5 Mose 12:12 - ŊMALƐ KRƆŊKRƆŊ LƐ

¹² Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii hu ni yɔɔ nyɛmaji lɛ amli lɛ. Ejaakɛ amɛ lɛ agbaŋ shikpɔŋ lɛ eko ahaŋ amɛ yɛ nyɛteŋ.

Ṅmãle̱ Kroṅkroṅ Le̱

¹² ni nyemi aše̱a nyehe ye̱ Iehowa, nye-Nyoṅmo̱ le̱, hĩe, nye ke̱ nyebihĩĩ ke̱ nyebiyei ke̱ nyewehĩĩ ke̱ nyeweyei ke̱ *Levinyo ní yo̱ nyegbói le̱ amli le̱ hũ; edšake̱ le̱ le̱ ebe̱ gbe̱fãṅnõ lo gbošinii ko ye̱ nyeteṅ. *4 Mose 18,20. 24.

5 Mose 12:12 ပူးပေါင်းရင်းမြစ်များ

1 Maŋtsɛmɛi 8:66

Gbi ni ji kpaanyɔ lɛ nɔ lɛ, Solomon wo asafo yuu lɛ fɛɛ gbɛ amɛtee. Amɛ jie eyi, ni amɛtee shĩa kɛ miishɛɛ kɛ tsuijurɔ yɛ ejuji fɛɛ ni Yehowa efee etsulɔ David kɛ emaŋ Israel lɛ hewɔ.

2 Kronika 29:36

Maŋtsɛ Hezekia kɛ emaŋbii lɛ fɛɛ nya naakpa yɛ nɔ ni Nyɔŋmɔ etsu ehã amɛ lɛ hewɔ, ejaakɛ nitsumɔ lɛ tee nɔ oya.

Nehemia 8:9

Kɛkɛ ni Nehemia ni ji amralo lɛ kɛ Osɔfo Ezra ni ji woloŋmalɔ lɛ kɛ Levibii ni tsɔ̃ɔ maŋ lɛ nii lɛ kɛɛ maŋ muu lɛ fɛɛ akɛ, “Ŋmɛnɛ gbi nɛɛ gbi krɔŋkrɔŋ ni hã Yehowa, nyɛNyɔŋmɔ lɛ. No hewɔ lɛ, nyɛkayea ŋkɔmɔ, ni nyɛkafoa hu!” Amɛkɛɛ maŋ lɛ nɛkɛ, ejaakɛ be ni maŋ lɛ nu Mla lɛ mli wiemɔi lɛ, amɛ fɛɛ amɛfo.

Lalai 147:1

Nyɛjiea Yehowa yi! Ehi akɛ ala ajie wɔNyɔŋmɔ lɛ yi; ejaakɛ durolɔ ji lɛ, ni yijiemɔ lala sa lɛ.

3 Mose 23:40

Gbi nɛɛ nɔ lɛ nyɛhiɛa nyɛtsei anɔ aduawai kpakpai fɛɛfɛji kɛ tɛŋ bɛlɛo kɛ tsei flofloi aniji kɛ faa naa ŋɔi kɛbaa koni nyɛbanyaa yɛ Yehowa, nyɛNyɔŋmɔ lɛ, hiɛ gbii kpawo.

4 Mose 18:20

Yehowa kɛɛ Aaron akɛ, “Onaŋ gboshinii ko yɛ shikpɔŋ lɛ nɔ, ni asaŋ onaŋ shikpɔŋ ni abaaja lɛ eko. Mi, Yehowa, mi ji ogbɛfaŋnɔ kɛ ogboshinii ni he hiaa bo yɛ Israelbii lɛ ateŋ.”

4 Mose 18:26

“Kɛɛmɔ Levibii lɛ akɛ, kɛji nyɛnine shɛ nibii mlijaa nyɔŋma mli ekomekome lɛ ni mibi Israelbii koni amɛwo amɛhã nyɛ lɛ nɔ akɛ nyɛgbɛfaŋnɔ lɛ, nyɛ hu nyɛjiea mlijaa nyɔŋma mli ekome nɛɛ mli mlijaa nyɔŋma kome koni nyɛkɛbahãa, mi Yehowa, akɛ afɔle krɛdɛɛ.

Yohane 13:8

Petro kɛɛ lɛ akɛ, “Kaafɔ minaji ahe kɔkɔɔkɔ.” Yesu here lɛ nɔ akɛ, “Kɛji mifɔɔɔ onaji ahe lɛ, obɛ gbɛfaŋ nɔ ko yɛ miŋɔɔ.”

Bɔfoi 8:21

Obɛ gbɛnaa loo gbɛfaŋ nɔ ko yɛ nɛkɛ sane nɛɛ mli; ejaakɛ otsui ejaaa yɛ Nyɔŋmɔ hiɛ.

