5 Mose 1:32 - ŊMALƐ KRƆŊKRƆŊ LƐ

³² Shi nɛkɛ wiemɔ nɛɛ fɛɛ sɛɛ lɛ, nyɛyaheee Yehowa, nyɛNyɔŋmɔ lɛ, nyɛyeee,

Ṅmãle̱ Kroṅkroṅ Le̱

³² Ši ne̱ke̱ sane le̱ mli le̱ nyehee Iehowa, nye-Nyoṅmo̱ le̱, nyeyee;

5 Mose 1:32 ပူးပေါင်းရင်းမြစ်များ

2 Kronika 20:20

Yuda hii lɛ kɛ Yerusalɛm hii lɛ fã enɔ jetsɛremɔ leebi maŋkpa kɛtee Tekoa shiaŋa lɛ nɔ. Shi dani amɛfã lɛ Yehoshafat ho edamɔ shi ni ekɛ ta lɛ wie. Ekɛɛ amɛ akɛ, “Agoo! Yuda hii kɛ Yerusalɛm hii, nyɛhea Yehowa, nyɛNyɔŋmɔ lɛ, nyɛyea, ni nyɛbaanyɛ shi nyɛfi; ni nyɛhea gbalɔi lɛ hu nyɛyea, ni nyɛbaaye omanye.”

Lalai 106:24

Amɛgbe shikpɔŋ fɛɛfɛo lɛ he guɔ, ejaakɛ amɛheee Nyɔŋmɔ shiwoo lɛ amɛyeee.

Lalai 78:22

ejaakɛ amɛheee Nyɔŋmɔ amɛyeee, ni amɛkɛ amɛhiɛ efɔ̃ɔɔ eyiwalaheremɔ hewalɛ lɛ nɔ.

Yesaia 7:9

Israel he waaa fe Samaria, emaŋ wulu lɛ, ni Samaria he waaa fe Maŋtsɛ Peka, Remalia binuu lɛ. Kɛji nyɛheee nyɛyeee lɛ, no lɛ nyɛhiŋ shi akɛ maŋ.”

4 Mose 14:11

Yehowa kɛɛ Mose akɛ, “Mɛɛ beyinɔ nɔŋŋ maŋ nɛɛ aaakwa mi kɛyashi? Mɛni shwɛɔ dɔŋŋ dani amɛaahe minɔ amɛye yɛ nibii fɛɛ ni mifee mikɛto amɛ okadii lɛ asɛɛ?

Hebribii 3:12

Nyɛkwɛa ni ahia, anyɛmimɛi, koni nyɛteŋ mɔ ko akahi tsui fɔŋ ni heee yeee ni ekpale kɛje Nyɔŋmɔ, hiɛkãalɔ lɛ, he.

Hebribii 4:2

Ejaakɛ wɔ hu ajaje Sanekpakpa lɛ atsɔ̃ɔ wɔ tamɔ bɔ ni ajaje atsɔ̃ɔ amɛ lɛ nɔŋŋ; shi kɛ̃lɛ wiemɔ ni amɛnu lɛ he eyabaaa sɛɛnamɔ ko hãaa amɛ, ejaakɛ mɛi ni nu lɛ kɛ hemɔkɛyeli mɔɔɔ mli.

Yuda 1:5

Shi miitao akɛ makai nyɛ, nyɛ ni nyɛle enɛ fɛɛ momo lɛ, akɛ Nuŋtsɔ lɛ here maŋ lɛ kɛjɛ Ijipt, shi no sɛɛ lɛ ekpãtã mɛi ni heee yeee lɛ ahiɛ.