5 Mose 1:8 - ŊMALƐ KRƆŊKRƆŊ LƐ

⁸ Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

Ṅmãle̱ Kroṅkroṅ Le̱

⁸ Na, mike̱ šikpoṅ le̱ efõ nyehĩe; nyeyaä ní nyeyaṅõa šikpoṅ ní Iehowa kã nyetše̱mei Abraham ke̱ Isak ke̱ Iakob kitã ye̱ he ake̱ eke̱ahãame̱ ke̱ ame̱sešibii ní baä ye̱ ame̱se̱ le̱.

5 Mose 1:8 ပူးပေါင်းရင်းမြစ်များ

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Mose 15:16

Shi yinɔ ni ji ejwɛ sɛɛ lɛ oshwiei lɛ aaaku amɛsɛɛ kɛaaba biɛ ekoŋŋ; ejaakɛ eshai ni Amorbii feɔ lɛ shɛko he ni kɛ eshɛ ni abaagbala amɛtoi.”

1 Mose 15:18

Ni nakai gbi lɛ, Nyɔŋmɔ kɛ Abram kpãŋ ni ekɛɛ, “Oshwiei lɛ mikɛ nɛkɛ shikpɔŋ nɛɛ baahã, kɛjɛ Ijipt faa lɛ naa kɛyashi faa kpeteŋkple ni ji Eufrate Faa lɛ naa.

Nehemia 9:15

“Be ni hɔmɔ ye amɛ lɛ, ohã amɛ aboloo ni jɛ ŋwɛi, ni be ni kumai ye amɛ hu, ohã nu jɛ tɛsaa mli ba, ni amɛkɛgbe amɛkumai. Okɛɛ amɛ akɛ amɛba ni amɛbaŋɔ shikpɔŋ lɛ ni okã he kitã akɛ okɛbaahã amɛ lɛ.

2 Mose 23:31

Mafo husu mahã nyɛ kɛjɛ Ŋshɔ Tsuru lɛ naa kɛyashi Filistibii lɛ aŋshɔ lɛ naa, agbɛnɛ kɛjɛ shiaŋa lɛ nɔ kɛyashi Eufrate Faa lɛ naa, ejaakɛ mahã nyɛye shikpɔŋ lɛ nɔ bii lɛ anɔ kunim koni nyɛshwie amɛ.

2 Mose 33:1

Yehowa kɛɛ Mose akɛ, “Yi mli ni oje biɛ, bo kɛ maŋ ni oyajie kɛjɛ Ijipt kɛba lɛ, kɛya shikpɔŋ ni mikã Abraham kɛ Isak kɛ Yakob ehe kitã akɛ, ‘Oshwiei mikɛ shikpɔŋ nɛɛ baahã’ lɛ nɔ.

Yeremia 32:22

ni oŋɔ shikpɔŋ nɛɛ ni okã amɛtsɛmɛi lɛ kitã yɛ he akɛ okɛbaahã amɛ lɛ ohã amɛ, eji shikpɔŋ kɛ emli fɔ ni baa nii.

Ezekiel 47:14

Mikã shikpɔŋ nɛɛ he kitã akɛ mikɛbaahã nyɛtsɛmɛi lɛ, agbɛnɛ lɛ etsɔ̃ nyɛgbɛfaŋnɔ. No hewɔ lɛ, nyɛjaa lɛ bɔ ni mɔ fɛɛ mɔ ana pɛpɛɛpɛ tamɔ enyɛmi.

4 Mose 14:23

amɛteŋ mɔ kome nɛkɛ shɛŋ shikpɔŋ lɛ ni miwo ehe shi mito akɛ mikɛbaahã amɛtsɛmɛi lɛ nɔ. Mɛi fɛɛ ni kwa mi lɛ ateŋ mɔ kome nɛkɛ shɛŋ shikpɔŋ lɛ nɔ.

4 Mose 32:11

‘Hii ni shi Ijipt shikpɔŋ lɛ nɔ lɛ ateŋ mɛi ni eye kɛjɛ afii nyɔŋmai enyɔ kɛyaa lɛ ateŋ mɔ ko mɔ ko hiŋmɛi enaŋ shikpɔŋ ni mikã he kitã akɛ mikɛbaahã Abraham kɛ Isak kɛ Yakob lɛ, ejaakɛ amɛyeko mi anɔkwa kɛwulako shi,

5 Mose 1:11

Yehowa, nyɛtsɛmɛi aNyɔŋmɔ lɛ, ahã nyɛyi afa bɔ ni nyɛyɔɔ amrɔ nɛɛ toi akpei abɔ; ni ejɔɔ nyɛ tamɔ bɔ ni ewo nyɛ shi lɛ.

5 Mose 1:35

‘Nɛkɛ yinɔ fɔŋ nɛɛ nɔ bii nɛɛ ateŋ mɔ ko mɔ ko enaŋ shikpɔŋ kpakpa ni mikã he kitã akɛ mikɛbaahã nyɛtsɛmɛi lɛ kɔkɔɔkɔ.

