5 Mose 10:17 - ŊMALƐ KRƆŊKRƆŊ LƐ

¹⁷ Ejaakɛ Yehowa, nyɛNyɔŋmɔ lɛ, lɛ ji nyɔŋmɔi fɛɛ aNyɔŋmɔ kɛ nuŋtsɔmɛi anuŋtsɔ; lɛ ji Nyɔŋmɔ Ofe ni je agbo, ni he yɔɔ gbeyei lɛ; mɔ ni kwɛɛɛ hiɛiaŋ, ni asaŋ eheee nyɔɔŋnii lɛ.

Ṅmãle̱ Kroṅkroṅ Le̱

¹⁷ Edšake̱ Iehowa, o-Nyoṅmo̱ le̱, le̱ dši nyoṅmo̱i a-Nyoṅmo̱ ke̱ nuṅtšo̱mei a-Nuṅtšo̱, Mawu ní da ní he wa ní ehe yo̱ gbeyei, moni kwe̱e̱ mei ahĩeaṅ ní ehee nyōṅnii le̱,

5 Mose 10:17 ပူးပေါင်းရင်းမြစ်များ

Bɔfoi 10:34

Kɛkɛ ni Petro gbele enaa ni ekɛɛ, “Lɛɛlɛŋ, miyoo akɛ Nyɔŋmɔ jeee mɛiahĩɛiaŋkwɛlɔ;

Romabii 2:11

Ejaakɛ Nyɔŋmɔ kwɛɛɛ gbɔmɛi ahiɛiaŋ.

Galatabii 2:6

Shi mɛi ni abuɔ amɛ akɛ amɛyɔɔ gbɛi lɛ, bɔ fɛɛ bɔ ni amɛyɔɔ sa lɛ, jeee mihe sane ko ni, Nyɔŋmɔ kwɛɛɛ gbɔmɔ hiɛ ehalaaa lɛ, mɛi ni abuɔ amɛ lɛ, amɛtsɔ̃ɔɔ mi nɔ ko amɛfataaa he;

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Hiob 34:19

Ni ekwɛɛɛ lumɛi ahiɛ ni ebuuu niiatsɛ fe ohiafo, ejaakɛ lɛ eninenaa nitsumɔnii ji amɛ fɛɛ kwa lɛ bem?

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

5 Mose 7:21

Nyɛtsui akafãa yɛ amɛhewɔ, ejaakɛ Yehowa, nyɛNyɔŋmɔ lɛ, ni ji Nyɔŋmɔ kpeteŋkple ni he yɔɔ gbeyei lɛ, ji mɔ ni yɔɔ nyɛteŋ lɛ.

Kpojiemɔ 19:16

Ni aŋma gbɛi ko yɛ etade kɛ egboŋ nɔ akɛ, “Maŋtsɛmɛi aMaŋtsɛ kɛ Nuŋtsɔmɛi aNuŋtsɔ.”

Efesobii 6:9

Ni nyɛ nuŋtsɔmɛi lɛ, nyɛfea amɛ nakai nɔŋŋ ni nyɛfɔ̃a amɛhe gbeyeiwoo ni nyɛle akɛ nyɛ kɛ amɛ fɛɛ yɛ Nuŋtsɔ yɛ ŋwɛi, ni gbɔmɛi ahiɛiaŋkwɛmɔ ko bɛ egbɛfaŋ.

Yoshua 22:22

“Ofe Koome, Nyɔŋmɔ Yehowa lɛ, lɛ ele wɔyitsoŋ eto, nɔ̃ hewɔ ni wɔfee nakai; no hewɔ lɛ, Israel hu ana ale. Kɛji Yehowa hiɛ atua ni wɔtse, aloo ŋmɛɛmɔ ni wɔŋmɛɛ hemɔkɛyeli ni wɔyɔɔ yɛ emli lɛ he, hewɔ ni wɔfee nɔ ni wɔfee nɛɛ lɛ, nyɛkɛ wɔhe akakea wɔ ŋmɛnɛ gbi nɛɛ,

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Lalai 99:3

Aaajie ogbɛi kpeteŋkple ni he yɔɔ gbeyei lɛ yi. Ehe tse krɔŋkrɔŋ!

Nehemia 1:5

ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.

Yeremia 20:11

Shi Yehowa kɛ mi yɛ eji kãkãlɔ ni asheɔ lɛ gbeyei. No hewɔ lɛ, miyiwalɔi lɛ baatɛrɛ; amɛhiɛ baagbo kpɔtɔkpɔtɔɔ, ejaakɛ amɛyeŋ minɔ kunim. Amɛhiɛgbele lɛ, hiɛ kpaŋ nɔ kɛmiiya naanɔ tɔ̃ɔ.

Nehemia 4:14

Kɛkɛ ni mikwɛ bɔ ni nibii yɔɔ hãa, ni mikɛɛ maŋ lɛ mli abladei lɛ kɛ nɔyelɔi lɛ kɛ mɛi ni eshwɛ lɛ fɛɛ akɛ, “Nyɛkashea henyɛlɔi lɛ agbeyei; shi moŋ nyɛkaia Nuŋtsɔ kpeteŋkple ni he yɔɔ gbeyei lɛ, ni nyɛwua nyɛhãa nyɛnyɛmimɛi kɛ nyɛbihii kɛ nyɛbiyei kɛ nyɛŋamɛi kɛ nyɛshĩaiaŋ lɛ.”

