5 Mose 10:8 - ŊMALƐ KRƆŊKRƆŊ LƐ

⁸ Be ni ayɔɔ gɔŋ lɛ he lɛ, Yehowa ŋɔ Levi akutso lɛ akɛ amɛ amɛtere Kpãŋmɔ Adeka lɛ. Asaŋ amɛ amɛdamɔ ehiɛ amɛsɔmɔ lɛ, ni amɛ pɛ amɛkɛ egbɛi ajɔɔ mɛi. Nitsumɔi nɛɛ amli amɛhiɛ kɛbashi ŋmɛnɛ gbi nɛɛ.

Ṅmãle̱ Kroṅkroṅ Le̱

⁸ Nakai be le̱ mli Iehowa tše Levi akutšo le̱, ni ame̱tĕre Iehowa kpãṅmo̱ adeka le̱, ni ame̱damo̱ *Iehowa hĩe ame̱súmo̱le̱, ni ame̱ke̱ †egbe̱i adšō̱ ke̱-baši ṅme̱ne̱ gbĩ ne̱. *18,5. 7. †4 Mose 6,23-27.

5 Mose 10:8 ပူးပေါင်းရင်းမြစ်များ

1 Maŋtsɛmɛi 8:6

Ni Osɔfoi lɛ wo Yehowa Kpãŋmɔ Adeka lɛ kɛtee, ni amɛkɛyama egbɛhe yɛ He Krɔŋkrɔŋ Fe Fɛɛ lɛ mli yɛ kerubim lɛ afiji ashishi.

1 Kronika 15:2

Kɛkɛ ni David kɛɛ akɛ, “Levibii lɛ pɛ ji mɛi ni baatere Nyɔŋmɔ Kpãŋmɔ Adeka lɛ ejaakɛ amɛ ji mɛi pɛ ni Yehowa ŋɔ̃ akɛ amɛ amɛta Yehowa Kpãŋmɔ Adeka lɛ he, asaŋ akɛ amɛsɔmɔ lɛ kɛya naanɔ.”

1 Kronika 15:26

Ni akɛni Nyɔŋmɔ ye bua Levibii ni tere Yehowa Kpãŋmɔ Adeka lɛ hewɔ lɛ, agbe tsina hii kpawo akɛshã afɔle.

1 Kronika 23:13

Amram, Kohat kromɔbi lɛ, fɔ Aaron kɛ Mose. Ajie Aaron kɛ eshwiei lɛ ato akɛ mɛi krɛdɛɛ ni akwɛ nibii krɔŋkrɔŋi ni akɛjaa lɛ anɔ kɛya naanɔ; asaŋ akɛ amɛ amɛshã tsofakɛŋma be mli ni ajaa Yehowa; ni amɛsɔmɔ Yehowa, ni amɛjɔɔ mɛi yɛ Yehowa gbɛi mli.

1 Kronika 23:26

Ni no hewɔ lɛ, ehe ehĩaaa akɛ Levibii lɛ atere Yehowa Kpee Buu Krɔŋkrɔŋ lɛ kɛ ehe nibii ni akɛjaa lɛ lɛ dɔŋŋ.”

2 Kronika 29:11

Mibii, nyɛkafea hejɔ̃ yɛ sane nɛɛ mli ejaakɛ nyɛ, nyɛ ji mɛi ni Yehowa diɛŋtsɛ ehala akɛ nyɛdamɔ ehiɛ nyɛsɔmɔ lɛ, asaŋ ni nyɛshã tsofakɛŋma nyɛhã lɛ.”

2 Kronika 30:27

Kɛkɛ ni osɔfoi lɛ kɛ Levibii lɛ ba Nyɔŋmɔ dɛŋ jɔɔmɔ amɛhã maŋbii lɛ. Nyɔŋmɔ nu sɔlemɔ lɛ, ni ebo toi.

Lalai 134:1

Nyɛjiea Yehowa yi, nyɛ Yehowa tsuji fɛɛ ni sɔmɔɔ nyɔɔŋ yɛ Yehowa we lɛ!

Lalai 134:2

Nyɛholea nyɛniji anɔ yɛ sɔlemɔ mli yɛ He Krɔŋkrɔŋ lɛ; ni nyɛjiea Yehowa yi.

Lalai 135:2

nyɛ mɛi ni nyɛdamɔɔ Yehowa we lɛ yɛ wɔNyɔŋmɔ lɛ we lɛ kpoi lɛ anɔ lɛ.

Yeremia 15:19

Shi Yehowa to he akɛ, “Kɛji okpale lɛ, mibaŋɔ bo ekoŋŋ, ni obaasɔ̃mɔ mi. Kɛji owie wiemɔi ni ahe yɔɔ sɛɛnamɔ, shi jeee nɔ ni he bɛ sɛɛnamɔ lɛ, no lɛ obaawie minaa ekoŋŋ. Amɛ amɛaakpale kɛba oŋɔɔ, shi jeee bo ni obaakpale kɛya amɛŋɔɔ.

Ezekiel 44:11

Amɛbaasɔ̃mɔ yɛ miHe krɔŋkrɔŋ lɛ, amɛbaabu miSɔlemɔ we lɛ agboi lɛ anaa, ni amɛbaasɔ̃mɔ yɛ Sɔlemɔ we lɛ mli hu. Amɛ amɛbaagbe kooloi ni akɛbaashã shãaafɔlei lɛ, kɛ maŋbii lɛ afɔlei lɛ; ni amɛ nɔŋŋ amɛbaawa maŋbii lɛ ni amɛsɔmɔ amɛ.

