5 Mose 11:2 - ŊMALƐ KRƆŊKRƆŊ LƐ

² Ŋmɛnɛ gbi nɛɛ nyɛkaia tsɔsemɔ ni Yehowa, nyɛNyɔŋmɔ lɛ, etsɔse nyɛ lɛ, kɛ egbojee lɛ kɛ enineshiwalɛ lɛ kɛ ehewalɛ lɛ hu. Ejaakɛ jeee nyɛbii ni amɛnako aloo amɛleko nibii nɛɛ ji mɛi ni mikɛ wieɔ nɛɛ.

Ṅmãle̱ Kroṅkroṅ Le̱

² Ni nyenãa nyelea ṅme̱ne̱, — edšake̱ dšee nyebii ní lee ni ame̱naa le̱ mike̱-wieo̱, — nyele Iehowa, nye-Nyoṅmo̱ le̱, tšo̱semo̱ le̱, ke̱ edale̱ le̱, ke̱ eninešiwale̱ ke̱ enine ní akpã mli le̱,

5 Mose 11:2 ပူးပေါင်းရင်းမြစ်များ

Lalai 136:12

Ekɛ nineshiwalɛ kɛ kpɔiaŋwalɛ tsu enɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

Abe̱i 22:19

Miihã bo tuuŋtu ole enɛɛmɛi ŋmɛnɛ, bɔ ni afee ni ona hiɛnɔkãmɔ yɛ Yehowa mli.

Yesaia 53:5

Shi apila lɛ yɛ wɔ moŋ wɔtɔ̃mɔi ahewɔ; atswia lɛ nii yɛ wɔnishaianii lɛ ahewɔ. Agbala etoi koni wɔna hejɔlɛ, ni ehe faji lɛ akɛtsaa wɔ.

Bɔfoi 26:22

Shi Nyɔŋmɔ yelikɛbuamɔ naa mikɛdamɔ shi kɛbashi ŋmɛnɛ gbi nɛɛ nɔ, ni miyeɔ odase mitsɔ̃ɔ mɛi bibii kɛ mɛi wuji nɛɛ, ni miwieee wiemɔ ko akɛ ja nii ni gbalɔi lɛ kɛ Mose hu ewie akɛ ebaaba lɛ,

5 Mose 29:10

“Ŋmɛnɛ gbi nɛɛ lɛ, nyɛ fɛɛ nyɛdamɔ Yehowa, nyɛNyɔŋmɔ lɛ, hiɛ, nyɛkutseiatsɛmɛi lɛ, kɛ nyɛkutsei lɛ amli onukpai lɛ, kɛ nyɛmaŋ nitsulɔi lɛ, kɛ nyɛ Israel maŋ lɛ mli hii fɛɛ,

5 Mose 3:24

‘Nuŋtsɔ Yehowa, ogbojee kɛ ohewalɛ lɛ eshishi kɛkɛ oje ojieɔ otsɔ̃ɔ otsulɔ nɛɛ; ejaakɛ mɛɛ Nyɔŋmɔ yɔɔ dɔŋŋ, yɛ ŋwɛi jio, shikpɔŋ lɛ nɔ jio, ni aaanyɛ hewalɛ naa nibii wuji ni otsu nɛɛ etsu?

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

5 Mose 5:24

ni nyɛkɛɛ mi akɛ, ‘Naa, Yehowa, wɔNyɔŋmɔ lɛ, ehã wɔna enunyam kɛ egbojee, ni ehã wɔnu egbee hu kɛjɛ la lɛ mli. Ŋmɛnɛ gbi nɛɛ nɔ lɛ, wɔna wɔle akɛ Nyɔŋmɔ kɛ gbɔmɔ adesa wieɔ, ni mɔ lɛ yi naa wala kɛ̃.

5 Mose 7:19

Nyɛkaia helai wuji kɛ okadii kɛ naakpɛɛnii ni nyɛna kɛ nyɛhiŋmɛii lɛ kɛ nineshiwalɛ kɛ hewalɛ ni Yehowa, nyɛNyɔŋmɔ lɛ, kɛkpɔ̃ nyɛ lɛ. Nakai pɛpɛɛpɛ Yehowa, nyɛNyɔŋmɔ lɛ, baafee maji fɛɛ ni nyɛ lɛ nyɛsheɔ amɛ gbeyei lɛ.

5 Mose 8:19

Shi naa, kɛji nyɛhiɛ je Yehowa, nyɛNyɔŋmɔ lɛ, nɔ, ni nyɛshi lɛ sɛɛ, ni nyɛtee nyɛyasɔmɔ ni nyɛja nyɔŋmɔi krokomɛi lɛ, no lɛ, miigba mli kpoo miikɛɛ nyɛ ŋmɛnɛ gbi nɛɛ akɛ kpãtãmɔ kɛ̃ nyɛhiɛ aaakpãtã.

5 Mose 9:26

Mikpa Yehowa fai mikɛɛ akɛ, ‘Nuŋtsɔ Nyɔŋmɔ, kaakpãtã bo diɛŋtsɛ omɛi lɛ, ni ji gbɔmɛi ni oyakpɔ̃ yɛ Ijipt shikpɔŋ lɛ nɔ kɛ nineshiwalɛ kɛ ohewalɛ lɛ ahiɛ.

Yoshua 24:31

Israelbii lɛ sɔ̃mɔ Yehowa yɛ Yoshua wala be mli fɛɛ, kɛ Yoshua gbele sɛɛ be mli fɛɛ, be ni onukpai hu ni le nibii ni Yehowa efee ehã Israel lɛ yɔɔ walaŋ lɛ.