2 Kronika 19:7

No hewɔ lɛ, nyɛhãa Yehowa hegbeyeishemɔ ahia nyɛmli; nyɛkwɛa nyɛnifeemɔnii jogbaŋŋ ejaakɛ Yehowa, wɔNyɔŋmɔ lɛ, miihi kutumpɔoyeli kɛ hiɛiaŋkwɛmɔ kɛ nyɔɔŋnihemɔ.”

1 Petro 1:17

Ni kɛ nyɛtsɛɔ mɔ ni kwɛɛɛ mɛi ahiɛiaŋ shi ekojoɔ yɛ mɔ fɛɛ mɔ nitsumɔ naa lɛ akɛ nyɛTsɛ lɛ, nyɛkɛ gbeyeishemɔ abaa nyɛjeŋ yɛ nyɛgbɔtoo be lɛ mli.

Kolosebii 3:25

Shi mɔ ni feɔ nii ni ejaaa gbɛ lɛ, nii ni ejaaa gbɛ nɔŋŋ he nyɔmɔwoo eeena, ni hiɛiaŋkwɛmɔ ko bɛŋ.

Marko 12:14

Ni be ni amɛba lɛ, amɛkɛɛ lɛ akɛ, “Tsɔɔlɔ, wɔle akɛ anɔkwafo ji bo, ni osheee gbɔmɔ ko gbeyei, ejaakɛ okwɛɛɛ gbɔmɛi ahiɛiaŋ, shi moŋ otsɔ̃ɔ Nyɔŋmɔ gbɛ lɛ yɛ anɔkwale mli. Ani eja akɛ atsuɔ onia ahãa Kaisare aloo ejaaa? Wɔhã, aloo wɔkahã?”

1 Timoteo 6:15

nɔ ni nɔyelɔ kome ni yɔɔ hewalɛ ni ajɔɔ lɛ, maŋtsɛmɛi aMaŋtsɛ kɛ nuŋtsɔmɛi aNuŋtsɔ lɛ baahã aba mli yɛ lɛ diɛŋtsɛ ebe ni sa mli lɛ.

2 Mose 23:8

Kaahe nyɔɔŋnii ejaakɛ nyɔɔŋnii shwilaa nɔkwɛlɔ, ni efiteɔ mɔ ni sane ja sane.

5 Mose 1:17

Nyɛkakwɛa hiɛiaŋ nyɛkɛkojoa; nyɛboa mɔ bibioo kɛ mɔ wulu fɛɛ toi pɛpɛɛpɛ, ni nyɛkashea gbɔmɔ hiɛ sanekɛɛmɔ gbeyei, ejaakɛ Nyɔŋmɔ ji mɔ ni baakudɔ nyɛ kɛkojo. Shi sane ni mli wa tsɔ̃ hã nyɛ lɛ, nyɛkɛbahãa mi koni maye.’

5 Mose 16:19

Amɛkaye toikɔdɔmɔ sane; amɛkakwɛ mɛi ahiɛiaŋ lɛ, amɛkahe nyɔɔŋnii hu, ejaakɛ nyɔɔŋniihemɔ shwilaa nilelɔi tete po ahiŋmɛi, ni ehãa atsɔ̃ɔ jalɔ sane hiɛ abuɔ shi.

5 Mose 24:17

“Kaatsɔ̃ gbɔ loo awusã sane hiɛ obu shi; ni kaahe okulafo hebo akɛ awaba.

5 Mose 27:25

“‘Alomɔ mɔ ni heɔ nyɔɔŋnii koni eyagbe mɔ ko ni efeko nɔ ko lɛ.’ Ni maŋ muu lɛ fɛɛ ahere nɔ akɛ, ‘Amen!’

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Yesaia 37:16

“Ao Yehowa, Taiatsɛ, Israel Nyɔŋmɔ ni omaŋtsɛ sɛi lɛ ma kerubim anɔ, bo ji Nyɔŋmɔ hã maŋtsɛyelii fɛɛ, bo okoome pɛ obɔ ŋwɛi kɛ shikpɔŋ.

Daniel 2:45

Bɔ ni ona tɛ ko ni jeee gbɔmɔ adesa nine ni kpɔ lɛ kɛjɛ gɔŋ ko he, ni ebafuflu amãgã ni akɛ dade kɛ akɔɔble kɛ su kɛ jwiɛtɛi kɛ shika fee lɛ, Nyɔŋmɔ kpeteŋkple lɛ ejie nɔ ni baaba wɔsɛɛ ko lɛ etsɔ̃ɔ bo, Nii. Lamɔ ni migba Nii nɛɛ, eji anɔkwale; ni eshishi ni mitsɔ̃ɔ lɛ hu yɛ mli nyɔŋma shiishi.”

Yeremia 32:18

Osuɔmɔ lɛ sɛɛ efooo hã mɛi akpeiakpei abɔ; shi okɛ tsɛmɛi anishaianii lɛ ahe toigbalamɔ hãa amɛbii ni baa yɛ amɛsɛɛ. Ao! Nyɔŋmɔ hewalɔ kpele, bo ni ogbɛi ji Yehowa Taiatsɛ,