5 Mose 11:9 - ŊMALƐ KRƆŊKRƆŊ LƐ

⁹ asaŋ koni nyɛwala sɛɛ atsɛ yɛ shikpɔŋ kpakpa ni baa nii ni Yehowa wo nyɛtsɛmɛi shi akɛ ekɛbaahã amɛ kɛ amɛshwiei lɛ nɔ.

Ṅmãle̱ Kroṅkroṅ Le̱

⁹ ni nyegbĩĩ le̱ ase̱ atše̱ ye̱ šikpoṅ ní Iehowa kã nyetše̱mei le̱ akitã ake̱ eke̱-bahãame̱ ke̱ ame̱seši le̱ ne̱, *šikpoṅ ni hoo̱ fufo̱ ke̱ wò le̱. *2 Mose 3,17.

5 Mose 11:9 ပူးပေါင်းရင်းမြစ်များ

2 Mose 20:12

“Wo otsɛ kɛ onyɛ koni owala sɛɛ atsɛ yɛ shikpɔŋ ni mi, Yehowa, oNyɔŋmɔ lɛ, kɛhãa bo lɛ nɔ.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

Abe̱i 10:27

Yehowa gbeyeishemɔ hãa wala sɛɛ tsɛɔ; shi mɛi fɔ̃ji afii lɛ, aaafo nɔ.

Abe̱i 3:16

Wala sɛɛtsɛlɛ yɛ eninejurɔ kɔkɔŋ, ni ninamɔ kɛ anunyam yɛ ebɛku kɔkɔŋ.

Abe̱i 3:2

ejaakɛ mitsɔ̃ɔmɔi lɛ baahã owala sɛɛ atsɛ afii babaoo, ni obaashwere yɛ wala mli.

Abe̱i 9:11

Ejaakɛ minɔ baatsɔ̃ ni ogbii baafa; ni owala afii lɛ asɛɛ baatsɛ.

Ezekiel 20:6

Nakai gbi lɛ mikã amɛ kitã akɛ majie amɛ kɛjɛ Ijipt shikpɔŋ lɛ nɔ kɛya shikpɔŋ ko ni mito miha amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 11:10

Ejaakɛ shikpɔŋ ni nyɛyaa ni nyɛyaŋɔ lɛ etamɔɔɔ Ijipt shikpɔŋ lɛ, he ni nyɛjɛ lɛ, he ni kɛji nyɛdu nii lɛ ja nyɛkɔ nyɛnane nyɛyashwie dumɔ nii lɛ nɔ nu dã, tamɔ afeɔ abɔɔ mli nii lɛ.

5 Mose 11:21

koni nyɛwala kɛ nyɛbii lɛ hu awala sɛɛ atsɛ yɛ shikpɔŋ ni Yehowa wo nyɛtsɛmɛi lɛ shi akɛ ekɛbaahã amɛ lɛ nɔ gbii abɔ ni ŋwɛi kɛ shikpɔŋ yɔɔ nɛɛ.

5 Mose 4:40

No hewɔ lɛ, nyɛyea Yehowa akpɔi kɛ kitãi ni miwoɔ nyɛ ŋmɛnɛ gbi nɛɛ nɔ, koni ahi ahã nyɛ kɛ nyɛbii ni baa yɛ nyɛsɛɛ lɛ, bɔ ni afee ni nyɛtsɛ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ.”

5 Mose 5:16

“Wo otsɛ kɛ onyɛ tamɔ bɔ ni Yehowa, oNyɔŋmɔ lɛ, ewo bo kitã lɛ, koni owala sɛɛ atsɛ; asaŋ koni ahi ahã bo yɛ shikpɔŋ lɛ ni Yehowa, oNyɔŋmɔ, kɛhãa bo lɛ nɔ.

5 Mose 5:33

Nyɛbaa nyɛjeŋ tamɔ bɔ ni Yehowa, nyɛNyɔŋmɔ lɛ, etsɔ̃ɔ nyɛ lɛ, koni nyɛna wala yɛ shikpɔŋ ni nyɛyaa nyɛyaŋɔ lɛ nɔ.”

5 Mose 6:18

ni nyɛfea nɔ ni ja ni hi hu, bɔ ni afee ni ahi ahã nyɛ koni nyɛya nyɛyaŋɔ shikpɔŋ kpakpa ni Yehowa wo nyɛtsɛmɛi lɛ he shi lɛ,

5 Mose 6:2

Nyɛ kɛ nyɛshwiei awala gbii abɔ fɛɛ mli lɛ, esa akɛ nyɛshe Yehowa, nyɛNyɔŋmɔ lɛ, gbeyei ni nyɛye akpɔi kɛ kitãi ni miwoɔ nyɛ nɛɛ fɛɛ nɔ, koni nyɛwala sɛɛ atsɛ.

5 Mose 6:3

No hewɔ lɛ, Israelbii, nyɛboa toi, ni nyɛjwɛŋa nɔ, ni nyɛyea nɔ koni ahi ahã nyɛ, koni nyɛshwere yɛ shikpɔŋ kpakpa ni baa nii lɛ nɔ tamɔ bɔ ni Yehowa, nyɛtsɛmɛi lɛ aNyɔŋmɔ lɛ, ewo nyɛ shi lɛ.

5 Mose 8:7

Ejaakɛ Yehowa, nyɛNyɔŋmɔ lɛ, kɛ nyɛ miiya shikpɔŋ kpakpa nɔ, shikpɔŋ kɛ enɔ fai kɛ kpaakpoi kɛ shikpɔŋ nu ni tueɔ kɛjɛɔ jɔi kɛ gɔji amli;

5 Mose 9:5

Jeee nyɛjalɛ loo nyɛtsuiŋ ni yɔɔ krɔŋkrɔŋ hewɔ ni nyɛyaa nyɛyaŋɔ gbɔmɛi nɛɛ ashikpɔŋ lɛ; shi moŋ Yehowa, nyɛNyɔŋmɔ lɛ, miishwie amɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ, bɔ ni afee ni, shi ni lɛ Yehowa ewo nyɛtsɛmɛi Abraham kɛ Isak kɛ Yakob lɛ ema nɔ mi.