5 Mose 10:11

Kɛkɛ ni Yehowa kɛɛ mi akɛ, ‘Yaa ni oyanyiɛ maŋ lɛ hiɛ koni amɛya ni amɛyaŋɔ shikpɔŋ lɛ ni miwo amɛtsɛmɛi lɛ shi yɛ he akɛ mikɛbaahã amɛ lɛ.’ ”

5 Mose 11:24

He fɛɛ he ni nyɛnane aaasa lɛ jɛi aaatsɔ̃ nyɛnɔ. Nyɛshikpɔŋ lɛ baajɛ shiaŋa lɛ nɔ yɛ wuoyigbɛ, kɛyanina Lebanon gɔji lɛ yɛ kooyigbɛ; ni ebaajɛ Eufrate Faa lɛ naa yɛ bokãgbɛ kɛyamɔ Mediterenia Ŋshɔ lɛ yɛ anaigbɛ.

5 Mose 11:9

asaŋ koni nyɛwala sɛɛ atsɛ yɛ shikpɔŋ kpakpa ni baa nii ni Yehowa wo nyɛtsɛmɛi shi akɛ ekɛbaahã amɛ kɛ amɛshwiei lɛ nɔ.

5 Mose 2:29

kɛyashi wɔɔfo Yordan Faa lɛ kɛbote shikpɔŋ ni Yehowa, wɔNyɔŋmɔ lɛ, kɛaahã wɔ lɛ mli. Nakai ji bɔ ni Esau shwiei ni yɔɔ Edom lɛ kɛ Moabbii ni yɔɔ Ar lɛ hu fee amɛhã wɔ.’

5 Mose 26:15

Jɛɛ oshihilɛhe krɔŋkrɔŋ ni yɔɔ ŋwɛi lɛ, ni okwɛ koni ojɔɔ omaŋ Israel kɛ shikpɔŋ kpakpa ni baa nii ni okɛhã wɔ lɛ, tamɔ bɔ ni okã wɔtsɛmɛi lɛ kitã lɛ.’

5 Mose 26:3

Yaa osɔfo ni tsuɔ jɛi nii nakai be mli lɛ ŋɔɔ, ni oyakɛɛ lɛ akɛ, ‘Miikɛɛ ŋmɛnɛ gbi nɛɛ, yɛ Yehowa, miNyɔŋmɔ lɛ, hiɛ akɛ mibashɛ shikpɔŋ lɛ ni Nuŋtsɔ lɛ wo wɔtsɛmɛi lɛ ehe shi akɛ ekɛbaahã wɔ lɛ nɔ.’

5 Mose 28:11

Yehowa baahã oshwere babaoo. Omusuŋ bii kɛ okooloi abii kɛ oŋmɔshi nibaanii fɛɛ aaashwere yɛ shikpɔŋ lɛ ni ewo otsɛmɛi lɛ he shi akɛ ekɛbaahã bo lɛ nɔ.

5 Mose 29:12

Nyɛba ŋmɛnɛ koni nyɛ kɛ Yehowa, nyɛNyɔŋmɔ lɛ, abote kpãŋmɔ ni Yehowa, nyɛNyɔŋmɔ lɛ, kãa nyɛ he kitã ŋmɛnɛ gbi nɛɛ lɛ mli,

5 Mose 30:20

Nyɛsumɔa Yehowa, nyɛNyɔŋmɔ lɛ, ni nyɛboa lɛ toi, ni nyɛkpɛtɛa lɛ. Ejaakɛ no aaahã nyɛyi ana wala ni nyɛtsɛ yɛ jeŋ koni nyɛhi shikpɔŋ lɛ ni Yehowa kã nyɛtsɛmɛi Abraham kɛ Isak kɛ Yakob he kitã akɛ ekɛaahã amɛ lɛ nɔ.”

5 Mose 31:7

Kɛkɛ ni Mose tsɛ Yoshua kɛba eŋɔɔ, ni ekɛɛ lɛ yɛ Israel maŋ muu lɛ fɛɛ hiɛ akɛ, “Ohe awa, ni ofee ekãa, ejaakɛ bo okɛ nɛkɛ maŋ nɛɛ baaya shikpɔŋ lɛ ni Yehowa ewo amɛtsɛmɛi lɛ he shi akɛ ekɛbaahã amɛ lɛ nɔ, ni bo nɔŋŋ oooja shikpɔŋ lɛ ohã amɛ akɛ amɛgbɛfaŋnɔ.

5 Mose 34:4

Kɛkɛ ni Yehowa kɛɛ Mose akɛ, “Shikpɔŋ lɛ ni miwo Abraham kɛ Isak kɛ Yakob shi yɛ he akɛ, ‘Mikɛbaahã nyɛshwiei’ lɛ, no nɛ. Mihã ona kɛ ohiŋmɛitsei enyɔ, shi jɛi ni oyaŋ.”

