteŋ kɛ tso fɛɛ tso ni ebu kusuu shishi oyakotoɔ shi ojaa, ni okwaa mi yɛ.

Yeremia 3:13

Kpɛlɛ̃mɔ otɔ̃mɔi lɛ anɔ kɛkɛ akɛ oyakpa shi yɛ heihei kɛnyiɛ maŋsɛɛ nyɔŋmɔi asɛɛ yɛ tso fɛɛ tso ni ebu kusuu shishi, ni asaŋ obooo mi toi. Mi, Yehowa, mikɛɛ.

Yeremia 3:2

Wo ohiɛ nɔ ni okwɛ gɔji lɛ anɔ hei ni yɔɔ kpataa lɛ. Te amɛteŋ he ni akɛ bo ebɔko ajwamãŋ yɛ lɛ? Otaa gbɛi atoii omɛɔ shieŋtsɛmɛi tamɔ Arabianyo woɔ ka yɛ shiaŋa mli kɛmɛɔ gbɛnyiɛlɔ. Okɛ ojwamaŋbɔɔ ni naa wa ebule shikpɔŋ lɛ.

Yeremia 3:6

Yehowa bi mi yɛ Maŋtsɛ Yosia yinɔ akɛ, “Bɛ ona nɔ ni Israel ni yeee anɔkwa lɛ fee lɛ? No ji bɔ ni etee gɔŋ fɛɛ gɔŋ ni kwɔ nɔ, kɛ tso fɛɛ tso ni ebu kusuu shishi eyabɔ ajwamãŋ yɛ jɛi lɛ?

Hosea 4:13

Amɛshã afɔlei yɛ gɔji lɛ ayiteiaŋ, ni amɛshã tsofakɛŋma yɛ gɔ̃ŋkpɔi lɛ anɔ; amɛshã yɛ odum kɛ onyai kɛ papao tsei ashishi, ejaakɛ tsei lɛ ahɔ̃ɔŋ lɛ mli hi. “Enɛ hewɔ ni nyɛbiyei lɛ bɔɔ ajwamãŋ, ni nyɛbihii aŋamɛi lɛ fiteɔ gbãlã lɛ.

4 Mose 22:41

Enɔ jetsɛremɔ leebi lɛ, Balak tsɛ Balaam fata ehe, ni amɛkwɔ Baal Gɔŋ lɛ kɛtee eyiteŋ; ni Balaam jɛ jɛi ni ena Israelbii asafo muu lɛ ayifalɛ.

5 Mose 7:5

Bɔ ni nyɛkɛ amɛ aye ahã moŋ nɛ: amɛfɔleshãa latɛi lɛ nyɛkumɔa, ni amɛshiui ni amɛmamɔ lɛ nyɛjwaraa, ni amɛwɔŋkoi lɛ nyɛgbaa nyɛshwiea shi, ni amɛmãgãi lɛ nyɛmamɔa amɛnaa la nyɛshãa.

Kojolɔi 2:2

ni nyɛ hu nyɛ kɛ shikpɔŋ nɛɛ nɔ bii lɛ akakpãŋa kpãŋmɔ ko; amɛfɔleshãa latɛi lɛ nyɛkumɔa.’ Shi nyɛbooo mifãmɔ lɛ toi. Mɛni nyɛfee nɛɛ?