Ezekiel 44:15

“Osɔfoi lɛ ni jɛ Levi akutso lɛ mli, ni amɛ ji Zadok shwiei, mɛi ni kã he amɛsɔmɔ mi yɛ miHe krɔŋkrɔŋ lɛ, be mli ni Isrealbii lɛ du gbɛ kɛje mihe lɛ, amɛ amɛbaabɛŋkɛ mi ni amɛsɔmɔ mi. Amɛ amɛbaashã fɔ kɛ lá afɔle lɛ amɛha mi. Yehowa kɛɛ.

3 Mose 8:9

Ekɛ yitsofii nɔ lɛ fĩ Aaron yitso, ni Mose kɛ shika fɛtɛfɛtɛ ni ji hiɛnaanii krɔŋkrɔŋ lɛ ta yitsofii nɔ lɛ hiɛnaa. Amɛfee enɛɛmɛi fɛɛ tamɔ bɔ ni Yehowa fã lɛ.

3 Mose 9:22

Be ni Aaron eshã esha afɔle kɛ naanyobɔɔ afɔle lɛ egbe naa lɛ, ehole eniji anɔ kɛtee ŋwɛi ni ejɔɔ maŋ lɛ. Kɛkɛ ni ekpeleke shi.

4 Mose 3:31

Nibii ni atu awo amɛdɛŋ ji Kpãŋmɔ Adeka lɛ, kɛ okplɔ̃ lɛ, kɛ kanetso lɛ, kɛ afɔleshãa latɛi lɛ, kɛ nibii fɛɛ ni osɔfoi lɛ kɛ sɔ̃mɔɔ yɛ He Krɔŋkrɔŋ lɛ kɛ muhɔɔ lɛŋ lɛ. Nɔ fɛɛ nɔ ni kɔɔ nibii nɛɛ ahe lɛ amɛnitsumɔ ni.

4 Mose 3:6

“Ŋɔɔ Levi akutso lɛ kɛba ni owo amɛ yelikɛbualɔi, mɛi ni baawa Osɔfo Aaron yɛ esɔfoyeli nitsumɔ lɛ mli.

4 Mose 4:15

Kɛji Aaron kɛ ebihii lɛ eha Kpee Buu lɛ kɛ Buu lɛ mli nibii lɛ hu fɛɛ ahe amɛgbe naa, ni maŋ lɛ baafã nyiɛmɔ lɛ, no mli dani Kohatbii lɛ abahole nibii lɛ, shi moŋ amɛkɛ amɛnine akata nibii lɛ eko he koni amɛkagboi. Enɛɛmɛi ji Kpee Buu lɛ he nibii ni Kohatbii lɛ baatere lɛ.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Bɔfoi 13:2

Shi be ni amɛjaa Nuŋtsɔ lɛ ni amɛhiɔ ŋmaa lɛ, Mumɔ Krɔŋkrɔŋ lɛ kɛɛ, “Nyɛjiea Barnaba kɛ Saul nyɛhãa mi kɛhã nitsumɔ ni mitsɛ amɛ yɛ hewɔ lɛ.”

Romabii 1:1

Wolo nɛɛ jɛ mi Paulo, Yesu Kristo tsulɔ kɛ bɔfo ni atsɛ lɛ ni ajie lɛ ato ahã Nyɔŋmɔ Sanekpakpa lɛ, dɛŋ.

Romabii 12:7

kɛji sɔ̃ɔmɔ ni lɛ, ehiɛ sɔ̃ɔmɔ lɛ mli; kɛ tsɔɔlɔ ji mɔ lɛ, ehiɛ nitsɔɔmɔ lɛ mli;

2 Korintobii 6:17

No hewɔ lɛ, Yehowa kɛɛ, “Nyɛjea amɛteŋ, ni nyɛtsea nyɛhe, ni nyɛkataa muji nɔ ko he, ni mahere nyɛ atuu.

Galatabii 1:15

Shi be ni esa Nyɔŋmɔ ni jie mi eto kɛjɛ minyɛ musuŋ beebe ni ekɛ edromɔ lɛ tsɛ mi kɛba lɛ hiɛ,

5 Mose 17:12

Mɔ fɛɛ mɔ ni baaje gbɛ eshi etsitsi etse kojolɔ lɛ loo osɔfo ni yɔɔ jɛi esɔmɔɔ Yehowa, nyɛNyɔŋmɔ lɛ, hiɛ atua lɛ, esa akɛ agbe lɛ koni akɛgu su fɔŋ nɛɛ yɛ Israelbii ateŋ.

5 Mose 18:5

Ejaakɛ Yehowa, nyɛNyɔŋmɔ lɛ, eŋɔ Levi kɛjɛ nyɛkutsei lɛ fɛɛ ateŋ koni lɛ kɛ eshwiei lɛ asɔmɔ yɛ ehiɛ akɛ osɔfoi kɛya naanɔ.

5 Mose 21:3

Maŋ ni kɛ gbonyo lɛ bɛŋkɛ fe fɛɛ lɛ mli onukpai lɛ amɔ tsina oblayoo ni akɛtsuko nii dã.

5 Mose 21:5

Osɔfoi lɛ, ni ji Levibii lɛ, atsi aba ejaakɛ amɛ ji mɛi ni Yehowa ehala akɛ amɛsɔmɔ lɛ, ni amɛkojo bei loo mɔnɔtswaa sane fɛɛ sane yɛ egbɛi mli.

5 Mose 31:9

Kɛkɛ ni Mose ŋma mla lɛ ewo wolo mli, ni ekɛhã osɔfoi lɛ, ni ji Levi shwiei, mɛi ni tereɔ Yehowa Kpãŋmɔ Adeka lɛ, kɛ Israelbii lɛ amaŋ onukpai lɛ fɛɛ.