5 Mose 11:1 - ŊMALƐ KRƆŊKRƆŊ LƐ

¹ “No hewɔ lɛ, esa akɛ nyɛsumɔ Yehowa, nyɛNyɔŋmɔ lɛ, ni nyɛye egbei kɛ ekpɔi lɛ kɛ emlai lɛ kɛ ekitãi lɛ fɛɛ nɔ daa nɛɛ.

Ṅmãle̱ Kroṅkroṅ Le̱

¹ Nohewo̱ le̱ suomo̱ Iehowa, o-Nyoṅmo̱ le̱, ni oye egbēi ano̱ ke̱ ekpo̱i ke̱ emlai ke̱ ekitãi le̱ ano̱ dãne̱!

5 Mose 11:1 ပူးပေါင်းရင်းမြစ်များ

Lalai 105:45

bɔ ni afee ni amɛto ekpɔi lɛ ni amɛye nɔ. Nyɛjiea Yehowa yi!

Lalai 116:1

Miisumɔ Yehowa, ejaakɛ ebo migbee kɛ mifaikpamɔ lɛ toi.

Ezekiel 20:19

Yehowa, mi ji nyɛNyɔŋmɔ; nyɛbaa nyɛjeŋ yɛ mimlai lɛ moŋ anaa; ni nyɛyea mimlai lɛ anɔ pɛpɛɛpɛ.

3 Mose 18:30

“No hewɔ lɛ, nyɛyea nii ni mifã akɛ nyɛfee lɛ anɔ, ni nyɛkafea kusumi ni ahiɔ ni afeɔ dani nyɛba lɛ, koni nyɛkɛkawo nyɛhe muji. Mi ji Yehowa, nyɛNyɔŋmɔ lɛ.”

3 Mose 22:9

“Osɔfoi fɛɛ aye mlai ni miwo nɛɛ anɔ; kɛjeee nakai lɛ amɛaatere sɔ̃, ni amɛaagboi yɛ mimlai krɔŋkrɔŋ lɛ anɔtɔ̃mɔ hewɔ; mi mifeɔ osɔfoi lɛ krɔŋkrɔŋ.

3 Mose 8:35

Nyɛhia Kpee Buu lɛ shinaa lɛ naa nyɔɔŋnyɔɔŋ kɛ shwaneshwane gbii kpawo koni nyɛkɛfee nɔ ni Yehowa efã akɛ afee lɛ. Kɛji nyɛfeee nakai lɛ, nyɛbaagboi. Nakai ji bɔ ni Yehowa wo mi kitã.”

Zakaria 3:7

“Bɔ ni Yehowa Taiatsɛ lɛ kɛɛ nɛ, ‘Kɛji oooba ojeŋ bɔ ni mitaoɔ, ni oooye mimlai ni miwo lɛ anɔ lɛ, no lɛ bo obaakwɛ misɔlemɔ we lɛ kɛ ehe kpoi lɛ anɔ. Asaŋ mahã bo hegbɛ ni ofata mimɛi ni damɔɔ biɛ lɛ ahe.

5 Mose 10:12

“No hewɔ lɛ, agbɛnɛ Israel, mɛni Yehowa, nyɛNyɔŋmɔ lɛ, taoɔ yɛ nyɛdɛŋ dɔŋŋ fe akɛ nyɛshe Yehowa, nyɛNyɔŋmɔ lɛ, gbeyei, ni nyɛba nyɛjeŋ bɔ ni etsɔ̃ɔ nyɛ lɛ, ni nyɛsumɔ lɛ ni nyɛ kɛ nyɛtsui fɛɛ kɛ nyɛnyɛmɔ fɛɛ hu asɔmɔ lɛ.

5 Mose 11:13

“Kɛji nyɛye kitãi ni miwoɔ nyɛ ŋmɛnɛ nɛɛ akɛ nyɛsumɔ Yehowa, nyɛNyɔŋmɔ lɛ, ni nyɛkɛ nyɛtsui kɛ nyɛnyɛmɔ fɛɛ hu asɔmɔ lɛ lɛ nɔ lɛ,

5 Mose 11:22

“Kɛji nyɛjwɛŋ nɛkɛ kitãi nɛɛ ni miwoɔ nyɛ nɛɛ nɔ, ni nyɛye nɔ, ni nyɛsumɔ Yehowa, nyɛNyɔŋmɔ lɛ, ni nyɛhi shi pɛpɛɛpɛ bɔ ni etsɔ̃ɔ nyɛ lɛ, ni nyɛkpɛtɛ ehe lɛ,

5 Mose 13:4

Nyɛjaa Yehowa, nyɛNyɔŋmɔ lɛ, ni nyɛshea lɛ gbeyei; nyɛyea ekitãi lɛ anɔ, ni nyɛboa lɛ toi; nyɛsɔmɔa lɛ, ni lɛ ehe nyɛkɛ nyɛhe akpɛtɛa.

5 Mose 27:10

no hewɔ lɛ, nyɛboa Yehowa, nyɛNyɔŋmɔ lɛ, toi, ni nyɛyea ekitãi kɛ ekpɔi ni miwoɔ nyɛ ŋmɛnɛ gbi nɛɛ lɛ nɔ.”

5 Mose 30:6

Yehowa, nyɛNyɔŋmɔ lɛ, aaahã nyɛ kɛ nyɛshwiei hu atsake nyɛtsui bɔ ni afee ni nyɛkɛ nyɛtsui kɛ nyɛnyɛmɔ fɛɛ asumɔ Yehowa, nyɛNyɔŋmɔ lɛ, koni nyɛyi ana wala.

5 Mose 4:1

Agbɛnɛ Mose kɛɛ Israelbii lɛ akɛ, “Nyɛyea akpɔi kɛ mlai ni mitsɔ̃ɔ nyɛ lɛ anɔ koni nyɛyi ana wala koni nyɛya nyɛyaŋɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ lɛ.

5 Mose 4:40

No hewɔ lɛ, nyɛyea Yehowa akpɔi kɛ kitãi ni miwoɔ nyɛ ŋmɛnɛ gbi nɛɛ nɔ, koni ahi ahã nyɛ kɛ nyɛbii ni baa yɛ nyɛsɛɛ lɛ, bɔ ni afee ni nyɛtsɛ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ.”

5 Mose 4:5

“Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.

5 Mose 5:1

Mose tsɛ Israelbii lɛ fɛɛ kɛbakpe, ni ekɛɛ amɛ akɛ, “Israelbii, nyɛboa akpɔi kɛ mlai ni mibajaje mawo nyɛtoiiaŋ ŋmɛnɛ nɛɛ toi; nyɛkasea ni nyɛjwɛŋa nɔ jogbaŋŋ ni nyɛye nɔ.

5 Mose 5:29

Mina ni kulɛ amɛyɛ nɛkɛ jwɛŋmɔ daa koni amɛkɛye mikitãi lɛ fɛɛ nɔ, bɔ ni afee ni ehi ehã amɛ kɛ amɛshwiei kɛya naanɔ.

5 Mose 6:1

“Agbɛnɛ kitãi lɛ kɛ akpɔi lɛ kɛ mlai lɛ ni Yehowa, nyɛNyɔŋmɔ lɛ, fã akɛ mitsɔ̃ɔ nyɛ lɛ nɛ, koni nyɛyaye nɔ yɛ shikpɔŋ ni nyɛyaa ni nyɛyaŋɔ lɛ nɔ.

5 Mose 6:5

Suɔmɔ Yehowa, wɔNyɔŋmɔ lɛ, kɛ otsui fɛɛ kɛ omumɔ fɛɛ kɛ onyɛmɔ fɛɛ.