5 Mose 11:16 - ŊMALƐ KRƆŊKRƆŊ LƐ

¹⁶ Nyɛkwɛa nyɛhe ni ahia, bɔ ni afee ni nɔ ko akalaka nyɛ ni nyɛkpale yɛ Yehowa sɛɛ nyɛyasɔmɔ nyɔŋmɔi krokomɛi ni nyɛja amɛ.

Ṅmãle̱ Kroṅkroṅ Le̱

¹⁶ Nyekwe̱a nyehe ní ahĩa ke̱ke̱, koni akalaka nyetšui, ni nyekpale, ni nyeyasúmo̱ nyoṅmo̱i krokomei ní nyedšaame̱;

5 Mose 11:16 ပူးပေါင်းရင်းမြစ်များ

1 Maŋtsɛmɛi 8:35

“Kɛji omaŋ Israelbii fee esha, ni no hewɔ otsi nunɛmɔ naa, ni omaŋbii lɛ basɔle yɛ biɛ, ni amɛbo amɛtsɛ bo, ni amɛshwa amɛhe yɛ piŋmɔ ni opiŋ amɛ hewɔ lɛ,

Hiob 31:27

Kɛji nɔ ko elaka mitsui ni miwo amɛ yɛ teemɔŋ ni mishwɔ minine naa kɛ hiɛsɔlɛ mihã amɛ lɛ,

Yesaia 44:20

Mɔ ni yeɔ lamlu tete po, aaanu lɛ shishi. Esusumɔ kɔɔdɔŋ lɛ eha edu gbɛ, ni enyɛŋ eyiwala ehere, ni ekpɛlɛŋ nɔ, ni eeekɛɛ akɛ, “Kwɛ, nɔ ni yɔɔ mininejurɔ mli lɛ, jeee lakamɔnii ni lo?”

Luka 21:34

“Shi nyɛhiɛ ahia nyɛhe nɔ koni fufeemɔ kɛ dãatɔɔ kɛ yeyeeyefeemɔ yɛ wala nɛɛ mli nibii ahe akahe nyɛtsuii ni nakai gbi lɛ miibati nyɛ shi trukaa;

Luka 21:36

No hewɔ lɛ, nyɛsaraa ni nyɛsɔlea be fɛɛ be, koni nyɛnyɛ nii ni baaba nɛɛ fɛɛ mli nyɛje, ni nyɛnyɛ Gbɔmɔ Bi lɛ hiɛ nyɛdamɔ.”

Luka 21:8

Ni ekɛɛ, “Nyɛkwɛa jogbaŋŋ, koni akalaka nyɛ; ejaakɛ mɛi pii aaaba yɛ migbɛi mli ni amɛaakɛɛ, ‘Mi ni’, kɛ ‘Be lɛ eshɛ etã’. Shi nyɛkanyiɛa amɛsɛɛ.

5 Mose 12:30

nyɛkwɛa ni ahia koni be ni akpãtã amɛhiɛ yɛ nyɛhiɛ sɛɛ lɛ, ni nyɛkanyiɛ amɛsɛɛ, ni nyɛyadu tsɔne, ni nyɛkabia amɛnyɔŋmɔi lɛ ahe sane ni nyɛkɛɛ akɛ, ‘Te amɛjaa amɛnyɔŋmɔi lɛ amɛhãa tɛŋŋ,’ ni nyɛ hu nyɛfee nakai.

5 Mose 13:3

nyɛkaboa nakai gbalɔ lɛ loo lamɔ shishitsɔ̃ɔlɔ lɛ toi; ejaakɛ kaa Yehowa, nyɛNyɔŋmɔ lɛ, kɛkaa nyɛ lɛ. Eetao ena akɛ nyɛkɛ nyɛtsui fɛɛ kɛ nyɛmumɔ fɛɛ miisumɔ lɛ Yehowa lɛ lo.

5 Mose 17:3

ni nii ni migu nyɛ lɛ, etee eyafee, tamɔ akɛ etee eyaja, ni esɔmɔ nyɔŋmɔi krokomɛi, loo hulu, loo nyɔɔŋtsere loo ŋulamii lɛ eko,

5 Mose 29:17

Nyɛna maji nɛɛ amusubɔɔ nibii ni ji amɛmãgãi ni akɛ tso kɛ tɛ kɛ jwiɛtɛi kɛ shika fee ni amɛyɔɔ yɛ amɛteŋ lɛ.

