5 Mose 10:20 - ŊMALƐ KRƆŊKRƆŊ LƐ

²⁰ Nyɛshea Yehowa, nyɛNyɔŋmɔ lɛ, gbeyei; nyɛsɔmɔa lɛ; nyɛkpɛtɛa ehe, ni lɛ egbɛi lɛ pɛ nyɛkɛkã kitã.

Ṅmãle̱ Kroṅkroṅ Le̱

²⁰ Iehowa, o-Nyoṅmo̱ le̱, gbeyei oše, ni le̱ osúmo̱, ni le̱ ehe oke̱ ohe akpe̱te̱, ni egbe̱i le̱ oke̱-kã kitã!

5 Mose 10:20 ပူးပေါင်းရင်းမြစ်များ

2 Maŋtsɛmɛi 18:6

Eye Yehowa anɔkwa; ni ejeee Yehowa sɛɛ, ni eye kitãi ni Yehowa wo Mose lɛ nɔ.

Lalai 63:11

Shi maŋtsɛ lɛ aaanya yɛ Nyɔŋmɔ hewɔ. Mɔ fɛɛ mɔ ni woɔ shi yɛ Nyɔŋmɔ gbɛi mli aaanya, ejaakɛ aaahã amalelɔi amua amɛnaa.

2 Mose 20:7

“Kaahiɛ Yehowa, oNyɔŋmɔ lɛ, gbɛi mli yakayaka, ejaakɛ Yehowa ebuŋ mɔ ni tsɛɔ egbɛi yakayaka lɛ bem.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Yesaia 45:23

Mikɛ mi diɛŋtsɛ migbɛi ekã mihe kitã: Jalɛ wiemɔ ko eje minaa, ni ekuŋ esɛɛ efolo. Nakutso fɛɛ nakutso aaakũla mi, ni lilɛi fɛɛ lilɛi aaakã kitã akɛɛ akɛ,

Yeremia 4:2

ni kɛji okã kitã akɛ, ‘Mina Yehowa’ kɛ onɔkwale fɛɛ, ni okojo yɛ jalɛ naa, ni ohi shi krɔŋŋ lɛ, no lɛ jeŋ maji lɛ aaayɔse amɛjɔɔmɔ yɛ Yehowa mli, ni amɛaajie mi, Yehowa, miyi.”

Mateo 4:10

Kɛkɛ ni Yesu kɛɛ lɛ akɛ, “Jee mihiɛ, Satan! Ejaakɛ aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Luka 4:8

Yesu here nɔ, ni ekɛɛ lɛ akɛ, “Aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Romabii 12:9

Suɔmɔ lɛ osato akahi mli. Nyɛhia efɔŋ kwraa; nyɛ kpɛtɛa ekpakpa he;

5 Mose 11:22

“Kɛji nyɛjwɛŋ nɛkɛ kitãi nɛɛ ni miwoɔ nyɛ nɛɛ nɔ, ni nyɛye nɔ, ni nyɛsumɔ Yehowa, nyɛNyɔŋmɔ lɛ, ni nyɛhi shi pɛpɛɛpɛ bɔ ni etsɔ̃ɔ nyɛ lɛ, ni nyɛkpɛtɛ ehe lɛ,

5 Mose 13:4

Nyɛjaa Yehowa, nyɛNyɔŋmɔ lɛ, ni nyɛshea lɛ gbeyei; nyɛyea ekitãi lɛ anɔ, ni nyɛboa lɛ toi; nyɛsɔmɔa lɛ, ni lɛ ehe nyɛkɛ nyɛhe akpɛtɛa.

5 Mose 30:20

Nyɛsumɔa Yehowa, nyɛNyɔŋmɔ lɛ, ni nyɛboa lɛ toi, ni nyɛkpɛtɛa lɛ. Ejaakɛ no aaahã nyɛyi ana wala ni nyɛtsɛ yɛ jeŋ koni nyɛhi shikpɔŋ lɛ ni Yehowa kã nyɛtsɛmɛi Abraham kɛ Isak kɛ Yakob he kitã akɛ ekɛaahã amɛ lɛ nɔ.”

5 Mose 4:4

shi nyɛ mɛi ni nyɛye Yehowa, nyɛNyɔŋmɔ lɛ, anɔkwa lɛ, nyɛ fɛɛ tswɛm nyɛyi ena wala kɛbashi ŋmɛnɛ.

5 Mose 5:11

“Kaahiɛ Yehowa, oNyɔŋmɔ lɛ gbɛi mli yakayaka; ejaakɛ Yehowa ebuŋ mɔ ni hiɛɔ egbɛi mli yakayaka lɛ bem.

5 Mose 5:29

Mina ni kulɛ amɛyɛ nɛkɛ jwɛŋmɔ daa koni amɛkɛye mikitãi lɛ fɛɛ nɔ, bɔ ni afee ni ehi ehã amɛ kɛ amɛshwiei kɛya naanɔ.

5 Mose 6:13

Nyɛshea Yehowa, nyɛNyɔŋmɔ lɛ, gbeyei; lɛ ekoome nyɛjaa, ni lɛ pɛ egbɛi nyɛkɛkãa kitã.

Yoshua 23:7

bɔ ni afee ni maji krokomɛi anɔ bii ni ashi futu nyɛ lɛ asu ko akabagbale nyɛ ni nyɛmiitsɛ amɛnyɔŋmɔi lɛ agbɛii nyɛkɛmiikã kitã, aloo ni nyɛsɔ̃mɔ amɛ, aloo nyɛja amɛ.

Yoshua 23:8

Shi moŋ nyɛkpɛtɛa Yehowa, nyɛNyɔŋmɔ lɛ, tamɔ bɔ ni nyɛfee kɛbashi ŋmɛnɛ gbi nɛɛ lɛ,

1 Samuel 7:3

Kɛkɛ ni Samuel kɛɛ Israelbii lɛ akɛ, “Kɛji nyɛmiikpale kɛba Yehowa ŋɔɔ kɛ nyɛtsui fɛɛ lɛ, no lɛ nyɛjiea maŋsɛɛ jemawɔji lɛ kɛ Astarte amãgãi lɛ hu ni nyɛyɔɔ yɛ nyɛteŋ lɛ nyɛsherɛa nyɛshwiea koni nyɛkɛ nyɛhe ahãa Yehowa kwraa; asaŋ koni nyɛsɔmɔ ekome too; ni lɛ hu eeejie nyɛ yɛ Filistibii lɛ adɛŋ.”