5 Mose 10:9

No hewɔ ni Levibii akutso lɛ naaa amɛ kɔkrɔɔ amɛshikpɔŋ tamɔ akutsei krokomɛi lɛ. Amɛ lɛ, amɛgbɛfaŋnɔ ji akɛ amɛ amɛsɔmɔ Yehowa tamɔ bɔ ni Yehowa, nyɛNyɔŋmɔ lɛ, ekɛɛ amɛ lɛ.)

5 Mose 12:18

He pɛ ni nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli lɛ aye afɔlei lɛ yɛ kɛkɛ ji Yehowa hiɛ, yɛ he ni lɛ Yehowa, nyɛNyɔŋmɔ lɛ, diɛŋtsɛ eŋɔ akɛ aja lɛ yɛ lɛ. Nyɛmii ashɛa nyɛhe yɛ Yehowa nyɛNyɔŋmɔ lɛ hiɛ, yɛ nitsumɔ fɛɛ nitsumɔ ni nyɛaatsu lɛ hewɔ.

5 Mose 12:19

Gbii abɔ ni nyɛyɔɔ nyɛshikpɔji lɛ anɔ lɛ, nyɛkwɛa ni ahĩa koni nyɛhiɛ akakpaa Levibii lɛ anɔ.

5 Mose 12:7

Nyɛyea nii lɛ yɛ Yehowa, nyɛNyɔŋmɔ lɛ hiɛ yɛ jɛi, koni nyɛ kɛ nyɛshĩaŋbii fɛɛ amii ashɛ nyɛhe yɛ nyɛninenaa nitsumɔ nii ni Yehowa, nyɛNyɔŋmɔ lɛ, ejɔɔ nɔ lɛ hewɔ.

5 Mose 14:29

Nyɛkɛ niyenii nɛɛ eko ahãa Levibii lɛ ni ahãaa amɛ amɛgbɛfaŋnɔ ko lɛ, kɛ gbɔi kɛ awusai kɛ okulafoi hu ni yɔɔ nyɛmaji lɛ amli lɛ koni amɛna nii amɛye ni amɛtɔrɔ; ni Yehowa, nyɛNyɔŋmɔ lɛ, aaajɔɔ nyɛninenaa nitsumɔi fɛɛ.”

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 16:14

Nyɛyea gbijurɔ nɛɛ kɛ miishɛɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii kɛ maŋsɛɛ gbɔi kɛ awusãi kɛ okulafoi hu ni yɔɔ nyɛmaji lɛ amli lɛ.

5 Mose 18:6

“Levinyo ni miisumɔ baanyɛ eshi Israel maŋ fɛɛ maŋ ni eyɔɔ mli lɛ koni eya he ni Yehowa eto akɛ aja lɛ yɛ lɛ. Kɛji eba lɛ nakai lɛ,

5 Mose 26:11

Onya nibii kpakpai fɛɛ ni Yehowa, oNyɔŋmɔ lɛ, eduro bo lɛ he, bo kɛ owe lɛ mli bii kɛ Levibii kɛ gbɔi ni kɛ bo yɔɔ lɛ.

5 Mose 26:12

“Afi ni ji etɛ̃ lɛ nɔ, ni ji mlijai nyɔŋma mli ekomekome hãmɔ afi lɛ, kɛji okɛ oŋmɔshi nii mlijai nyɔŋma mli ekomekome lɛ ehã Levibii lɛ kɛ gbɔi lɛ kɛ awusãi lɛ kɛ okulafoi lɛ ogbe naa, koni amɛna nii amɛye yɛ nyɛmaji lɛ amli lɛ,

5 Mose 27:7

Nyɛshãa shidaa afɔlei lɛ hu yɛ jɛi, ni nyɛyea nii yɛ jɛi koni nyɛnyaa yɛ Yehowa, nyɛNyɔŋmɔ lɛ, hiɛ.

Yoshua 13:14

Levibii akutso lɛ kɛkɛ ni Mose hãaa amɛ amɛ kɔkrɔɔ amɛshikpɔŋ akɛ amɛgbɛfaŋnɔ. Afɔlei ni akɛ la shãa akɛhãa Yehowa, Israel Nyɔŋmɔ lɛ, ji Levibii lɛ agbɛfaŋnɔ ni ahã amɛ tamɔ bɔ ni Mose ekɛɛ amɛ eto lɛ.

Yoshua 13:33

Shi Levibii lɛ Mose hãaa amɛ shikpɔŋ lɛ eko. Amɛ lɛ afɔlei ni akɛbahãa Yehowa, Israel Nyɔŋmɔ lɛ, ji amɛgbɛfaŋnɔ ni amɛyɔɔ. Nakai ji bɔ ni Mose hã amɛnu shishi.

Yoshua 14:4

Akutsei enyɔ jɛ Yosef mli; amɛ ji Manase kɛ Efraim. Ahãaa Levibii lɛ amɛgbɛfaŋ shikpɔŋ pɔtɛ̃ɛ ko akɛ ja maji ni amɛaahi amɛmli kɛ maji lɛ ahe shikpɔji ni amɛkooloi ana nɔ jwɛi amɛye, ni amɛ gbɔmɛi lɛ hu amɛaana nɔ nii amɛye.