5 Mose 29:18

Nyɛkwɛa jogbaŋŋ koni nyɛteŋ nuu ko loo yoo ko loo weku ko loo akutso ko yiŋ akatsɔ̃ ŋmɛnɛ ni ekpale yɛ Yehowa, wɔNyɔŋmɔ lɛ sɛɛ, ni etee eyaja nakai maji lɛ anyɔŋmɔi lɛ; no lɛ nakai mɔ lɛ aaatsɔ̃ tamɔ tso shishifã ni woɔ tsoyibii ni joɔ kɛ emli ebɔɔ yɛ nyɛteŋ.

5 Mose 30:17

Shi kɛji nyɛtsui yagba afã, ni nyɛgbo toi, ni alaka nyɛ, ni nyɛyaja nyɔŋmɔi krokomɛi, ni nyɛsɔmɔ amɛ lɛ,

5 Mose 31:20

Ejaakɛ kɛji mikɛ amɛ yashɛ shikpɔŋ kpakpa ni baa nii lɛ nɔ, nɔ ni mikã amɛtsɛmɛi lɛ kitã yɛ he akɛ mikɛbaahã amɛ lɛ, ni amɛna nii amɛye ni amɛtɔrɔ, ni amɛshwishwii lɛ, amɛbaakpale kɛyanyiɛ nyɔŋmɔi krokomɛi asɛɛ, ni amɛaaya amɛyasɔmɔ amɛ, ni amɛaagbe mihe guɔ moŋ, ni amɛaaku mi kɛ amɛteŋ kpãŋmɔ lɛ mli.

5 Mose 4:23

Nyɛkwɛa nyɛhenɔ ni ahia koni nyɛhiɛ akaje kpãŋmɔ ni Yehowa, nyɛNyɔŋmɔ lɛ, kɛ nyɛ kpãŋ lɛ nɔ, ni nyɛyafee nɔ ko henɔ amãgã tamɔ bɔ ni Yehowa, nyɛNyɔŋmɔ lɛ, egu nyɛ lɛ;

5 Mose 4:9

Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

5 Mose 5:7

“‘Kaana nyɔŋmɔ kroko ko yɛ misɛɛ.

5 Mose 8:19

Shi naa, kɛji nyɛhiɛ je Yehowa, nyɛNyɔŋmɔ lɛ, nɔ, ni nyɛshi lɛ sɛɛ, ni nyɛtee nyɛyasɔmɔ ni nyɛja nyɔŋmɔi krokomɛi lɛ, no lɛ, miigba mli kpoo miikɛɛ nyɛ ŋmɛnɛ gbi nɛɛ akɛ kpãtãmɔ kɛ̃ nyɛhiɛ aaakpãtã.

Hebribii 12:15

Ni nyɛkwɛa ni ahia, koni mɔ ko akaŋmɛɛ Nyɔŋmɔ dromɔ lɛ he; koni shishifã kɛ joomɔ ko akakwɛ̃ ni ehao nyɛ ni akɛbule mɛi pii.

Hebribii 2:1

No hewɔ lɛ, esa akɛ wɔjwɛŋmɔ ahi nii ni wɔnu lɛ anɔ jogbaŋŋ, koni wɔkakplaŋ kɛje he be ko.

Hebribii 3:12

Nyɛkwɛa ni ahia, anyɛmimɛi, koni nyɛteŋ mɔ ko akahi tsui fɔŋ ni heee yeee ni ekpale kɛje Nyɔŋmɔ, hiɛkãalɔ lɛ, he.

Hebribii 4:1

No hewɔ lɛ, ni ashi ehejɔɔmɔ lɛ mlibotemɔ he shiwoo ahã wɔ nɛɛ, nyɛhãa wɔkwɛa jogbaŋŋ koni ekaba akɛ eŋmɛɛ nyɛteŋ mɔ ko.

Yakobo 1:26

Shi kɛ efeɔ mɔ ko akɛ Nyɔŋmɔ jalɔ ji lɛ, ni ewooo elilɛi manyoflɛ, shi moŋ eshishiuɔ ehe lɛ, nɛkɛ gbɔmɔ nɛɛ jamɔ lɛ, yaka ni.

1 Yohane 5:21

Mibii bibii, nyɛkwɛa nyɛhe ni ahĩa yɛ wɔji ahe.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.

1 Samuel 12:20

Shi Samuel kɛɛ maŋ lɛ akɛ, “Nyɛkashea gbeyei; nyɛna nyɛfee nɛkɛ nɔ fɔŋ nɛɛ moŋ, shi kɛ̃lɛ nyɛkakpalea kɛjea Yehowa sɛɛ, shi moŋ nyɛsɔmɔa lɛ kɛ nyɛtsui fɛɛ.

1 Samuel 12:21

Nyɛkagbaa afã kɛyanyiɛ yaka nibii ni ahe bɛ sɛɛnamɔ ni asaŋ nyɛɛɛ mɔ yiwala ahere lɛ asɛɛ; ejaakɛ yaka nibii ni.