5 Mose 4:1

Agbɛnɛ Mose kɛɛ Israelbii lɛ akɛ, “Nyɛyea akpɔi kɛ mlai ni mitsɔ̃ɔ nyɛ lɛ anɔ koni nyɛyi ana wala koni nyɛya nyɛyaŋɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ lɛ.

5 Mose 6:10

“Kɛji Yehowa, nyɛNyɔŋmɔ lɛ, kɛ nyɛ yashɛ shikpɔŋ lɛ ni ewo nyɛtsɛmɛi, Abraham kɛ Isak kɛ Yakob, he shi akɛ ekɛbaahã nyɛ lɛ nɔ, shikpɔŋ kɛ enɔ maji wuji fɛɛfɛji ni jeee nyɛ nyɛto;

5 Mose 7:12

“Kɛji nyɛbo nɛkɛ mlai nɛɛ toi, ni nyɛye nɔ lɛ, no lɛ Yehowa, nyɛNyɔŋmɔ lɛ, baaye kpãŋmɔ ni ekɛ nyɛ ekpãŋ lɛ nɔ, ni ebaasumɔ nyɛ kɛ suɔmɔ ni tsakeee tamɔ bɔ ni ewo nyɛtsɛmɛi lɛ shi eto lɛ.

5 Mose 7:13

Ebaasumɔ nyɛ, ni ebaajɔɔ nyɛ, ni ebaahã nyɛyi afa. Ebaajɔɔ nyɛmusuŋbii hu kɛ nyɛŋmɔshi nibaanii bɔ ni nyɛbele kɛ nyɛwaintsei kɛ mu kɛ nyɛtsinai kɛ nyɛtoi baashwere yɛ shikpɔŋ lɛ ni ewo nyɛtsɛmɛi lɛ shi yɛ he akɛ ekɛbaahã nyɛ lɛ nɔ.

5 Mose 7:8

Shi moŋ suɔmɔ ni esumɔɔ nyɛ hewɔ, shi bɔ ni afee ni eye shi ni ewo nyɛtsɛmɛi lɛ nɔ lɛ, no hewɔ ni Yehowa kɛ nineshiwalɛ jie nyɛ, ni ekpɔ̃ nyɛ kɛje nyɔŋ ni Ijipt maŋtsɛ lɛ yeɔ nyɛ lɛ mli lɛ.

5 Mose 8:1

“Kitãi fɛɛ ni miwoɔ nyɛ ŋmɛnɛ nɛɛ lɛ, nyɛjwɛŋa nɔ, ni nyɛyea nɔ koni nyɛyi ana wala, ni nyɛshwere, ni nyɛyaa nyɛyaŋɔa shikpɔŋ lɛ ni Yehowa, nyɛNyɔŋmɔ lɛ, wo nyɛtsɛmɛi lɛ shi yɛ he lɛ.

5 Mose 9:5

Jeee nyɛjalɛ loo nyɛtsuiŋ ni yɔɔ krɔŋkrɔŋ hewɔ ni nyɛyaa nyɛyaŋɔ gbɔmɛi nɛɛ ashikpɔŋ lɛ; shi moŋ Yehowa, nyɛNyɔŋmɔ lɛ, miishwie amɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ, bɔ ni afee ni, shi ni lɛ Yehowa ewo nyɛtsɛmɛi Abraham kɛ Isak kɛ Yakob lɛ ema nɔ mi.

Hebribii 6:13

Ejaakɛ be ni Nyɔŋmɔ wo Abraham shi lɛ, akɛni ebɛ mɔ ko ni fe lɛ diɛŋtsɛ ni eeekã lɛ kitã hewɔ lɛ, ekã lɛ diɛŋtsɛ ehe kitã

Hebribii 6:14

ekɛɛ, “Lɛɛlɛŋ, jɔɔmɔ majɔɔ bo ni fa hu mahã oshwiei afa.”

Yoshua 1:6

Wajemɔ ohe ni ofee ekãa; ejaakɛ shikpɔŋ lɛ ni mikã maŋbii nɛɛ atsɛmɛi lɛ ehe kitã akɛ mikɛbaahã amɛ lɛ, bo obaahã etsɔ̃ amɛnɔ.

Kojolɔi 2:1

Agbɛnɛ Yehowa bɔfo jɛ Gilgal kɛba Bokim ni ebakɛɛ Israelbii lɛ akɛ, “Mijie nyɛ kɛjɛ Ijipt ni mikɛ nyɛ ba shikpɔŋ ni mikã nyɛtsɛmɛi lɛ akitã yɛ he lɛ nɔ, ni mikɛɛ: ‘Mikuŋ mikpãŋmɔ ni mi kɛ nyɛ ekpãŋ lɛ mli gbi ko gbi ko,